أبا أسلم على ابراهيم الجذع

[نواف المري]

ابراهيم الجذع ودنا نكسب خبرتك خمسين عامي

أبا أسلم سلام ٍ يرضي الأذواق والأسماع=سلام الله سلام ٍ مابعد قد قيل تسليمه
براهيم الجذع نبغى علومك ياطويل الباع=ياطيب السوق كانه صاير ٍ قالي وله قيمه

[ابراهيم الجـــــذع]

لا تكبرنا عمري كله

ما وصل الخبره اللي تقولها

هلا يا مرحبا ترحيب وافي ما عليه اقناع=تراحيب الرجال اللي لها عز ولها شيمه
ترا حنا رجالاً عارفين اشعيل والمرياع=لكن السيل يا المري عسى ما يعقبه ديمه

التوقيع

الذم ما يهفي للأجواد ميزان=والمدح ما طول قصار الأيادي

[نواف المري]

يامرحبا ياابراهيم

بلاوي في زمنا ياالله أنك تصلح الأوضاع=بعد مال الشداد اللي.. بفوقك ياظهر ريمه
ياكثر اللي من أنواع المصايب ماهو بينذاع=لكن أعلامنا يضفي على الواقع بتعتيمه

[ابراهيم الجـــــذع]

ترا الدكتور حاضر كل ليل يداوي الأوجاع=وأنا أعرف كل علمٍ ويش تحليله وتحريمه
أظن الناس تنظر لـ السما وأنته تشوف القاع=يقولون الرجان الكل طقه فيه تعليمه

[نواف المري]

أنا عندي علوم ٍ وأنت تغلق موجة المذياع=تصبر لين حتى ينجلي لك ماورى الغيمه
بعد سود العمايم ماتولونا غدر وخداع=ياخوفي لاتصير أوضاعنا في دبرة شريمه

[نواف المري]

ابراهيم انا بصلي وبنواصل على الطاروق ان شاء الله بكره

[ابراهيم الجـــــذع]

أنا أدري أنك وراك اعلوم لكن مخطي الأسناع=وتمشي مع دروبٍ كل دربٍ فيه تلغيمه
ترا هذي قضيه والقضيه ما لها فزاع=بعد تحجيم نصر الله معاد يفيد تحجيمه

[ابراهيم الجـــــذع]

صح السانك أخوي نواف

على خير إن شاء الله

[نواف المري]

الليييييل ياابراهيم

أنا ما أخطي لكن اللي يجيب الصاع ياخذ صاع=تمهل يالعتيبي لايجي فالراس تكتيمه
بعد دبك الخيول اللي حوافرها لها مرباع=شكينا ياتضاريس الحياه الوقت من ضيمه

[خلف المطيري]

بعد دبك الخيول اللي حوافرهـا لهـا مربـاع=

------------------------------------------

هههههههههههههههه
مالومك يالمري قلبك يم البل

صح السانك وصح السان الجذع