بعض من ملاحم و بطولات قبيلة الجعدة ( الاد جعيد )

[إبن سعدون]

بسم الله الرحمن الرحيم

رابط القصيده:

http://www.jaffaj.com/up/file2/2b6780794f.3gp

هذه قصيدة قديمه للمرحوم الشاعر / عوض الله بن رجا


نقدمها لكم مجالسي بصوت


الشاعر / ثياب غنام الجعيد


وفيها بعض من بطولات قبيلة الجعدة مع بعض القبائل المجاورة لهم والقصيده اطول من ذلك وهذا جزء منها.


وتقبلو تحياتي.........

[مخاوي العتبان]

اخوي ابن سعدون حياك الله

من زمان وانا ادور بطولات الجعده ونعم فيهم كلهم بني عمنا

ياليت تكتب لنا عن بطولاتهم ومعاركهم


وهل لهم معارك مع قبيلة مطير ؟؟

ولك الف شكر على القصيدة

[الامير حريبيش]

بسم الله الرحمن الرحيم
الاخ / ابن سعدون بعد التحية

بيض الله وجهك على هذه المشاركة قصيدة ملحمية عن قبيلة الجعدة من شاعر هرم معروف وهو ابن رجا صاحب شعر حماسي وله مكانه عند قبيلة الجعدة كمكانة / فراج التويجر و فيحان بن ثمر الرقاص في قبيلة عتيبة بنجد اما استفسار الاخ/ مخاوي العتبان عن قبيلة الجعدة هل لهم معارك مع قبيلة مطير فأقول له :
كمعارك مستقلة بين قبيلة الجعدة وقبيلة مطير لايوجد ولكن كما تعلم (سياسة الحكام) عندما تتمرد قبيلة مطير على الشريف كان يخرج لها على راس حملة تاديبية اغلبها من قبيلة عتيبة ومرات تنتصر قبيلة مطير كمعركة هدان ومرات تهزم وقد سمعت من بعض عوارف قبيلة الجعدة عن بعض الحملات باسم الشريف ضد قبيلة مطير وقبيلة حرب شاركوا فيها قبيلة الجعدة
وكذلك توجد قصة لفارسين من فرسان قبيلة الجعدة وهم / الفارس قليش و/ الفارس علي وهم اخوه شجعان من فخذ السماحين من الزواير من قبيلة الجعدة حصلت عليهم قصة مع احد الاشراف فقام هذان الاخوين بقتل هذا الشريف وذلك عندما كان الاشراف اسرة مالكة في الحجاز مما حتم على الفارس قليش والفارس علي وجماعتهم السماحين بالنزوح عن ديار قبيلة الجعدة الى ديار قبيلة الذيبه من قبيلة الروقة من قبيلة عتيبة وعندما حلوا في ديار الذيبة باهلهم وبيوتهم اتي اليهم احد فرسان قبيلة الذيبة وقال لهم هذا البيت

براء الاد جعيد براء ،،،،،،،،،،،،،، واطراف العذل لاتنزلونه

فرد عليه الفارس قليش بقوله

حنا حدانا شريف لااستقراء،،،،،،،،،،، واللي مثلنا ماتنكرونه

وبالفعل استقبلوهم قبيلة الذيبة بالاكرام والتقدير ومكثو عندهم فترة من الزمن وفي احد الايام اثناء وجود فرسان الجعدة الجالين عند قبيلة الذيبة حصلت غارة عليهم من قبل قبيلة مطير بقيادة احد شيوخها الفرسان المشهورين وبالطبع شارك فرسان قبيلة الجعدة مع ابناء عمومتهم الذين هم في ضيافتهم واستطع احد فرسان الجعدة واسمه ثواب بن عتيق بان يحقق المعجزة ويقتل فارس قبيلة مطير المشهور مما حدا بشيخ قبيلة الذيبة بان يكافئ هذا الفارس على هذا الفعل بان يزوجه احد بنات القبيلة فتزوجها الفارس ثواب وانجبت الفارس الملقب بالجمل وهو منصور بن ثواب ابن عتيق الجعيد المتوفي في مدينة الرياض سنة 1410هـ عن عمر يناهز 130سنه

والله ولي التوفيق

[الامير حريبيش]

بسم الله الرحمن الرحيم
الاخ مخاوي العتبان بعد التحيه
اذا اردت الاستزاده في معرفة نبذه عن اخبار قبيلة الجعده ادخل قسم الانساب في هذا المنتدى تجد موضوع بعنوان نسب قبيلة الجعده ولمحه من تاريخهم وانشا الله تجد مايسرك ودمت يالعضياني

[مخاوي العتبان]

مشكور يالامير حريبش ونعم فيك انت و الجعده

[إبن سعدون]

ابناء العمومه ابن حريبيش والعضياني مشكورين على المرور والمشاركة

وعلى طاري الشاعر الكبير عوض الله بن رجا رحمه الله واموات المسلمين كان له لقب مشهور تعرفه يابن حريبيش تراني ناسيه بس اذكر الوالد الله يرحمه ينقفه ابه اليا ذكره

والله يعطيكم العافية,,,,,,,,,,,

[السناني النخيش]

مشكور اخوي على القصيدة الجميله والجعدة كفو والله
بس اذا تعرف قصدة الجعدة وذوي سنان يوم غزو الحرث لان مايعرفها الا شيخ من الجعده واسمهة مايحضرني الان
والله يعطيك العافية

[إبن سعدون]

ماعلاك زود يابن سنان وياليت تذكر القصة اللي اشرت الها لاني ماعندي بها علم.

وتقبل تحيات ابن عمك..................

[الامير حريبيش]

الاخ ابن سعدون سالتني عن لقب الشاعر الكبير ابن رجا لقبه هو المصرفد واعذرني علي التاخير في الاجابه لان دخولي علي النت قليل لانشغالي ولا تحرمنا من جديدك وسلم علي نفسك والربع ابن حريبيش

[إبن سعدون]

الله يذكرك بالجنه اي والله المصرفد الله يرحمه ويسكنه الجنة راحوا زحول الرجال يابو حريبيش


وسلامك وصل الله يسلمك من الشر

الحمد لله فالاد جعيد وابري كني الذيب **** على حواطية(ن) كن القصب غاش(ن) قراها

تقبل تحياتي,,,,,,,,,,,,,

آخر تعديل إبن سعدون يوم 18-May-2007 في 10:26 PM.