كسر قاعدة من قال ماله عديل الروح - الهيـــــــــــــلا *** منتدى قبيلة عتيبة

القصاد سالم بن عشق · 11-Mar-2010, 08:04 AM

بسم الله الرحمن الرحيم

هذه قصيدة في نايف الساطوح بمناسبة دفعه ثلاثين مليون

لإعتاق رقبة من القصاص جزاه الله خيراً وجعله في موازين

حسناته .

أمورن على الله ثم على نايف الساطوح = لاعادت مقاديم الزمان المواخيره
فعول الرجال الخالدة والرجال تروح = لكن الفعل يبقى مع الناس تأثيره
الإنسان ماله غير ما كتب له في اللوح =وحنا وهو في حكمت الله وتدبيره
بعد ما طلب تعجيزها والد المذ؟؟؟ = ثلاثين مليون ما تجمع على سيره
وقف نايف الساطوح ما يرتجي مصلوح =بحاله وماله دون قتله وتعزيره
تقدم بها حرز الوغى شيكها مفتوح = ماحسب مكاسب ماله ولامخاسيره
كسر قاعدت من قال ماله عديل الروح = فعل فعل حرم فعل مثله على غيره
لك البيض ياالساطوح بأسماى البياض تلوح = لفعلن يضاهي فعل من سنو الجيره
رجال العظايم لنكشف عجزها المفضوح =لمور العظايم في نظر عينه اصغيرة
منح فعله اللي فيه باب الحسد مبيوح =حصانة لتقصيره ورمزن لتقديره
يا قصر الخطا مع خطوتك ياطويل الشوح = خطا الواثق اللي لامشى منثنى سيره
دخلت الفخر والطيب من بابها المفتوح =على صفحه التاريخ دونت لك سيره
لك البيض ماتطرح ثنى البيض لك مطروح = إلى شح فعل الطيب وأتعب مداويره
لاشح الزمان وقام سد الرجال ايبوح =بقى آخر دهات العصر وابرز مشاهيره
من الهاجس اللي عالقن بين نار وصوح =وبابه عليه معسكرات مساميره
بكيتك يا نايف حي وبكا الفخر مسموح =دموع الفخر مهيب عيب ولا عيره
دموع الفخر من واهجن في الضمير يفوح = يشيب سواد الراس وشل تفكيره
أمورن على الله ثم على نايف الساطوح = لعادت مقاديم الزمان لمواخيره

(من سنوا الجيرة)
جيرة قحطان

وسلامتكم