ترانا عتيبة دولة ٍ في بطن دوله

[قيس]

في البداية مساء الخير

ونتيجة لما حصل من ظلم واجحاف في حق يوسف العتيبي لاسباب سيكولوجية

هذه قصيدة متواضعة اتمنى ان ترقى للذائقة والموقف

سمعناك يايوسف ولو كان ماناديت= وربعك على لطم المعادين مجبوله
هل الموقف الغصاب واهل الوفا والصيت= واهل هيبة ٍ فالوقت ماهيب مجهوله
عتيبة الي من قرب القاز للكبريت= تبيع الحياه وتشري الموت والطوله
خذوها بحد السيف ماهوب بالتصويت= ومن يجهل التاريخ جاهل وقولوله
من الطايف المانوس غربي اليا حليت= ترانا عتيبة دولةٍ في بطن دوله
نجي للتحدي والمداحم على التوقيت= ولونخسر جوله ربحنا مية جوله
تقول ان ينقز للعتيبي مية عفريت= اليا شاف ميلة نذل ماقال مقبوله
لكن الوعد يوم الثلاثا وهذا المانشيت:= (قبيلة عتيبة لابغت شي ٍ تطوله)
مانعرف عتيبي قال ماشفت والا اوحيت= نجي فالوعد والروح فالكف محموله
ولو روحت بالظلم ماعاد قلنا ليت= ربحنا الشرف والحظرمي خاسر بفوله

[كاسر البرقاوي]

صح لسانك وبيض الله وجهك



ويوسف يبي يفوز وعتيبه مهي بمغبونه


لكن على قولك الوعد يوم الثلاثاء وربعنا قول وفعل

[قيس]

اخوي كاسر البرقاوي

صح بدنك

وهذه مشاعر الجميع

وننتظر الثلاثاء على احر من الجمر

بإنجلاء غيمة الظلم والحقد

[الروسان فرسان]

صح لسانك يمين بالله قصيده جنااااااااااااان واسمحلي راح انشرها بالجوال

[! محتميها !]

يالربع علي بالحراااام اني اقراء هالقصيده واحس شعررري راااسي مشوووك



والله العظيم ثم والله العظيم يا جماااعه اني ما عاد اقدر اناااام الليل قسم بالله اني افكررر في النتيجه


يالررربع تكفوووون صوووتوووا ولا تخلووون يوسف



وصح لسااان مليووووووون يا قيس

[قيس]

اخوي الروسان فرسان

صح بدنك يالغالي

وانشر تؤجر

لاهنت

[الصيرمان]

الله يبيض وجهك يالذيب وصح السانك ملايين ولا يكفووون
يالنعبوا تلفونن ما يجمل صاحبه..
تكفون يالربع والله ان النوم ماعاد له طعم مغير افكر والقهر في تسبدي.
تصويت يالربع ..ارسل ....وارسل...وارسل...
لاتتهاون وتندم

[متعب العصيمي]

صح لسانك وبيض الله وجهك

[قيس]

محتميها

تفاءلوا بالخير تجدوه

ان شاء الله مايصير الا الخير ( فوز يوسف)

صح بدنك

ولاهنت

[اخ العرب]

ابن عاصم ابنه

انشهد انا قول وفعل

ابشر يا يوسف عياال عمك ذيابه

وراح تتفاجأ الاسبوع الجاااي