الحرب سقم العين من معلقات الفارس الشيخ تركي بن حميد - الهيـــــــــــــلا *** منتدى قبيلة عتيبة

ابو محمد الدعجاني · 23-Nov-2008, 08:29 AM

السلام عليكم ورحمة الله وبركاته

هذه قصيده موجهه من الشيخ تركي بن حميد الى الشيخ محمد بن هادي بن قرمله ويذكر فيها انه جنح للصلح سابقا ولكن دون جدوى وبالتالي فهو يتوعده بالحرب واصفا شجاعة قومه وقوة باسهم

ياراكب من فوق بواجة الخلا=من البقل مابانت مواري فطورها
زعول(ن)من الراكب جزوع(ن)من العصا=خطر(ن)على فزاتها قصم كورها
ركابها من ربعنا خابرينه=دليلة الظلما الى غاب نورها
انص (ابن هادي)ريف هشالة الخلا=ريف الهجافا في ليالي عسورها
في مجلسه تلقا علوم(ن)طرايف=وحيل تطاها كل يوم قدورها
قل له طلبنا الصلح منكم ولا حصل=دنياك مايبقى بها الا صبورها
ترا الحرب سقم العين ماهوب ب راحه=تسهر ويقزي نومها عن حجورها
ولا حربتونا فحنا حريبه=ماحن بشيان قصار(ن)شبورها
تضدوننا بالكثر حنا نضدكم=باكوان منا ما تجبر كسورها
نقفي وحنا عيننا في حريبنا=نعقب لهم نمرا تعاقب سبورها
ونرد سرحات الخلايق مشايع=كبار القفاير نابيات ظهورها
اما نوافق غرة تتفق لنا=ولا مقابيس تقسم شرورها
يرجا فزعتنا الى جا ..كميننا=بدهم الفرنج اللي وساع قرورها
كرامة للي تشوق لحربنا=لو انتحوا عنا بعيد نزورها
وماذمكم ياربعنا نعم(ن)بكم=انتم سباع الهيش وحنا نمورها
انتم كما ظلع صبور(ن)على الشقا=وحنا حرار(ن)في مشاذيب قورها
ساعة تجيكم خيلنا عارفينها=معاريض ماهي معطيتكم نحورها
وساعة تجينا خيلكم عارفينها=نحد السبايا لين تركب وعورها
كم سربة دهما دهوم(ن)نجرها=تحاكوا بها غيابها مع حظورها
الى نسيتوها عليكم نجرها=تموتون وانتم مانسيتوا حرورها
تصبح مداس الخيل من غب كوننا=تشبع حناديها وباقي نسورها
ماينفع الا الصدق والفعل والنقا=وباقي الحكايا بايهات(ن)امورها
عاداتنا لطم المعادي على النقا=ولا العميله راتعه ماندورها

عتيب بن شباب · 23-Nov-2008, 12:39 PM

مشكور ابن غزاي
علي ايراد هذه القصيده الجزله للشيخ تركي بن حميد

عبدالرحمن الهيلوم · 23-Nov-2008, 02:27 PM

كفوو بفريس الهيلا وحفيد السلاطين

اعتيبه خلقت ان تقود لاتقاد

والتاريخ كما قيل لايحذف بحيود
نجد مترتها فريس الهيلا تمتير
وسلاطين نجد لاينساهم الا كل جاهل حقود
والايام دول
دمت بخير
يالغالي