أعضاء الهيلاحبيت انقل لكم هذه المحاورة بهذه الصفحة

[سعود العصيمي]

مقعد الدغيلبي=
هلا مرحبا باللي حضر في غرابيل = هلا مرحبا واقولها بالنيابه
والاياسعود الليل لايسري الليل = وكل (ن) على ماقيل يحسب حسابه
سعود العصيمي=
يدوم البقاء بك عن رجال(ن) مشاكيل = على الهيل للاجناب والا القرابه
ليا جبت موجز علم جبنا التفاصيل = وأنا وانت ربع وكلنا منا عتابه
مقعد=
توكل على الله واتعب الجيش والخيل = وكل (ن) مع الطرقه يميز زهابه
اشوفك تلد العين فالنجم ابو ذيل = تريح قبل لااحط فوقك رقابه
سعود =
توصي وانا بوصيك لاتقرب النيل = ترا النيل بحر(ن) من يطبه سرابه
مالد بعيوني غير فالجدي وسهيل = ومقعد يحسب إن الكواكب تشابه
مقعد=
ليا لاح برق السيل لا تامن السيل = وعلمبها اللي دوب نوّخ ركابه
تبا الكيف عان الكيف وسط الفناجيل = تبا السم عان السم واطعم شرابه
سعود=
ليا مطرت الديره حصدنا المحاصيل = ومن صد مايلحقه منا طلابه
تعس الديار ورحتلك حط مع شيل = وتلحس عسلك وكن محدن درابه
مقعد=
لها ثوب ومفصل على القد تفصيل = مادام العصيمي دس عنا ثيابه
على جرتك ضاعوا جميع المراسيل = وضاعت جهود اقلامنا والكتابه
سعود=
جميلك لها وهيّه توّدك تجميل = وانا ثوب مهند صقيل(ن) نصابه
تراني مع الدرب السنع ماحصل ميل = ومن خط له خط(ن) بطرسه قرابه
مقعد=
أنا ماعلم بسر الليال المقابيل = ومن طاوله سقمه لك الله غدابه
وانا ماوصلت لمنطق القال والقيل = لاكن الجمل شالك بظرسه ونابه
سعود=
علوم الخفى يعلم بها رب جبريل = ولاانته بقاضي علم ماالله قضابه
تفسر لنا التورات واتكب الانجيل = وأنا في عظامي فاللوازم صلابه
مقعد=
مداخيل ماتلقى علينا مداخيل = ولاتحسبن القوم قدمك نهابه
ياضهليل رد العلم عنا ياضهليل = أنا ماتمشى في ديار الغلابه
سعود=
أنا خابرك طير(ن) من طيور ابابيل = ونوب (ن) نظيف ونوب فوقك جنابه
عطيناك بن وهيل وسط المعاميل = ولا سدتك عن صحن فول القلابه
مقعد=
سرى الليل وانته تبخس الوزن والكيل = ومثلك يمره علمنا مادرابه
تحيزم وصك الراس في حرت هذيل = أشوف العصيمي قام يحرث عذابه
سعود=
علومك محللها من العصر تحليل = وعندك خبر و سعود تعرف جوابه
والا ياجمال عقيل رحتي محاميل = وابو زيد وذياب ابن غانم ذيابه

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[فهيد الايدا المورقي]

الله عليكم

لعب كايف وشعار كبار


سعود العصيمي 000000000 مقعد الدغيلبي


صحت السنتكم والله يعطيكم العافيه على المحاوره الطيبه

التوقيع

حسابي في تويتر faheed_1234

[السميــــــري]

سعووووود صح لسانك يالمبدع ..

مااقول الاابدعتوااا ..

وصح لسااان مقعد ..

محاورة راائعة ..

لاهنتم

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[مرزوق حمدان العتيبي]

..
.
اشهد بالله انه ابداع
صح لسانك يالذيب وصح لسان ابو فيصل
...
روعه غير مستغربه ..
...
لاهنت
..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[سلطان الجـذع]

الله الله





محاوره رائعه رائعه

هنا الابداع

هنا النقض والفتل

هنا الشعر بكامل حلته








صح السنتكم ايها العملاقين

[نايف ابن حديد]

تألق
تجلي
تميز
تحدي
=
مقعد الدغيلبي
+
سعود العصيمي

[بدر الغبيوي]

صح السانك ياسعود

وصح السان مقعد


ابدعتوااااا يالعمالقه



تحياتي

[سعود العصيمي]

الاخوان


بناخي الايدا

السميري

مرزوق العتيبي

سلطان الجذع

حشار

بدر الغبيوي


اشكركم على الاطلاع

ورفع المعنويه

لي انا واخوي ابو فيصل

اشكركم كل الشكر

واتمنى لكم دوام التوفيق