سلطان بن صاهد الجلاوي

[فدا لعتيبه]

شـاب واسـم بـرز عـلـى مستوى الـساحـه الـشعريـه مـؤخـراً في ايـام وفـتـرة قـلـيـلـة

اثـبـت تـواجـده بـأبـداعـه وحـضـوره الـممـيـز كـحـضـور الـمميـزيـن عـادةً

هــذا الأنــســان الـذي اتـخذ مـياديـن الـمحـاورة او الـقلطـات حـســـب تسميـة بـعـض الـنـاس ، إلـى مـنـبـراً يـــدافـع فـيـه دون قـــبــيــلــتـه ويـهـاجـم مـن يـحـاول الـنيـل من هــذي الـقبيلـة الـعظيمـــة والكـبيـرة الـذي لـهـا امــتـداد فــــي دول الـخليـج ، بـل ودول الـــعـــرب جـميعـــاً

هـذا الـشـاعـر الـفـذ صاحـب الـقـوة الـبارعـة فـي نـظـم الـقـوافـــــي وتكوينهــــا والـذي لايـستغـرق بـضـع دقـايـق للـــــرد عـلـى الـشعـراء الآخـريــــن ، والـذي اثـبـت نـفـسـه فـي فـتـرة وجـيزة لا تــتـجــــــاوز الـسـنـتـين
..
..
..
إذن شـاعـرنا هـو ../ سـلـطـان ابـن صـاهـد ابـن فـدغـوش الـجلاوي مـن ذوي فـهيـد مـن الـشيابيـن ( سـهـم عـتـيـبـة )
نـشـأتـه : تـرعرع ونـشـأ فـي هـجـرة الـفـريـدة غـرب من حلبان وشرق من الخاصرة

عـمـره : 28سـنـة

مـن مـواليـد : 1400هــ

مـحـل سكنـه الآن : فـي الـدخـل ، ورى الـكبـري ، شـارع الـ100

بـدايـة دخـولـة إلـى ساحة المحاورة : أواخــر الـخمـس وعـشـريـن

بـدايـتـه بـالـشعـر : بـدأ بـالـنـظـم عـام 1416 هـ

//
:
\\

بـعـض قـصـايـده : ـ



قـصـيـدة مـن بـدايـة سلطان في النظم قـالـهـا وهـو مـسافـر :

راكب اللي كل مامنـي عطيتـه
قام يسبح مثل من في البحر عايم
وارد النيسـان لامنـي نويـتـه
يسبق اللي في علو الجو حايـم
مجلسن تحت المكيف ما اهتنيته
ضارين راسي على لفح السمايم
كم غبشت وكـم ليلـن سريتـه
عن دورة المرجلة مانـي بنايـم
يوم ولد اللاش دايم حـدر بيتـهم
جلسه معروف مع غبر اللثايـم
مير يا فيحـان علـم ان لقيتـه
والله اني ما ارتجي فزعة هلايـم
والصلاة ختام والمصحف قريتـه
والسعـد قدامنـا والحـظ قايـم

//
::
\\

قـصيـدتـه في ابو ( صـاهـد ) اللـه يحفظه :

كان يا منصور ابوك الصبح هاوي
للمـراح ولا يـردنـه ظـروفـه
قله اني مع صلاة الصبـح نـاوي
اعطي الفكسار لين اكتـم بلوفـه
وانا غدا للسير والمكـره تعـاوي
ما على المشوار والطرقه حسوفه
ما نقيل غير في بيـت الجـلاوي
بيت عود ما تريح ليـن اشوفـه
شوف ابويه مايجيلـي بالمنـاوي
شوف من يفرح لياكثروا ضيوفـه
ودي اسلم علـى الحـر النـداوي
واتعـذر منـه واقبـل كفـوفـه
لي شهر وانا على شوفه شفاوي
بس وقتي ويش اسوي في صدوفه
كل ما ينحيبي الوقـت النحـاوي
اتحـرى ساعتـن فيهـا نكوفـه
يم ابوي ويـم مخلفـة الهقـاوي
البكار اللي لهن نفسـي شغوفـه
ما حلى قدامهـن جـر الغنـاوي
لا اتزح برق الحيا والزم قدوفـه
ما قهرناها على الوادي السناوي
في اول الوسمي وفي مقدم صيوفه
الربيع ادنى المرابيـع الصـداوي
والعقوم اللي على الحد معروفـه

