اخترت لكم من صفحتي على التويتر هذه التغريدات
استكتبتها من مشاعري جرائم بشار..
بشار يابائع الجولان.=بـ أبخس ثمن همك الكرسي.
اليوم ذق صولة الشجعان. =تخلع مثل خلعة الضرسي
***
اسما وصل يومك الاقشر. =جيش الشرف رتب الخطه.
لابد ما تجرعين المر . =ماينفعك زوجك البطة
***
قهر ياوزير اعلام بشار يالزعبي. =على الدين وجذورك تعوّد سعودية!!.
اخذها وعد من طالب الثار بالشعبي. =عقوبتك أشد من الطغاة المجوسية
***
تكفون ياثوار شام العروبة =لاترحمون المعتدي لو تظلّم
المقدسي جيبوه واحصوا ذنوبه.=والى انتهى .. هاتوا وليد المعلم
***
اسما وأنيسه قبل ماهر وبشار=من شافهن بالعين ياخذ بثاره
ام البلاوي شجعت زوجة الفار=على ارتكاب الجرم في كل حارة
***
بنت منقذ سببت حرب البسوس=وسعرت عشرين مع عشرين عام
لاجل حاشي داسوا الحقران دوس=ولاجل شعب الشام نشجب ياحرام
***
حنا العرب واحد وعشرين دولة=تعدادنا بين الامم حول مليار
تاريخنا نخوة ومضرب بطولة= لكن صفر . قدام ماهر وبشار
***
يارب كل ماقوى ينصر الشام=والشام ما غيرك لطيفٍ يشوفه
مكلوم وامره بيد عبّاد الاصنام=ارسل ملائكتك تقوي صفوفه
***
ياكثرنا بالقول .. وعيال أنيسه. =اثنين وافنوا شعب للغوث ملهوف
لابد من صيد الوحوش الخسيسة.=ولا بد ماتبكين يابنت مخلوف
***
ياليتني حاكم ولي شعب وبلاد=واليا عطيت امري يقولون مسموع
لا اقول لاجل الشام تاجيل الاعياد=مبدا الفرح مرفوض والكحل ممنوع
***
ليت الشهر تسعين يوم ونصومه=اخير وابرك حال من باهت العيد
وقت الكآبة والقهر والخصومة=الشام يصرخ والعروبة مجاليد!..
| التوقيع |
:
:
:
إذا الكريمُ رأى الخمولَ نزيلـهُ=في منزل فالحـزمُ أن يترحـلا
كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا
سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا
لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا
صفحتي على التويتر |
04-Aug-2012, 01:31 AM
تغريدات ثائر
العرض العادي
