يابو خالد من عرفتك وانت لحمولٍ ثقيله !! - الهيـــــــــــــلا *** منتدى قبيلة عتيبة

الــوآفــي · 26-Jun-2004, 11:40 PM

تعبر عن نفسها

[poet font="Simplified Arabic,4,black,normal,normal" bkcolor="transparent" bkimage="backgrounds/23.gif" border="none,4,gray" type=0 line=200% align=center use=ex length=0 char="" num="0,black" filter=""]
يابو خالد من عرفتك وانت لحمولٍ ثقيله = والرجل لامن زعل راح لخويه واشتكاله

والعتب ما يرسل الا يم رجلٍ يستويله = لا لفاه العلم مني قامله ثم استواله

ارسل المرسول للي في البشر مابه مثيله = في القبايل كلها ما ينلقى واحد مثاله

انت وش رايك برجالٍ ربى وسط القبيله = لا دخل قالوا هلا يا مرحبا يا كيف حاله

ويوم روح في الوظيفه وابعد المكتوب نيله = ما تكلف أي واحد باتصال ولا رساله

وراحت العشره وراحت قبلها سنينٍ طويله = وانصدم هذا الصديق بما حدث واللي جراله

في سنه تنسى صداقة مدةٍ ماهي قليله = ربع قرن من الصداقه ماحدٍ كلّف سؤاله

ابك انا ماني ضعيفٍ ينتظر منهم جميله = ولا حياتي واقفه لعيون واحد واتصاله

بس شرهاتي كبيره وازعلي ماحدٍ يشيله = والعتب كبر المحبه والزعل يالك وياله

والله اني ماعتبت الا على راع الشكيله = يوم ينساني وينسى ماضيٍ معيه مضاله

ووالله اني ما بغيت بما كتبت اية بديله = بس والله خاطري يبغى يقول اللي طراله

[/poet]

وسلامتكم

|2|

التوقيع

ليا جاء طاري الهيــــــلا يفز القلب فزة شوق

ألبوم صور

مدونه مميزه

العتيبي · 26-Jun-2004, 11:45 PM

صح لسانك يا ذيبان

وتبشر بالرضى وعلوم الطيب

اخوك ابو خالد

التوقيع

haif@otaibh.net

الوليد الاسعدي · 26-Jun-2004, 11:57 PM

صح لسانك وياهنيك بابوخالد

تسمح لي ساعلق القصيده على جدار المنتدى لتكون من معلقات الهيلا .

التوقيع

و أنا عتيبي من سلالة هـوازن *** ربعي عوايدها الفخر من جدودها
ما نوشي الفتنه ولا نحرث الردى *** ولا نهاب اليا تسامت وقودها
ان ميل الميزان من قوم يمنا *** صبرنا لها لوكان كبرت لهودها
وان ميل الميزان منا على العدا *** نروي من السم السقطري كبودها

ابوسليمان · 27-Jun-2004, 12:02 AM

صح لسانك ياذيباااااااااااان

الله يعطيك العافيه

تقبل ازكى تحيه

فرهودي · 27-Jun-2004, 12:33 AM

ذيبان انا اشهد انك تستاهل الوسام الذهبي..
وصح لسانك.. ياذيبان

يابو خالد من عرفتك وانت لحمولٍ ثقيلـه...... والرجل لامن زعل راح لخويه واشتكالـه

الله الله..

فرهودي،،