(( اَلْوَفَاء .. وَ .. قَصْر مَارِد ))

[نايف العبيد العتيبي]

بِسْمِ الله اَلْرَحْمَن اَلْرَحَيِم
/
اَلْحَمْدُ لله رَب اَلعَالمين , صَمد لانّد لَه , فَرد لامِثل لَه , أزلي قَائِم , أبَدي دَائِم
هُوا عَلى كُل شَيء شَهيد , وَهوَا أقرَب إلىَ الْعَبد مِنْ حَبْل اَلْوَريد .
وَصلَى اَلله عَلى سَيدناَ أجَلّ اَلْمُرسَلين مُحّمد وَعلى آلِه اَلطيبين اَلْطَاهرين
وَعلَى أصحَابِه اَلْكِرَام اَلْمُنتخبين .
/
قَال لِي جَدي يَوماً : لاتعشَق اَلْغُربَاء .. إنّهُم رَاحِلون .. !!



وَاعْلَم يَابني أنّه عِنْد اَلْمَوت فقط ... تتضح حَقيقة اَلأشيَاء كُلّهَا .
وَرفع يَده اَلْيُسرى وَهوَا يَحمِل خَاتم مَنقوش مِنْ اَلْبلاتين فَتلألأت
تِلك اَلْنُقوش تَحْتَ أشعّة اَلْشَمس اَلْعَسجَديّة ....
عَلِمَ أنْ هَذا آخِر ضَوْء سَيرَاه إلَى الأبَد .. !!
وَبعد ثَلاثون خَريفاً أدْرَكت اَلْحَقيقة !!!
(( وَلتعلَمّن نَبأهُ بَعْدَ حِيْن ))
حِيْن فَارَقت يَاسمِينَة , سِنْدِبَادَها وَالْسَفينَة .
عَيْطلٌ أدمَا ... فِيْ عَينيهَا طَلاسِم لاتفكّهَا آلة اَلْتشفير " إينغمَا "
كَمْ صُعقت حِيْن خَايلتها لأول وِهْلَه وَقلت
(( أفسُحر هَذا أَمْ أنتُم لاتُبْصُرون )) ؟؟
كَان ذَلك فِيْ عِيْد نَيروز , يَوم رَأيت اَلْكريمَة فَيْروز .

كَأنهَا مِنْ بيت اَلْوَالي , لايتحدّث فيهَا سِوَى اَلْحَاشية وَالْمَوالي !!
يَدْفعُون مِنْ أجلِهَا اَلْقنَاطير اَلْمُقنطرة , وَالخيْل اَلْمُسوّمَة .
حَسنَاء عَربيّة , تَغنّت بِجمَالها اَلْقيّنة لَيْلَى اَلإخِيليّة .
مَضريّة اَلْجَد , خُمَاسية اَلْقد , قَاعِدة اَلْنِهْد . كَأنهَا اَلْقَمر لَيلَة تمَامه .
مِنْ قَوم كِرَام , غَيْر لِئَام , يَقرون اَلْضيف , وَيضربون بِالسيف .
وَالذي صَرصَر عَاد , بِريحٍ وَرمَاد , لَمْ يُخلق مِثلُهَا فِيْ اَلْبِلاد .. !!
/
لِرُوح تِلْك اَلْوفَاء ... أزّج حُروفي فَراشَات قُرنّفل
عَلى أمْوَاج رَاحتين مُمْتلئَة بِسرّ اَلْحَنين
بَيْن مِعْضَد وَجاعِد , وَرسغ وَساعِد , مِنْ أجْلِ فَجْر وَاعِد .

