قصه وقصيده رائعه مرو عليها يا اعضاء

[فيـــــ الروقي ـــــصل]

السلام عليكم
هذي هذي من اجمل القصائد الي ارددها داما وقصتها كالاتي:
كان لشاعر /حمود بن بندر الغبيوي جار يقال له الشاعر/عبدالله الرشيدي وفي احد الايام في وقت صلاه الفجر حب الشاعر احمود تنبيه جاره لموعد الصلاه فرن على جاره الجرس وما كان من جار الشاعر الى ارسل ابيات في الصباح الي جاره ومضمونها :

يالى علينا تدنون الجرس دني=حنا نعرف طريق النار والجنه
قبلك ترى مكبرات الصوت صحني=كم نايم من لذيذ النوم صحنه
ديني حنيفي وانا سني وابن سني=وجدود جدانا ماتو على السنه
ولولا العباده ما خلق الانس والجني=مير الشياطين بعض الخلق يغونه
وسود اليالي تراها تخلف الظني=كم عاقلن ظن فيها وخلفت ظنه
وابغا السموحه الى جاك الخطاء مني=وجاك الخبر والجرس بعدين لا دنه
ويحفظك ربن عيونه ما ينا مني=يعلم بغيب الصدور وما يخفنه

.................................................. ...................................

فرد عليه الشاعر حمود بن بندر الغبيوي بهالابيات

سبعة بيوت بخط الجار وصلني=وبريحة المسك والعنبر مزجنه
من شان قم صل يقصد في ويغني=واللي يكنه تبين لو ضحك سنه
يلغز بلغز وكن اللغز يجهلني=ويقول عود ليالي الدهر جابنه
يعني مخرف قليل الفهم ومسني=ولا ينتواخذ كبير قد بلغ سنه
والعقل والمعرفه للقلب يملني=خمسين عمري وست ماوراهنه
ولافيه شك يعبرلي عن السني=ولا هوب منهم على ما يقصده ضنه
وفعل فعلته شريف ما يخجلني=حق فعلته لوجه الله بلا منه
نبغى النوافل لحسناته يزيدني=لو هو تقدم دقايق مايضرنه
والقصد والله نيبل ويتحملني=لو قال حاذور بابي تقترب منه
أسأل عن الجار لو هو ما سأل عني=واجب علينا نزور الجار ونحنه
وعليه مازعل لك الله لو يزعلني=رجل المواجب ما يعرض الى جنه
وحقي على الجار بالحسنا يعاملني=وكلمات حلوات يرضني ويرضنه

وتقبلو تحياتي

[مرزوق الجعيد]

الاخ فيصل

مشكور على القصه والقصيده

بس لو استخدمت خاصية التنسيق في المنتدى لاضهار الموضوع بشكل اجمل

وليروه الاعضاء مرتب ليستطيعو قرائه الموضوع

مجرد وجهة نظر ومشاركتك على العين والراس

[عبدالله الجـــذع]

الف شكر لك يالغالي

قصه جميله جدا من حسن الجوار
وعلى اعتبار الجار كأخ او اكثر

الف شكر ورحم الله رجال الدين والفطره

محبك
,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[فهد النفيعي]

قصه رائعه تدل على حسن الجيره وحب النصح للجار

مشكور يافيصل

ولاتحرمنا جديدك

[فيـــــ الروقي ـــــصل]

مشكورين جميع على مروركم وحبيت اقولك ياخ مرزوق اني جديد بعالم المنتديات وبالعكس ما يمنع لو تعدل

[عبدالله فهد المسعودي]

فيصل الروقي ..؛
شكرا على القصة والقصيدة ..؛
تقبل مروري لا هنت ..؛

[محب الهيلا]

مشكور ويعطيك العافية

[حبيب الغبيوي]

مشكــــور يا فيــــــ الرووووووقي ــــصل على القصــه والقصيدهـ

[ابن صنهوت]

يعطيك العافيه يافيصل ابيات في غاية الجمال لا هنت يالذيب

[طلال الخالدي]

قصه جميله وقصائد اجمل


لاهنت يا الغالي