//
:
\\

قـصيـدتـه الـغـزليـة ( نـجـل الـعيــون ) الـشهيـــره

هيه يا نجل العيون اللي علـى طاريهـا
تستريح هجوس قلبـي ويتريـح بالـي
هيه يا اللي ما اهتني وارتاح لين اطريها
هيه يا الي كثر ما احبه معـذب حالـي
لاتحسبني على حبـك مسويـن فيهـا
والله انك عندي اغلةى من جميع آمالي
انتي شمعة حبي اللي مستحيل اطفيهـا
كيف ابطفيها وانا محتاج لنـور اقبالـي
انتي عندي نور هالدنيا وبعد مـا فيهـا
والله لتبطي يا غالي وانت عندي غالـي
صوتك ونظرات صوتك مسمعي يوحيها
ما تقـول الا مكلمنـي علـى جوالـي
وان رقدت الليل جيت وجيتـك نشريهـا
حتى لو هي حلم ابشريها وبرخص مالي
يعني افهم راح سلطان الجـلاوي فيهـا
لكن ألحق قبل ارمي غترتـي وعقالـي
وقبل اقول السبة اللي لا صدف طاريهـا
تستريح هجوس قلبـي ويتريـح بالـي

//
:
\\

قـصيدتـه في الـجيب :

انا ما شريت الجيب يابو فهد مجـان
انا شريتيله كـان تجهـل سبايبهـا
ابي الصبح لا قالو على الحد يا فيحان
بروق تشادح في مقـادم سحايبهـا
نباري الملحا لامشت تعبث الذرعـان
وخطرن من الملزم تمـزه جنايبهـا
شهاب الخدود اللي تطاولبها اللحيـان
قصار الفقار اللي طوالـن غواربهـا
شهاف البكار اللي ليا طوّل الميـدان
ليا طوّل الميـدان والليـل حاظبهـا
علي الحرام اني لطوعبهـا الفدقـان
عشان غالي ينتبـه مـن عواقبهـا
بعد ثالث الأعياد في راي ابو سلطان
نباها تحـدر بعـد كفـت مزاهبهـا
وعقب عاشر الأعياد بسم الله الرحمن
تهارفو للصمان والصلـب عاقبهـا
وجو ثـلاث ايـام وتعقـل الحيـران
على الحد لابو ديرتن ما تليـق ابهـا
وهذا هو بالي وشفي مع الجذعـان
ولبو لحيتن ما تحتميهـا شواربهـا



وهـذا غـيـض مـن فـيـض لـبـو صـاهــد ..

// .. مـودتــي .. وتـقـديـري ..//

[الخليدي القثامي]

لاهنت يافدا لعتيبة
وصح لسان شاعرنا سلطان صاااااهود
والله يوفقة

[صقر الجعدة]

ابو صاهد ( سهم عتيبه )..

غني عن التعريف..اشتهر وأبدع في فترة وجيزة..

مشكور أخوي فدا لعتيبة على الطرح المميز..


تحياتي
صقر الجعده

[فدا لعتيبه]

~*¤ô§ô¤*~*¤ô§ô¤*~مشكورالخليدي على المرور
دمت بسلامه...~*¤ô§ô¤*~*¤ô§ô¤*~

[فدا لعتيبه]

][][§¤°^°¤§][][الله يسلمك صقر
نورت الصفحه
دمت بسلامه....][][§¤°^°¤§][][