اقرب شاعر .. - الهيـــــــــــــلا *** منتدى قبيلة عتيبة

المقدام · 25-Jun-2009, 12:19 AM

سلام في مبتدى القيل .. ينصى رجالً مناعير ../.. اهل الكرم والمواقيف .. سلام في مبتدى القيل

الوقت باقي من الليل .. يكفي لكشف التقارير ../.. وماظن فيها مناكيف .. في مابقالي من الليل

فزاع الاسعدي · 25-Jun-2009, 12:47 AM

يامرحبا صبحن وليل .. ياصلك دون التواخير // منصات ماهي صواديف .. يامرحبا صبحن وليل

لاصرت شاعر ولك حيل .. عطنا علوم ومناوير // لو قلت فيها تكاليف .. يوم انت شاعر ولك حيل

آخر تعديل فزاع الاسعدي يوم 25-Jun-2009 في 12:53 AM.

المقدام · 25-Jun-2009, 01:17 AM

دام البقا ياهل الخيل .. اعداد من يارد البير ../ وأعداد من يكرم الضيف ..دام البقا ياهل الخيل

الوضع بين المشاكيل .. طيرً تكاتف مع الطير ../.. والوضع من قدمكم شيف .. الوضع بين المشاكيل

آخر تعديل المقدام يوم 25-Jun-2009 في 01:20 AM.

فزاع الاسعدي · 25-Jun-2009, 01:35 AM

لاتحسبه بنن وهيل .. الوضع ياصاحبي غير // قدمك نار ومحاويف .. لاتحسبه بنن وهيل

انته تخايل لك مخيل .. من صبح مدري من عصير // وبالليل دايم تخاويف .. وانته تخايل لك مخيل

المقدام · 25-Jun-2009, 01:55 AM

فزآع ياعـآدل الميل ..أعدل ولاتعكس السير ../.. ثمً تشوف المضاريف .. فزاع ياعادل الميل

صاحبك مايبخس الكيل .. ويومن بما فـالمقادير ../.. وأن كان خايف من الطيف .. حذراك لاتبخس الكيل

فزاع الاسعدي · 25-Jun-2009, 02:36 AM

ياقدر يامثل ماقيل .. ليتك مغطى للاخير // من شان ما نكشف الزيف .. ياقدر يامثل ماقيل

مقدام لكنك احليل .. ياطعس ماتشبه النير // محواك كله سواليف .. ياكيف مقدام واحليل

المقدام · 25-Jun-2009, 03:15 AM

ياهيه لاتنطح السيل .. وأظن قد جاك تحذير ../.. وبيٌنت لك ضربة السيف .. وتقول ابـ أنطحك ياسيل

اسمو كما الجدي وسهيل .. وجاوب كلامي بتقدير ../.لو كان ترقى المشاريف... ملزوم تسمو كما سهيل

آخر تعديل المقدام يوم 25-Jun-2009 في 03:19 AM.