مدري نقول اللي نشوفه والا نكـــبه مـا نقوله

[رعد الروقي]

.


.






مساء الخير

سلام والطارف ينوخ بالطيب ويشيل الحموله=اما سرى حمله يشيله والا غدى بالحمل مايل
مدري نقول اللي نشوفه والا نكـــبه مـا نقوله=الله من زود العجــايب والله من وقت الهوايل

[سعود العصيمي]

يامرحبا ياللي تسلم والثانية معك محلوله=واللي معك من علم هاته لنكان ابه علم ودلايل!!
الحمد لله والثنا له عملتك وابشر بالعموله=عزوة عتيبه كلبوها تذبح وتلطم كل عايل!!

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[رعد الروقي]

هلا وغلا يا العصيمي



الله الله

دام البقا لك يالعصيمي يالطيب اللي من حموله=لكن قص الدرب قصه واتعب على حل المسايل
المنبر اللي له مهابه والناس ما يمشون حــوله=امسى عليه من الشواوي صبح ومساء صايل وجايل

[سعود العصيمي]

المعذرة الاتصال عندي زفت وقلت قبل شوي لاين عاقل.

الطيب لعيال الحمايل والمرجله لاهل الرجوله = نبا معك تعب شويه ونشوف كيف العلم قايل!!
العلم هذا لاتقوله لو يدعي العربان جوله = وان لاح براق المخايل حنا نطاول كل طايل!!

[رعد الروقي]

معذور واشوى ان الاتصال ضعيف عندك اظنه يردعك عنا

سن الرضاعة مددوا له والمستحيل امكن حصوله=تقدر بعد بكره تظلي محرم ولو فاقصى القبايل
راس الزمن من عام الاول غادر وقافينا ذيوله=وامثالك اللي فالآواخر ما هم على نهج الاوايل

[سعود العصيمي]

ههههههههههه

رعد معه فالراس حاجة ومغيره عن دلوله = فيما مضى يازين دله مجلس وهيل وراس حايل!!
راس الزمن لن كان غادر يبايشلك في حثوله = لكن ريح في ظلالي وقت الشدايد والصمايل؟؟

[رعد الروقي]

الله الله

يا ريس البنك العقاري وان كان ما عندك سيوله=مصرف جنيف اليا وصلته ترجع محمل بالجمايل
ترى الفتن تفتر فره واخبــــارها في كل دوله=واللي رقد ماهوب داري برعود وبروق المخايل

[سعود العصيمي]

انته معك جني سياحي يعطيك كلش في حلوله = اخذ الحقيقة لاتحاول مافيه حيلات ومحايل!!
انا على الله اتكالي وامشي على منهج رسوله = ولياحصل فالعلم حاصل حنا متعبة الاصايل؟

[سعود العصيمي]

العمده =

سلام والطارف ينوخ بالطيب ويشيل الحموله=اما سرى حمله يشيله والا غدى بالحمل مايل
مدري نقول اللي نشوفه والا نكـــبه مـا نقوله=الله من زود العجــايب والله من وقت الهوايل

سعود العصيمي =

يامرحبا ياللي تسلم والثانية معك محلوله=واللي معك من علم هاته لنكان ابه علم ودلايل!!
الحمد لله والثنا له عملتك وابشر بالعموله=عزوة عتيبه كلبوها تذبح وتلطم كل عايل!!

العمده =

دام البقا لك يالعصيمي يالطيب اللي من حموله=لكن قص الدرب قصه واتعب على حل المسايل
المنبر اللي له مهابه والناس ما يمشون حــوله=امسى عليه من الشواوي صبح ومساء صايل وجايل

سعود العصيمي =

الطيب لعيال الحمايل والمرجله لاهل الرجوله=نبا معك تعب شويه ونشوف كيف العلم قايل!!
العلم هذا لاتقوله لو يدعـي العربـان جولـه=وان لاح براق المخايل حنا نطاول كل طايل!!

العمده =

سن الرضاعة مددوا له والمستحيل امكن حصوله=تقدر بعد بكره تظلي محرم ولو فاقصى القبايـل
راس الزمن من عام الاول غادر وقافينا ذيولـه=وامثالك اللي فالآواخر ما هم على نهج الاوايـل

سعود العصيمي =

رعد معه فالراس حاجة ومغيـره عـن دلولـه=فيما مضى يازين دله مجلس وهيل وراس حايل!!
راس الزمن لن كان غادر يبايشلك في حثولـه=لكن ريح في ظلالي وقت الشدايـد والصمايـل؟؟

العمده =

يا ريس البنك العقاري وان كان ما عندك سيوله=مصرف جنيف اليا وصلته ترجع محمل بالجمايل
ترى الفتن تفتر فره واخبارها فـي كـل دولـه=واللي رقد ماهوب داري برعود وبروق المخايل

سعود العصيمي =

انته معك جني سياحي يعطيك كلش في حلوله=اخذ الحقيقة لاتحاول مافيه حيلات ومحايـل!!
انا على الله اتكالي وامشي على منهج رسوله=ولياحصل فالعلم حاصل حنا متعبة الاصايـل؟

[ابراهيم الجـــــذع]

الله الله

صح السانك يا العمدة

وصح السانك يا العصيمي

مبدعين وحنا متابعين