مرثية غازي بن طلق بن سعد بن ثعلي في والده رحمه الله

[نواف ابن ثعلي]

مرثية غازي بن طلق بن سعد بن ثعلي في والده طلق عليه سحائب الرحمه ومهما قيل فيه فلن يعطى حقه

مبتدانـا ذكــر رب يعـلـم الخافـيـات = عالـم بالنـاس واللـي تـكـن قلوبـهـا
الله اكبـر كـل ماراحـت الدنيـا وجـات = تجبـر العقـال حتـى تـشـق حيوبـهـا
يوم بعض الناس داله ونومـه فـي سبـات= غرتـه سـود الليالـي بطـرق العوبـهـا
ماتـقـلـب مــثــل غازييعد الساريات =والمدامع تذرف الدمع فوق احجوبها
ابكي اللي غـاب عنـي ووافـاه الممـات = امس داخل ظلمة القبـر تحـت انصوبهـا
اه ياكبرالمصيبـه عليـنـا يــا ثـقـات = الغميصه خنجر مـا احتملـت اضروبهـا
لايمي في حـب الابـاء وحـب الامهـات = يفتقدهـم ويخسـر عيشـة عاشـو بـهـا
واوجـودي وجدمظلـوم قصـوه الطغـاة = ارشو القاضي وجـاب الحجـج ودروبهـا
واصدر الحكـم وتنفذعلـى الفانـي وفـاة = تطرق امـه بالكفـوف وتقـص اجيوبهـا
او وجود اللي مشرد وعايـش فـي شتـات= مامعـه حيلـه وضاقـت عليهـا سيوبهـا
وجدنا يابـو سعـد دايـم طـول الحيـاة = وجـد قـوم كـل يـوم تزيـد ذنوبـهـا
حزن الشايب وحزنن عليـك المرضعـات = واكتسيـنـا حـلـة والتبسـنـا ثوبـهـا
الحزن في القاهـره حـط مقيـال ومبـاة = وطاف بقلوب العـرب والديـار يجوبهـا
ماتهنت عيـن سمعـت بموتـك والوفـاة = والقلـوب المومنـه سـار همـه صوبهـا
وافقـدوك الطيبيـن وكريميـن الصـفـاة = مار حكمه والعـرب كلهـم رضيـو بهـا
من يحبه حي ماهوب ناسـي يـوم مـات = والليـال مقلبـه لــو صفىمشروبـهـا
والذي نـزل تبـارك وجـاب الذاريـات = لـو يوكـل فـي المنايالخـط اكتوبـهـا
ولو يجوزا لهدي دونك يابوغـازي ميـات= سقت روحي دون روحك بوقـت اوجوبهـا
مار حنا مومنين وعلـى شـرع وصـلاة = ونعرف ان الخلق تاقـف علـى مكتوبهـا
صابريـن بحكمـة الله بوقـت المفجعـات = نحتمـل جـور الليالـي وطحـن جيوبهـا
لوهـي تركـي علينـا رمـاح مبهمـات = تركـي الدنيـا قدمهـا علـى عرقوبـهـا
والله اكبر وان ذكـرت السنسـن الفايتات = ورفقـة اللـي رفقتـه للعـرب وانبوبهـا
نذكرك ياللـي تشيـل الحمـول الكايـدات = يوم صلفـات الليالـي تضـارس نوبهـا
القبيلـه يذكرونـك بحـل المعـضـلات = وسطـوة الحكـام ومخاصمـة مندوبـهـا
يوم تقسيـم الديـر واعتقـاب المرجفـات = وقفتك مشهـورة والعـرب شهـدوا بهـا
في الضروف القاسيه والسنيـن القاسيـات = حجتك بـاس وقسـاوه وهـم قنعـوا بهـا
انت للعلم الصعـب وانـت راع الواجبـات = المخاطر طول عمرك تـدوس اصعوبهـا
يوم روجات الركايـب وسـرب المتقنـات = قـرت الديـره بمثلـك علـى منصوبهـا
وكان لجـن بالصوايـح ولجـن بالشمـات = انتـه المزبـن وكلـن يحطـك صوبهـا
انت لوخفت عقول العـرب فيـك الثبـات = لياتعزووا في المحاضر وجات احضوبهـا
انت راع الصامله في الظروف الحالكـات = حد سيـف فـي جبـاه العـدى وحنوبهـا
ما تناطح غير روس الجبـال الشامخـات = صيرمي ترخص الـروح فـي مطلوبهـا
عاضك الله في الممات بقصـور عاليـات = تسكن الفردوس من ضمن من سكنـو بهـا
وعاضنا الله فيك بالصبرمن عقب الممـات = ولاتغيـب الشمـس لوتختفـي بغروبـهـا
والعوض عند الولي في البيوت العامـرات = بسربة تعرف اوصول العـرب ودروبهـا
العيال اللي تربـوا علـى خيـر الصفـاة = فرحتـي عـزي حجـاي وذرى لهبوبهـا
وممن غلاك ادعو دعاء من يريد لك النجاة = تسكـن الجنـه رفيقـا لمـن فـازوا بهـا
والله اكبر كـل ماراحـت الدنيـا وجـات = والبشر تجـري وتاقـف علـى مكتوبهـا
وفي الختام اسلم واسلم واكثر فـي الصـلاة = للنبـي عـداد خـط القـلـم واكتوبـهـا

[ابن مشيب]

اللهم صلي وسلم على نبينا وحبيبنا محمد , رحم الله طلق بن ثعلي , واسكنه فسيح جناته , قصيدة رثائية معبرة , صح السان ابن المرحوم , الشاعر غزي بن طلق بن ثعلي , لاهنت يانواف


تحياتي

[قصر بن ثعلي]

لاهنت يانواااااااااااف

والله يرحم الميت ويبقي الحي


تحياتي