اصف شرد المعاني .. ساعة الشوشه

[عبدالله الفرهود]

مشاركة

آمل أن تنال الرضى

ياللي تمدح ردي القوم لقروشه = و تساير الناس خابطها و لابطها
أنا بيوتي لـ راع الطيب مفروشه = و الحمد لله عن الأنذال رابطها
لي هاجسٍ كلمته ما هيب مغشوشة = ون قلتها قالوا العريف ضابطها
اصف شرد المعاني ساعة الشوشة = صفة جنودٍ تسمع لامر ضابطها
ون كان بعض القصيد يضيع فالطوشه = و يردده جاهل العالم و هابطها
أنا قصيدي مع اللي يحتم الهوشه = و اللي على عقلها يا كثر غابطها
إن جبتها .. جبتها ماهيب ملطوشة = مثل العسل صافيه مانيب عابطها
من نبع فكري و خل الخدش لخدوشه = إن جاب له كلمة ما جاب رابطها
خدشٍ يركب عقاله فوق طربوشه = و تشجعه شلةٍ كثرة خرابطها
ودك تحطه مع المربوط في حوشه = ما دام تفكيرها يعلن ترابطها
و الحر في منزله و البوم بعشوشه = ما ضر نجم الجدي .. و سهيل .. نابطها

[فهد النفيعي]

صح لسانك قصيدة رائعه وجزله

دام جديدك

وبارك الله فيك

[أبو نجر النفيعي]

..

كفو والله يالمكرش ...

صح لسانك على هالجزله والرائعه بحق ..

وفي انتظار جديدك ..!!



أخوك

التوقيع

.....

[معجب العتيبي]

..

كفو والله يالمكرش ...

صح لسانك على هالجزله والرائعه بحق ..

وفي انتظار جديدك ..!!

التوقيع

[عبدالله الفرهود]

فهد النفيعي

مشكور على مرورك العطر

و كلماتك وسام

[عبدالله الفرهود]

ابو نجر النفيعي

بيض الله وجهك

على مرورك الرائع و كلماتك الغالية

[عبدالله الفرهود]

معجب العتيبي

بيض الله و جهك

ولك جزيل الشكر على حضورك الكريم

[معلا إبراهيم الأسعدي]

صـــــــــــــح لســـــــــــانك

التوقيع

[عبدالرحمن الهيلوم]

صح السانك يالغالي