يا صانع المعروف فالناس حييت =حييت والله فالوجيه السفيره
تلقا طلاقة وجه لصبحت وأمسيت =ويسطر التاريخ لك حسن سيره
وتبقا لك الذكرى ليا من تواريت =وتلقا جزاها عند ربك ذخيره
من يبذل المعروف ينقال وفيت =ويلقا من العربان خير وخيره
حتيش لو صارت علاني وله صيت =ذي عاجلة دنياه والله بشيره
دفعة بلا للي يجي من كوابيت =واقدار من مولاه كانت خطيره
أنا أشهد أنك للمعالي تعليت =ولا خبت يوم ان خاب وجه العثيره
وجه العثيره يوم يمه تنصيت =لي حاجة عليه ما هي عسيره
ما يبذل المعروف هيت ولد هيت =ولا له مع المعروف نفس خشيره
يجيله من الجاش زفر وتناهيت =وتضيق به دنياه تصبح صغيره
ما له منافع لو كبر عود كبريت =قناطة ما فاد حتى العشيره
« آخـــر الـــمـــشـــاركــــات »
الفعل والذكرى !!!!!
العرض الشجري