يالله بمزنن مدلهمن ومسود=تردم على شبه الجزيره غيومه
يشتاق عساسه من الحد للحد=وهل الدبش لاجا تمنو علومه
عساه فوق المملكه يوم يرعد=يسوق نجد ايلين تطرخ حزومه
اما يجيه اليوم والا يجي غد=ارب نجد تخف لاهب سمومه
نبا الديار اللي ربطنابها الود=اللي من الوقت انشوت ومهشومه
تروح ريضانن منا من تنشد=وتلقا النفل فيها كبارن جرومه
داري ودارن للابو قبله الجد=منازلن لطيبين امعلومه
ذيك الفياض اللي غلاها تزايد=مالوم من مات بهواها مالومه
عنها كم وكم رجل فالوقت شرد=عصرن مضا قد راح مع درب قومه
ومن لارحل بالطيب بالسيف شدد=واللي تحلم ماتفيده حلومه
منازل العتبان والند اله ند=يوم المشاكل; والقشر والخصومه
مايصمد اللي عظم ساقه تراعد=ولايقدم اللي ضاعفاتن عزومه
وحنا بطشنا بلعدا بطشن يعد=فعل الحرار النادرات الصرومه
كم غارتن غرنا وكم هجمه نصد=وكم سربتن قفت تون مهزومه
منهم طرحنا لبرق الريش الاربد=شيخن عليه الطير يزداد حومه
رزق السباعه يوم تنحي وتنهد=اللي يقارب لونها للسحومه
مافيه موت اقوى من الموت الاجلد=وحنا نسيطر في نهار الزحومه
نزمي كما يزم البحر فوق ويهد=كل الحصون الشامخه في زمومه
سجل لنا التاريخ كمن مجلد=وحقوقنا دايم ماهيب مهضومه
« آخـــر الـــمـــشـــاركــــات »
مقبول الشيباني _يالله بمزنن [youtube ]
العرض العادي
