مهداه الشيخ فيصل بن نايف الدهينه

[محسن المرشدي]

مبروك يافيصل عسى الله يهنيك=ويديم عزك ياكريم الخصايل
لاتفتخر خل الرتب تفتخرفيك=تراك من صفوةعيال الحمايل
ربعك تفاخر بك وتفخر بطاريك=ويعزها اسمك بين كل القبايل
توك شباب وجعل تبطي لياليك=وحزت المراجل حوز والراس طايل
المرجله ثوب لبسته وكاسيك=والطيب غتره والعقال الجمايل
من راسك الشامخ ليااسفل مواطيك=سطوه ونخوه طيب جاه وصمايل
تدري وش عيوبك عسى الله يعافيك=طيبك وفزعاتك وكسب النفايل
مالك شبيه ولاحلي يحاليك=فالوقت هذا والسنين الاوايل
ياكودابوك اللي على الطيب رابيك=واخذت من حلياه قاس البلايل
شيخ من اصناف المراجل مغذيك=الشيخ نايف شوق شقرا الجدايل
شيخ شمخ مابين ذولا وذوليك=مزبان للهيلا نهار الهوايل
وانتم شيوخ الجوخ مافيه تشكيك=واللي جهل في نجد يلقى الدلايل
شيختكم اصدق من رصاص البلاجيك=وابين من السبع وشمس القوايل
ماجاتكم منحه ولاجات بالشيك=جتكم بشلف تودع الدم سايل
عن مقعد انشد نجد الانجد وينبيك=عن الدهينه يوم قدح الفتايل
قله من اللي باحمر الدم مرويك=ووبل المشوك مثل وبل المخايل
وقله من اللي بالرمك دك اراضيك=من الواد الاقصى لين ضلعان حايل
يقول مقعد حال عقد الشرابيك=اللي من اسمه يجلقن الاصايل
لو امدحك عامين ماني موفيك=وعن مدح مثلك يقصرن المثايل]

[مرزوق حمدان العتيبي]

..

.
صح لسانكـــ يامحسن
ويستاهل الدهينه
..

لاهنت

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[حاكم الغنامي]

خمس نجووووم يامحسن



قصيدة جزله ومن راس جزل


ونعم بالمادح والممدوح


تقبل مرورري

التوقيع

سبحــــان الله وبحمدهـ hakem81@live.com

[فيصل المسعودي]

يستاهل المدح الدهينة

وصح الله لسانك

في انتظار جديدك

تحياتي

[محمد العتيبي]

يستاااهل المدح ..



وصح الله لساااانك يالغااالي ..



تحيتي
..

التوقيع

للتواصل عبر twitter تويتر al_bargawy@

[عبدالمجيد النفيعي]

مبروك لـ حفيد مقعد يرحمه الله وصح الله لسانكـ وماعليكـ زود ومن طيبك مدح الطيّبين

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا