يالادمي دنياك من روائع محمد السديري

[فهد النفيعي]

يالله انا من جود حسناك طـالبك
عــــفوك ومدك حيث منت iiبخيلى
يالادمـي دنياك هـــــذي تـعذبك
لوطــفت فيها مالقيت الدليلى
كل على مذهــــب امامه iiيخاطـبك
يبيك من زايــد ذنـوبه iiتشيلى
واليا عصيت اهل المذاهب iiتعاتبك
كـل يقـول ابيــك يمـي تجيلي
ولو انتحيت بعيد بالســـؤتطلبك
وكــل بصاعـه من ذنوبه iiيكيلي
احــد يصحـــح لك حديثه ويرهبك
واحــد يقول الحق عندي نزيلي
واحــد يخيفيك في كلامــه ويدبك
وابليس يضحك له وهـو iiمستشيلي
الناس عــوجــان المناطق تكذبك
وعن الصحيح الكذب معهم بديلي
ان مارضـــيت بقولهم نتف iiشاربك
وتكبر ذنـــوبك لوغناك iiتهليلي
ناس عــلى درب الفضيله تحـاربك
وعلى دروب الشــر تهذل هذيلى
ودروبهم عســـرات عــوج وتتعبك
ما تســـتوي لك لا ولا تستويلي
ينبيك عن دنياك ماضي تجـــاربك
وعــزي لحالك كان عرفك قليلى
اتبع نبيك واتـــرك اللي iiمجنبك
واقضب مماشـــى سنته لا iiتعيلى
اللــي بغار الثور للرشد iiيندبك
وابوبكر عــنده نديـم وخليلى
نصايحه للرشـــد حــذرا iiتغايبك
هــرجه صـحيح وكل فعله جميلي
ســـنة نبيـــك للفضيله تقـربك
المصطفى ماله شـــبيه وعديلي
واحــذرك عـن نقالة السو تقربك
ومن يتبع العايل لـزوم iiيعيلى
لوانت ما تغضب ترى الناس تغضبك
وعـقب المعزه يجعلوانك iiذليلى
وتــرى ردي العرق للعيب يجـذبك
وتصير بدروب الـردا له عميلي
وبنت الردي حذراك حـذراك تعجبك
واحــذر تصير لمثل هذي iiحليلى
وعـن ما يعيب النسل عرب مناسبك
وعليك في بنت الحصـان iiالاصيلي
يجـي ولدهــا فارق عن قــرايبك
ويقف في وجـه الخصيم iiالقبيلي
ان كبرت القالات بالفعل يعجــبك
ويبرد هـمومك كان قلبك iiغليلي
مثل القطامي في هـــداده iiيشببك
والــدم من مخــلاب كفه يسيلي
ليا صارما صلبين الارياء مكاسبك
تـراك بين الناس تبقى هـزيلي
وترى دروب الخبث يالعبد تذهـبك
ويفــوت عمـرك ما تحصل iiحصيلي
احــذر يابن حــوا تطمن لحاجبك
الا لــرب للخــلايــق يــزيلي
الي بعفوه عن عــذابه يرغـــبك
وعينه لكل الخلق دايـم iiتخيلى
في لوحه المحفوظ يا لعبد مذهبك
نــزل بحــق وكل ما به فضيلى
ومعاشر الخايب مع الناس يذربـك
وتصبح قليل الميز عقلك هبيلى
ومعاشـر الطيب على الطيب يجلبك
ويـرقـــيك للعليا بظل iiظليلي
لا تقرب الأجــرب بالامراض iiيعطـبك
يصـــير جسمك مثل جسمه iiعليلي
ممشا الخفامن صافي العقل iiيسلبك
ويصير لك يــم الرذيله iiسبيلي
وعـن مارد الانـذال نزه iiمشـاربك
واشــرب نظـيف لوورادك طويلي
ولياك تنسى يابن الأ جواد iiواجبك
والي يـروم المجد حمله iiثقيلي
يا لادمــي وان كان كبرت iiمصايبك
ازبن على محي ا لبلاد iiالمحيلى
ازبن على رب بعرشــه iiيراقـــبك
وناجه وبعد العسـر يره جليلي
ناجــه ولاجـل ارضاه وجه iiركايبك
وخــلك لعلام الســـرايردخيلي
هــو الذي ينجيك من كود iiصـايبك
ويذريك من كربات هــول مهيلي
يا لعــبد مكن عــند ربك iiمقضبك
وفــكر وقـــدر وانتبه iiلاتميلي
ولحـــد من الخلاق يالعبد حاجـبك
هــو الذي مـده وعـفوه جزيلى
وهــو الذي في ما فعلته iiيحسابك
وهـو الذي بارزاق عبده iiكفيلى



منقول

[ابوبجاد الرويس]

مشكور اخوي ابن الدلوح

ولاهنت على نقل القصيدة الرائعه

وصح لسان الشاعر السديري

[عاشق ذوق]

مشكور قصيده لا باس ماشي حالها

[فهد النفيعي]

ابو بجاد لاهنت على المرور

[فهد النفيعي]

المشاركة الأصلية كتبت بواسطة عاشق ذوق

مشكور قصيده لا باس ماشي حالها

والله محد سالك ياما رد زي الريجيل ولا اسكت

[الجعفري]

مشكور اخوي ابوالدلوح
ورحم الله محمد السديري

[فهد النفيعي]

لاهنت على المرور يا الجعفري

[متعب العصيمي]

صح لسان قايلها وسلمت يمين ناقلها ..

داام عطاائك..

ولك جزيل ألشكر وفائق الأحترام..

[ابن مرذب]

شكراًعلى المنقول الطيب

[فهد النفيعي]

متعب العصيميابن مرذب لا هنتو على المتابعه والمرور