واقف على الأطـــــــــــلال عدة ثواني...

[فيصل بن دحيم]

بسم الله الرحمن الرحيم

السلام عليكم وحمة الله وبركاته, وبعد...


جذبني الى منتداكم ما كونه من سمعة عضيمه حتى اصبح من اقوى المنتديات على الشبكه العنكبوتيه

اعرفكم بنفسي

فيصل بن دحيم العضياني


احب ان استهل مشاركاتي بقصيده امل ان تنال على اعجابكم وتحياتي

أدمى خفوقي كلمة مـن شفاهـا=وأحتاس بالي واتعبتني المعانـي
قالت خلاص اليوم أنسى هواهـا=وأعرف تراها تعشق انسان ثاني
تهزمني العبره ولا لـي سواهـا=وهيج هجوسي القاف لينه هجاني
راح اللذي اهواه وقلبـي معاهـا=وراح اللذي افداه بعمري وزماني
لا ما وطاني الوقت كانه وطاهـا=واليى عصاني الوقت ثابت مكاني
انا وطيت الشمس واللي وراهـا=وانا تراني السيف والعمر فانـي
كيفه يبيع الفيصل اللـي شراهـا=وانا ابيع لخاطره مـن شرانـي
وفيت انا واخلصت حبي معاهـا=وطعن الخيانه دمهـا فالمحانـي
لا لا تحسب اني ابمشي وراهـا=ارثي هواها وحبري دموع عاني
فضاح دمع العين يوم سال ماهـا=واقف على الأطلأل عـده ثوانـي
كذاب انا لو قلت شعري هجاهـا=وليى طرالي بس يخسى لسانـي
حبي لها فاض وغطـى سماهـا=ومن حبته يانـاس والله هانـي
وادمى خفوقي كلمة من شفاهـا=واحتاس بالي واتعبتني المعانـي