الرياحي رحمه الله وعبدالواحد الزهراني والمعنى شاعر المعنى ومشاركة بن حوقان

[فهد الزهراني]

السلام عليكم ورحمة الله وبركاته..

طبعا المشاركة بعد نهاية شاعر المعنى بشهور ...وهي حفلة عند قبيلة سليم بحضور عبدالواحد والرياحي رحمه الله وبن عتقان وطامي الرياحي

هذا الطاروق جرى بين الرياحي رحمه الله وعبدالواحد

طبعا لمن لا يعرف قبيلة بني مالك ومحبي محمد بن حوقان (وهو يستاهل ) سووا له تكريم بعد خروجه من البرنامج وانسحابه المعروف لاعتراضه على آلية البرنامج

من ضمن فقرات الحفل كان هناك قصيدة لعبدالواحد مدح فيها محمد حوقان وقال فيها قدرك عندنا ماهو عند اللجنه وذكرهم بالاسماء واهدى مع زميلين له (100 الف لبوخالد)

اعتقد ان الرياحي وصلته الاخبار عن هذا واراد مناقشة عبدالواحد في هذا

واليكم الطاروق


انا خاطري مرتاح في حفلة السلمان
مع عيال منصور اول القوم والفرسان
وبطلع على الباحة وسلم على زهران
تموت الدانمارك وتعيش السعودية
الليل يازين مسراه ..على الطريق الطويلا
اللي عملتوا كشفناه..ياهل الجمل والجميلا

عبدالواحد
هلا مرحبا مليون يالصاحب الغالي
ترى كل ليله وانت تطري على بالي
ولوجيت في زهران تلقى عسل حالي
تموت .........
الليل يازين ممساه..ليت الجبل مايميلا
خل الحقائق مغطاه..وآظن مافيك حيلا

الرياحي رحمه الله
مشكورين يازهران والله يسلمكم
اهل عرف وآهل علم ماني معلمكم
ولكن بالجوال نقدر نكلمكم
تموت..........
محدا يدينه بمخباه..الا يدين البخيلا
واللي هرج لو سمعناه..ماله علينا دليلا

عبدالواحد
تجلمت معنا والله يجمل احوالك
ولكن ودي بك تصادق على اقوالك
الى جيت بآكلمك قفلت جوالك
تموت ..........
بعض البقوم الله اعطاه..يعطي كثير وقليلا
واللي هرج لو لقيناه..شبيت فيه الفتيلا

الرياحي رحمه الله
ارحب بجوالك بعد وآتنشط له
مع بداية العطله مع نهاية العطله
لكن اترك اللي مانجح لا توسط له
تموت
الضيف يآكل بيمناه..ولايحط ويشيلا
شف ضلع حداد تلقاه..مثل الكثيب المهيلا

عبدالواحد
اذا كان تبغون الوساطه توسطنا
واذا كان مابه واسطه لا تورطنا
وانا ابغيك تسكت وبسكاتك تنقطنا
تموت........
الضيف لو مطلبه جاه..ماهددك بالرحيلا
الضلع هده من اعلاه..ليلى ومجنون ليلى

آخر تعديل فهد الزهراني يوم 10-Oct-2010 في 07:33 PM.