رُمْح اَلزنَاتِي فِي عِيوُن اَلْوِفَاء لاح=وين إنت يَادِرعْ اَلْهِلالي سَلامَه
فِيْ ذِمّتي لَو تلّبَس اِدروع واسْلاح=مَاتبرَى يَانَايف لِيوُم اَلْقيامَه
كَمْ فَارس(ن) صِنديد مِنْ عينهَا طَاح=واضحَى صِريع(ن) مَاتشيلَه عِظامَه
اَلْشمْع لامِن اَلْوفَاء سَلّهمَت سَاح=وَالخوخ يداعِب خَدّها وَالخزامَه
يَالبى ضِحكتها تِباشير وَافرَاح=والاّ زعلّهَا مَا أطيق اِحتدَامَه
برمُوشَها قِسيّس يَقرَأ بالألواح=وبعيونهَا اَلْشيطان يَنبل سِهَامَه
وَالخَشم شَذرة سيف فِيْ كَف ذبّاح=يَاكم جِدع مِنْ روس وكَمْ حَطْ هَامَه
وَالخَد نَرجس خَالطه وَرد تفاح=وَالعنق عِنق اَلْمُترَفه ريْم رَامَه
وَالصَدر مِنوة كِلْ غَاوي وسوّاح=غِض(ن) غَضيض(ن) مِثْل بيض اَلْحَمامَه
وثليل شَعْرَه فَاحِم(ن) بِالعِطر فَاح=كِنْ اَلليَالي مِنـْه تَسْلب ظلامَه
ريّا اَلْكُشح هَيفََاء سَراجيفه اِشْحَاح=عُودَه ليَان وزَاهي(ن) فِيْ قوامَه
خَطر(ن) عَلى رَاعِ اَلفتَاوي والإصَلاح=لَو شَاف وجنتهَا يحلّل حَرامَه
ويبقَى بدنيّا اَلْحب طَايش وسبّاح=مَاكنّه لاصلّى ولابيوم صَامَه
من طلعة النجمة لما نور الإصباح=آخايل اطيوفه وعاني غرامه
يَاعونة الله كِنْ ِفيْ عِيني اِذحَاح=زوله يزوّلي وهِي فِيْ تهامَه
عَسر(ن) اِحمَاها دُونهَا سيوف وارمَاح=بنْت اَلْشرف وَالعِز عَالي مِقامَه
كِنْ مَزّبنه فِيْ قَصر مَارد بالأسيَاح=مَادورجت حُولَه فروخ اَلنعامَه
جِبْت اَلْبوَادي وَالأخَاديد سِرْسَاح=لِعيون مِنْ رُوحي بلامَاه هَامَه
وسَألت عَنهَا قَارعَة كُوس اَلأقدَاح=اَللي هَشاشيْل اَلْبخَت فِيْ زمَامَه
ونشدت مِنْ يَزعم بتحضير اَلأروَاح=وعَشره شِبكهَا مَاعطَاني عَلامَه
وأذعرت مِنْ شَانه شِيَاطين وأشبَاح=وأسرجت فَانوس اَلْقوافي جهَامَه
وذرّيت بعيون اَلنوَاديس ذرنَاح=وخرّو هَلع يومي رميْت اَلْعِمَامَه
دَوْسَر جَرافِس حَيّدر(ن) لَيْث نَطّّاح=صُعوط لِعقول(ن) غَشتهَا غَشامَه
أوَ لسْت مَنْ وِشّحت فِيْ صِغري بِوشَاح=وفِيْ مَوْلِدي قَرَأ عَلّي اَلإمَامَه
أنَا اَلْذي طَافو بجثمَانَه اِكَلاح=سُود اَلْوجيه وغاشيتهم غَمامَه
جَابوني مِنْ وَادي أبو سَرح(ن) اِشفاح=مِنْ فَوق فَلحَا نَوّخَت فِيْ عَدامَه
وَعلَى ضَريحي وَقّع اَلْقُمْري ونَاح=وِبْفقدي صَاحت أمْ مَعبَد نَدامَه
قِصْة كِفَاحي يَاجماعَه والأدرَاح=مَابين سِردَان اَلْهَدب وَاللثامَه

إِضْغَط هُنَااا..لِحَفظ اَلْقَصِيدَة

دُمْتُم بِود


عَبقر
11.00 صبَاحَاً

آخر تعديل نايف العبيد العتيبي يوم 29-Aug-2007 في 09:44 PM.

[مالك الذيابي]

بيض الله وجهك يا نايف
وصح لسانك ولاهنت يالقرم

[السميــــــري]

..
نايف العتيبي ..
دائما وانت ملامس للأبداع ..
من أروع ماقرأت ..
صح لسانك صح لسانك وعتلا شانك ..
تقبل أعاجبي بها ..
أخوووووووووك ..

[مرزوق حمدان العتيبي]

..
.
طاب بوحك ياساحر الشعر واستمر ابداعك المتدفق ..
.....اعجاب بلاحدود بهذه الدره الثمينه
...
.
اخوك ....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[نايف العبيد العتيبي]

اِبْن نَجْم
/
فِدْيت رَاسك وَالله
كَمْ تَشّرفت بِمُرورَك اَلْفَاخِر وَالزَاهِر
دُمْتَ بِود

[نايف العبيد العتيبي]

السميري
/
صَحْ لِسَانِك ياَلْغَالي
كَمْ تَشّرفت بِمُرورَك اَلْفَاخِر وَالزَاهِر
دُمْتَ بِود

[أبو نجر النفيعي]

..

نايف العتيبي ( ساحر الشعر )

صح لسانك مليون .. تعجز الكلمات على الثناء بقصيدتك الاجمل من الرائعه

لله درك ..

ودمت للهيلا ..

أخوك

التوقيع

.....