حبيب العازمي وملفي المورقي (الأبداع في المعنى والمبنى )

[ابو فايح]

لقاء تجدون فيه من الأبداع الشعري مايفوق الوصف كيف لا وهو يجمع حبيب العازمي وملفي المورقي

لقاء جمعهم بالرياض قبل ثلاث سنوات تقريبا

لقاء بدأ بأسلوب رائع من حبيب العازمي ورد رائع من ملفي المورقي ثم وصف من حبيب لقوة شاعريته وجس نبض لملفي بسؤاله كيف يريد الطاروق ؟؟ ورد رائع من ملفي ثم بداية المعنى من حبيب وهو تواجد ملفي المورقي مع بعض الشعراء واستمر الطاروق رائعا إلى نهايته بختام جميل جدا من ملفي المورقي في أخر بيت .

حبيب العازمي

سلام تسليم المسافر للمسافر فالطريق = طرقي وقابل طرقي(ن )ثاني وطرقتهم سوا
وليا لقيت المورقي ماعاد ابا غيره صديق= بسم الله امطر يا صدوق الغيث واسكر يا هواء

ملفي المورقي

يا مرحبا ترحيبتن ترضيك يا وجه الصديق= يوم اجتمعنا هذي الليل على عد الروا
يا صاحبي ياصاحبي كني على قلبك مويق= انا تراني حضرة الدكتور وابشر بالدواء

حبيب العازمي

السيل من وادي حنيفه لو وصل وادي العقيق= ما كان توحي فالصحاري القاحله ذيب(ن) عوا
مدري نخليها زهر ولا نولعها حريق =إلكل أمرا عاقبه ولكل امرؤ مانوا

ملفي المورقي

ابشرك ماهوب رايح ينطحه عارض طويق= ماتدري ان طويق قدامه تحادى والتوا
اعلوم ذوب من عسل وعلوم تنشف كل ريق= والناس احد مدل والا احدن يابو فيصل غوا

حبيب العازمي

يا شيخ لا تسحب عباتك من فريق اليا فريق= انته رفيع المستوى خلك رفيع المستوى
حنا نبا نقرا على المجنون لي انه يفيق = والمورقي يقرا على المجنون لي انه ثوى

ملفي المورقي

يوم اتمشا يا حبيب بين ركبه والمضيق = اخير عندي من خميس مشيط وعيون الجوا
ياصاحبي يا صاحبي كلفتنا مالا نطيق=- وشلون اعالج لي مريض علته وسط الشو ا

حبيب العازمي

انته بدون مجامله تضيق ولا ما تضيق = في حالتك نعم الرجال في حالنا مالك لوا
انا مسيسها وبانيها على الساس الوثيق= وانا اعرف اللي يجود الكيه ليا منه كوا

ملفي المورقي

انا يتيم الطبع لا اخو ولا ولد عمن شقيق = هذاك يزعل مايداني الهرج والثاني حوا
عدة نجوم (ن) يا حبيب فالسماء تبرق بريق= يمكن بعضهن طاح لكن البعض الاخر ماهوى

حبيب العازمي

خابرك تسبح فالبحر واليوم بثيابك غريق= يا خوي قلت اخوي وانت اخوي جعلك بالخوا
منته مكلف بالنجوم اللي خفت واللي تويق = ياما سرح يالمورقي من عيدهي(ن) ما ضوا

ملفي المورقي

ماكنت احسب انه سواتي يسبح البحر الغميق= واثر حبيب فيه قوه يا جماعه لـ قتوا
نبا نطيبها من العنبر ونسقيها رحيق = عان العضيله شافله بعض الزوايا وانزوا

التوقيع

عالم تويتر abofayeh@

[@ـايل]

لقاء جمع العمالقه

لاهنت يابو فايح .. دوما وافي

..

التوقيع

تويتر : AlHooL@

[حاكم الغنامي]

انا يتيم الطبع لا اخو ولا ولد عمن شقيـق
هذاك يزعل مايداني الهرج والثانـي حـوا



ياسلالام


لاهنت يابو فايح على النقل الموفق

التوقيع

سبحــــان الله وبحمدهـ hakem81@live.com

[فهد علي العازمي]

عدة نجوم (ن) يا حبيب فالسماء تبرق بريقيمكن بعضهن طاح لكن البعض الاخر ماهوى



لاهنت يافايح

[متابع هنا وهناك]

ماطلع عندي الا اول بيتين لحبيب العازمي

[علي الشهراني]

لا جديد


الابداااع في ذائقتك يا بو فاايح


لا تحرمنا من جديدك

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[رائد الكيرعاني القحطاني]

الله الله الله على الإبداع يا بو فــايــح



بيض الله وجهك على الاختيار الجزل



بالمناسبة الحفلة ذيك كانت مجنونه وهي من اقوى حفلات الموسم ان لم تكن أقواها كيف لا وهي ضمت



حبيب العازمي

ومستور العصيمي


وملفي المورقي


وفلاح القرقاح


وزيد العضيلة


وجميـــع طواريقها تكتب بماء من ذهب



ويا ليت تجود علينا يا بو فايح بطاروق حبيب ومستور اللي يقول حبيب

( مستور يكتب ذكرياته في جناحين الطيور : وانا ليا هالحين اسجل ذكرياتي في يدي )


سلمت ذائقتك يابو فـائح



تقبل مروري

[ماجد العصيمي]

ابو فايح منبع الابداع في المنتدى


شكرا بحجم الابداع الذي اتيت به

[الكنق]

ابوفايح

سلمت يداك


لقاء عمالقه ومعنــى (حساس) بالنسبه لـ ملفي



ومدامك جبت هالطاروق! ياليت .. وفضلآ .. وليس امرآ .. تنزل طاروق ملفي وزيد ثم حبيب وزيد في نفس الحفله

وعلى
ان تكون الطاروقين

في صفحة وحدة لأنها مرتبطه ببعض او بلاصح معنها يلزم تواجد الطاروقين


والله لايهينك

آخر تعديل الكنق يوم 04-May-2010 في 10:05 PM.

[رعد الروقي]

اختيار رائع يا ابو فايح



لا هنت لاهنت



وصح لسان العلمين



حبيب وملفي