شاعرنا غني عن التعريف ذاع صيته ولمع بريقه في سماء الشعر دون العديد من القصائد
في مدح ربعه العضيان وذكر امجادهم وتخليد بطولاتهم للتاريخ واليوم يتوجه شاعرنا الى كل
عضياني مقتدر للوقوف معه في كربته ومساعدته في محنته .
اترككم مع القصيده وهي شيله بصوت شاعرها .
وهذه بصيغة الجوال للتحميل كلك يمين وحفظ بإسم
http://www.odyani.com/audio/a.algooba.mp3
يا لاد عاضي ياعصابة راسي وياعزوتي = ياعزوتي لاضاق صدري وقصرت كل الحبال
يامسندي فالساعة اللي ما تثمن وقفتي = أما على وجه الوطا والا على روس الجبال
اي والله أني جيت اصيح لكم وابشهر صيحتي = أحدن يسجلها حدث وأحدن يسجلها خيال
اللي يسجلها حدث رجال فاهم حستي = والي تجاهلها ماوجه له من الربعه سوال
صحيح أنا خالي يدين ولامعي في جعبتي = ألا محبتكم ووقفتكم وشعري يارجال
اما تشيلون الحمل عني وانا في ضنكتي = والا لياطاح الجمل ماترفعه كل الجمال
والله لالاني خابرن كل الكرم في ربعتي = والله لحط لها قبر وادفن عليها بالرمال
لكن كيف اكنها بالصدر وابلع كنتي = وانا عضياني وربعي من كريمين السبال
وين الرجال اللي لها وقفات تسمع كلمتي = اللي لياجاهم خبر مادنقو مثل الرخال
اللي لياقامو معي قامو وطالت هامتي= لوماعلى راسي عقال أحطهم فوقه عقال
انا ما احمل غير ربعي فالقبايل شرهتي = ربعن لهم تاريخ فالانصر وفي وقعه طلال
والحرمليه يوم ضرب السيف جاين له حتي = بنت الرباعين احتموها لا تجي فالاحتلال
يومنها صاحت لمارق قال يابنت اسكتي = حنا صناديد الرجال اللي يهدون الحيال
انا زعيم القوم وانتي شعرتن من لحيتي = ثم صاح للعضيان واطبق فوقهم مثل الخيال
ارتدها مارق وقال الدار دارك واثبتي = هاذي تراها وقفة العضيان شجعان العيال
هذا قليل من الكثير اللي فعلته لابتي = وان جيت اعد الترك واللي غير طال الشرح طال
الاد عاضي يامقابيس الوغا يافزعتي = ماعاد باقي فالعمر شده ولافيه احتمال
اليوم انا قررت ابين للقبيلة قصتي = اما على راس الجبل والا على جرفن هيال
احيان اطول هرجتي واحيان اقصر هرجتي = من هاجس في خاطري مزمن وباقي لايزال
اللي يبي ياقف معي وقفة رجل في كربتي = يرفع يده والا يكلمني ومفتوح المجال
انا ما أدور غير للطيب وهاذي رغبتي = ادور الطيب وانا طيب ولله الكمال
ماني بجاهل في المراجل مير هاذي قسمتي = مالله كتب لي ياجماعه بين كل الناس مال
احيان أحدر لقمتي واحيان تنشب لقمتي = حسب مقادير الليالي والدهر والاحتمال
الله عليم بحسنتي والله عليم بسيتي = لكن انا رجال من طبعي احب الاعتدال
الله يجمل حال ربعن دبرو سيارتي = الطيبين اهل الكرم واهل الوفا في كل حال
ربعن شرو لي موترن يقضي نوايب حاجتي = ماهمهم من طيبهم كم يدفعون من الريال
ال المتيه الطيبين اللي خذو بطاقتي = اللي على حسب الوعد دقو وقالولي تعال
وانا حضرت لموعدي حسب اشارة ساعتي = واستقبلوني ربعتي بالعود الأزرق والدلال
ثم كرموني واكرموني واحتفو في حضرتي = في جمعتن منها يشوش الراس فخرن وانذهال
لكن باقي ماقدرت اقوم وادرك غايتي = وبدونكم والله ماقوم ويعتبر شي محال
ياطيبكم بين العرب ياكبركم في نظرني = افخر بكم بين القبايل في الجنوب وفي الشمال
« آخـــر الـــمـــشـــاركــــات »
13-Nov-2010, 01:09 PM
عضياني ينخى لابته العضيان
العرض العادي
