خلّه يطيح الحظّ والرأس مرفوع ..!!

[وصل العطياني؟؟؟]

السلام علاكم

البارحة قايم من النوم مفجوع = حلمت و إنـّي فــ رمضان أتغدّى
يا كثر ما جاني من أحلام هالنوع = لمفسـّر الأحلام ما تنتودّى
نومي على كوعي و حظـّي على الكوع = أقالبه مثل المريض المسدّى
خلّه يطيح الحظّ والرأس مرفوع = رأسي على الرفعة تراه المبدّى
أنهض ولو مكسور لي خمسة ضلوع = و أسمع و أعدّي شيّ ما ينتعـَـدّى
بيني وبين النّاس الإرسال مقطوع = الظاهر إن السلك ندّى وصدّى
ليا رفعت الصوت ماهوب مسموع = وليا كتبت رسالتي ما تودّى
والوقت ما يهدي لنا ورد وشموع = يهدي ما تهديه الخصوم الألدّا
يهدي لنا ونـّات وآهات و دموع = و يصدّنا ويحدّنا ويتحدّى
الهمّ صار يمرّنا طول الأسبوع = و الضّحك صار يمرّنا ويتعدّى
وحنا بدو فينا تقاليد وطبوع = على سلوم الأوّلين نتقدّى
فينا كرم موروث ما هوب مصنوع = لكنّ تجبرنا الظروف نتردّى
واللي يقول الشعب ميّت من الجوع = ما هوب منـّا يا ملكنا المفدّى

تحياااااااتي .

التوقيع

na111na@hotmail.com

[محمد ابن رووق]

يا كثر ما جاني من أحـلام هالنـوع
لمفسّـر الأحـلام مــا تنـتـودّى


على طاري تفسير الاحلام والله عبر لي ان بتجي لي خير وانا مطفر


وجاني بعد فتره واثر لي حقوق قبل ست سنوات راجعتها وجتني



و انت حلمك في غدى ههههه الله يرزقك لكن راجع مفسر احلامك






الصراحة دخلت القصيده شي ثاني هذي ما يبي لها بو فايح

آخر تعديل محمد ابن رووق يوم 03-May-2011 في 07:21 AM.

[محمد الذيابـــي]

وحــنـــا بـــــدو فــيــنــا تـقـالــيــد وطـــبـــوع=عــــلــــى ســــلــــوم الأوّلــــيــــن نــتـــقـــدّى

صح لسانك ياوصل شاعر مبدع ومتابع لك دوماً


اتمنى التوفيق لك

التوقيع

التوقيع محمد الذيابـــي

[عبدالرحمن الـعتيبي]

ان شاء الله حلمك خير اخوي
وصح لسانك
انا بصراحة بدون مجاملة دخلت جو مع القصيده
بالتوفيق

[توبان الروقي]

صح الله لسانك يالامير قصيدة رائعه من شاعر رائع دمت مبدع



واللي يقول الشعب ميت من الجوع=ماهوب منا ياملكنا المفدى


الله بيض الله وجهك على هالبيت

[حاكم الغنامي]

خيراً رأيت وشرأ كُفيت



صح لساااانكــــ يابو مشهور



ولاعاد تبطي علينا بالقصيد


لافض فوكـــ

التوقيع

سبحــــان الله وبحمدهـ hakem81@live.com

[خنجر الدهاسين]

يالله لاترديلنا حظ
صح السانك ياشاعرنا
معاناه يحس بهالجميع
الله يجعل ايامك كلها افراح

[مرزوق حمدان العتيبي]

..

.
فينـا كــرم مــوروث مــا هــوب مصـنـوع
لـــكــــنّ تـجــبــرنــا الـــظــــروف نـــتــــردّى


صح لسانك ياوصل .... دايم مبدع ومميز ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[سيف الوغى]

لا مادام من العيشه وجاي أبشر بالخير هههههه

كالعاده لاتحيد عن الابداع والجزاله يأبو مشهور


ننتظر المزيد


أرق التحايا

[بعيـد المرامع]

البارحة قايـم مـن النـوم مفجـوع
حلمت و إنّـي فـرمضـان أتغـدّى..

واللي يقول الشعب ميّت من الجـوع
ما هـوب منّـا يـا ملكنـا المفـدّى..


..


مطبوع..بالفطره السليمه

ومن غير امثالك..الشعر ..في زنقه..زنقه


فـ صح فكرك..على كل بيت..بيت

التوقيع

تنويه ..وتنبيه ..مرامعي.. لوحظ في بعض المنتديات و من بعض الاخوه هداهم الله ..سرقة بعض مواضيعي في منتدى الهيلا..ونشرها في منتدياتهم ..بمعرف "بعيد المرامع" ..لإيهام القارئ والمتصفح ..بأنه صاحب الموضوع..والكاتب بعيد المرامع لذا أود التنويه .. بأني ..انا يا بعيد المرامع..ليس لدي اي معرف اخر..خارج موقع منتديات عتيبه الهيلا إطلاقاً.. B3EED_MRAM3@HOTMAIL.COM