احدى محاوراتي في احدى المنتديات مع الشاعر د.حمد العصيمي

[أبو نجر النفيعي]

السلام عليكم ورحمه الله وبركاته

حبيت انقل لكم احدى محاوراتي في احدى المنتدياات

انا والدكتور حمد العصيمي

وارجو ان تناال على اعجاابكم

النفيعي

سلامي من السنّه ومن منبع الدين=سلام الوفا واهل الصفا والحميّـه
يجيني من الشعّار رجّال واذهيـن=نبا نلعب المعنا وانـا مـا عليّـه

العصيمي

هلا مرحبا ترحيب غالـي بغاليـن=وعيد الفطر قـدام عيـد الضحيـه
والا يا النفيعي وش وسوم البعارين=عشان الشداد يقر فـوق المطيـه

النفيعي

يدوم البقا يـا ملحقيـن المخلّيـن=عتيبه عتيبه لابـة(ن) صيرميـه
اشوف العذارى يخطف(نّ) الميادين=وهـاذي بعلـم الله ماهـي نقيّـه

العصمي

جمعنا كتاب الله من يسار ويمين=وصرنا خوان وراحت الجاهليـه
يصح الصحيح ولو تميل الموازين=ترى الوقت يا بو نجر دربى طميه

النفيعي

ترا ما جمعتو غار كتب الدواويـن=ولا تجتمع حسنه على ضـل سيّـه
ترا يابن عاصم نعرف الجيم والسين=على امكانك اليومه تشيـل الرديّـه

العصيمي

اقول الامانه في يدين الموامين=ولا لك علينا يا النفيعي دعيه
كلام يجي ويروح ماله براهين=ومن طاح راح بذمة العامريـه

النفيعي

ترا كـل خلـق الله تـرد المعاديـن=واضنّك تجي واتروح فارض(ن) خليّه
ما بهذل نفوس الناس غير الشياطين=تجاهـل علـوم(ن) ثابتـه فالعذيّـه

العصيمي

يبو نجر لا طالت رقاب المساكيـن=تقص الرقـاب سلالنـا النافعيـه
ترى القفل والمفتاح عند السلاطين=ولا بانت العلـه تهـون القضيـه

النفيعي

سلالك ترا ما حررت في فلسطين=ولا قصّت ارقاب العدا والبريـه
ولا يا حمد خلّك معي فالدكاكيـن=على شان تفرق بين ذيّه وذيّـه

العصيمي

انا ماني اللي يلطم الخشم والعيـن=وكحل الصبيه مع عمـام الصبيـه
ليا صرت راكب يا النفيعي شدادين=يموت البعير وتطـول الجرهديـه

النفيعي

على وين يالصاحب بتمشي على وين=تحـذف الاذيّـه جعلـكـم لـلاذيّـه
ترا كل ايشوف الناس في طبعه الشين=يحب الجلوس اعـلا شـداد المطيّـه

وسلامتكم

التوقيع

.....

[نواف العطاوي]

عساك سالم ياابونجر وبيض الله وجهك تسلم على الابداع والى الامام حتى نشوفك في الساحه


تقبل تحياتي نواف العطاوي

[الدماسي 2007]

ابونجر النيفيعي
.
صح السنتكم
..
محاوره رائعه جدا وشعراء اروع
.
تحياتي وتقديري

[نادر العش]

..


اشوف العذارى يخطف(نّ) الميادين
وهـاذي بعلـم الله ماهـي نقيّـه

.

ترى القفل والمفتاح عند السلاطين
ولا بانت العلـه تهـون القضيـه


.



ما شاء الله ..


ما أستطيع أقول أكثر من كذا

[متعب العصيمي]

نجمنا وشاعرنا المميز ابو نجرعساك سالم وبيض الله وجهك تسلم على الابداع

وأنشالله بأذن الله نراك احد شعراء وأركان المحاوره

تحياتي لك وتمنياتي لك بتوفيك والنجاح

[خلف بن مرزوق]

...
..

ترا ما جمعتو غار كتب الدواويـن
ولا تجتمع حسنه على ضـل سيّـه

ماتخلي الاعيبك

صح لساااانك يافيصل ولسان حمد

ابداع من الطرفين

الدكتور العصيمي والدكتور النفيعي

مووودتي

.

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn

[مرزوق حمدان العتيبي]

...
محاوره ذات هدف ومعنى واضح ..
الف شكر لكما على الابداع ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[السميــــــري]

ولا يا حمد خلّك معي فالدكاكيـن = على شان تفرق بين ذيّه وذيّـه

هههههه

الله عليك يابو نجر

لاهنت

صح لسانك

مبدع كما عهدناااااك

برسفوووور

منت بدكتوووووووور

,,

اخوووك السميــــــــري

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[أبو نجر النفيعي]

..

.

نواف العطاوي

الله لا يهينك على المروور

ورفع المعنويااات

ولاهنت..

اخوك..
.

[أبو نجر النفيعي]

..


.

الدماسي 2007

صح ابدنك
وانت الرائع

ولاهنت

اخوك..
.