عيد

[صقرهوازن]

هذه القصيده للشاعر عبدالرحمن صقر

ياعيد بن حطاب ماقلته اخطار =ولفتتت نظر مع لفت واستداره
واللي يلف ويدور في وسط دوار =ثورن على قرنه يعود غباره
والفار وسط الدار يوطى ببسطار= خله يموت بخسته واحتقاره
دام لجحا بالدار ياعيدمسمار=من ذى الذي يمنع جحا عن جداره
وسياسة الدوله بها يمين ويسار=وانته وانا بين اليمين ويساره
ورسالة الشاعربعد صبر وايثار=يلقى بها ردالبراء واعتباره
وانته وا نا لابد مانلعب ادوار= بعلم السياسه واقتصاد واداره
نفتح بها باب الرجاء بهيبة اسوار=ويصبح لنا بحسن النوايا سفاره
ونا قف لكرسي الوزاره ليدار =ونذل عطرسة الانا في حواره
يوم معشر الشعارعباد دولار=ومناافق وعاري ومسبل ازاره
تدمح محاذير الاسف قبح الاعذار= وتلقي بهاتحت اسقف مستعاره
وترعى شياطين الغلاحرش الاوبار=بامر الوزير اللي بليا وزاره
تناقضو مع فكر عامر وعمار=وتواطئو مع من عماره دماره
والبل اهلها هم طويلين الاشبار= اللي كسبوها بالظفر والسطاره
ما ل البخيل وياكله كل عيار=ولاني بخيل ولاانت راعي عياره
ماوصلتك اخبار عن موترطار=بسبت خلل فني وضيع مطاره
والمشكله ماهيب بايطار الاسعار =المشكله اكبر وخارج اطاره
يصدر قرار العدل من حاكم بار= مدرى علامه ماينفذ قراره
اثرالبلا ياعيد هو خبث الاشوار=اثر البلا ياعيدمن مستشاره
وختامها اسهابي بلاوصف وعيار=صعبا علي ظرف الزمان اختصاره

[محمد الذيابـــي]

..


صح لساااااااااااانه..



...

التوقيع

التوقيع محمد الذيابـــي

[عزارم]

صح لسانه ولا هنت ياطيب

[سلطان قومه]

صح لسااان شاعرها

[عايض جزاء العصيمي]

صح لساااااااااااااااااااااانه

[صقرهوازن]

اخي العزيز محمدالذيابي
صح بدنك وشكرلك