النفوس الابية؟؟؟ - الهيـــــــــــــلا *** منتدى قبيلة عتيبة

عيسى العوفي · 10-May-2008, 05:55 PM

=مهما نقول باهل الوفا نجد ان الكلام
=لايوفيهم ولوجزء من حقهم.
=ويقف اللسان عاجز عن التعبير؟؟؟
عسى السحاب اللي ركود بممشاه=اللي بدا من يمة الغرب ناشي
جعله على نجد العذيه نثر ماه=وتروى الفياض اللي منول اعطاشي
احب نجد وكل حيا ومرباه=في ودها ماقبل كلام ونقاشي
احبها من قلب والشاهد الله=ولالي ورى ماقلت كسب ومعاشي
وكل الوطن غالي وبالعمرنفداه=اما حمينا الدار والابلاشي
والموت حق وكل حي بيلقاه=ولافيه حي يابيض الوجه عاشي
لابد من يوم يواري لمثواه=تحت الثرى من بعد زين الفراشي
اهل المناصب واهل الاموال والجاه=تجردوا منها بقطعة اقماشي
صالوا وجالوا وانتهى العمروانهاه=مفرّق الخلان والكل ماشي
وياسعد منهو جنة الخلد ماواه=انا اشهد انه للمكاسيب حاشي
لله دره فاز في حب مولاه=كسب الثمينه مانزل للهشاشي
القاف ينحاني على الصعب وانحاه=بيني وبين القاف فيه اهتواشي
وارجع وعيد القاف من حيث مبداه=حتى يعود ويزدهر بنتعاشي
من شان اقول اللي من اجله نظمناه=اللي من اجله هاض فكري وطاشي
اللي غمرني بالوفا ماتنساه=اقولها من قلب ماني مراشي
اللي نصح وخلص عسى الرب يجزاه= ماانغش من عرض القلوب الغشاشي
وقفة شرف تبقى لشخصه وطرياه= مثل القمرمايلتبسها الغطاشي
نفس ابيه مصعد العز ترقاه=بالحق تمشي طبعها ماتخاشي
يالله عسى ماتنقل العوق يمناه=ولالف فيها من ابيض الخام شاشي
يالله تجعل له من النار منجاه=يارب يامنزل صدوق الرشاشي
ويالله تصبرنا على نارفرقاه=وهذا الذي من مقبل الوقت خاشي
=عيسى الرشودي العوفي

مرزوق حمدان العتيبي · 10-May-2008, 07:09 PM

والمـوت حـق وكـل حـي بيلقـاه ** ولافيه حي يابيـض الوجـه عاشـي
لابـد مـن يـوم يـواري لمـثـواه **تحت الثرى من بعد زيـن الفراشـي
اهل المناصب واهل الاموال والجـاه **تجـردوا منهـا بقطعـة اقمـاشـي

صح لسانك قصيده جزله الله لايهينك
...

التوقيع

@Marzouq_MHD

أبو نجر النفيعي · 10-May-2008, 11:29 PM

..

صح لسانك يالعوفي ..

جزله من راس جزل ..

وفي انتظار ما تقدمه من جديد ..!!

أخوك

التوقيع

.....

عبدالله الجـــذع · 10-May-2008, 11:36 PM

الله

رآئعه وجميله جدآ ياعيسى

لاهنت وصح لسآنك يالجزل

محبك

,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .

.
قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )
.

موقع يضم جميع القراء

هنا

عيسى العوفي · 15-May-2008, 12:10 AM

[QUOTE=مرزوق حمدان العتيبي;641554]والمـوت حـق وكـل حـي بيلقـاه ** ولافيه حي يابيـض الوجـه عاشـي
لابـد مـن يـوم يـواري لمـثـواه **تحت الثرى من بعد زيـن الفراشـي
اهل المناصب واهل الاموال والجـاه **تجـردوا منهـا بقطعـة اقمـاشـي

صح لسانك قصيده جزله الله لايهينك
...[/QUOT

الاخ الفاضل/مرزوق بن حمدان

اشكرك على مرورك

والذي آنارمتصفحي

لك الود