محاورة بين محمد بن تويم الثبيتي ومطلق الثبيتي

[أبو راكان]

محاورة بين محمد بن تويم ومطلتق الثبيتي( رحمهما الله)
مطــــــلق:
هلا مرحبا باللي حضر والعلوم أجداد ـــ ـــ عداد السحاب اللي بروقه يسوقنه
محمد محمد معتبي له سيوف أحـداد ــ ــ سيوف من أهل النار مدري من الجنه
محمــــد :
هلا مرحبا ترحيبة نوها منقاد ــ ـــ اقوله وصفين النشاما يقولنه
سيوف حداد وعلمها دائم يزداد ــ ـــ لكن ارفع الغترة عن الراس والصنه
مطـلق :
الا ياكرا بكره ننزلك شداد ـــ ــ وادربي حصاك الصم ياعالي القنه
طواك الهوى والود لين احترمت الزاد ــ ــ وهذا خطأ ماهومن الفرض والسنه
محمـــــد:
ولاياكرا مضمون من غزو أهل بغداد ــ ــ ولا في ضميري شك منهم ولا ظنه
تبي تشرب التعميرة وتشرب البراد ــ ــ لكن العرب سمعوا لهم في العصا خنه
مطــلق :
ويا الاجودي خلك على سكة الأجواد ــ ــ بعد ياتهامي بدرتك عودت شنه
يغيب ويجي بعض العرب ما عنه نشاد ــ ــ ولاله على العربان فضل ولا منه
محمـــــد :
ابا اتعبك فالمحدار واتعبك فالمسناد ــ ــ وابا اخبط غصونك بالسلم مع ورقهنه
تبا لك على بيت الحنش جلسه ومرقاد ــ ــ ولا ياقلوب البل خيفي من الونه

[فرهودي]

مشكور ابوراكان..
اختيار موفق..
لاتحرمنا مثل هالمحاورات.
ورحم الله الشاعرين..


اخوك فرهودي

[خالدالعصيمي]

الاخ ابو راكان

بيض الله وجهك على النقل الطيب

ورحم الله الشاعرين المخضرمين

تقبل اعذب تحيه

من خالد العصيمي

[وصل العطياني؟؟؟]

بيض الله وجهك...


ورحم الله الشاعرين..



تحياااااااااتي

التوقيع

na111na@hotmail.com