لا بارك الله فالديار الشقيه=دار تصير بها المواجيب نقصان
ابنشد اهل العرف والصيرفيه=كيف الحرار تصير زاد لغربان
عقب المراجل والعلوم النديه=صارت عزايمهم ضعافه وبهتان
قوم على كسب المراجل ضريه=صاروا على الما فالمواريد خرفان
وش جاب صقر ضارى بالعليه=في عش بوم مسكنه كل خربان
صقر مقانيصه بدار خليه=واليوم اشوفه مع جراذي وفيران
يا صقر انا خابر فعولك سطيه=اليا نهضت وقلت الجسم جنحان
حمر عيونك مثل نار وريه=منها الشرر يقدح وتشتب نيران
واليوم يا طير السعد والحظيه=حولت من روس الطويلات لاركان
نفسك على الجزلات دايم شفيه=مير الزمن ردك على رخص الاثمان
احيه يا دهر بلانا بليه=دهر يساوي بين رابح وخسرن
دهر يلخبط بين هذى وذيه=ما يفصل القاله وينقص بالاوزان
« آخـــر الـــمـــشـــاركــــات »
صقر وفار فى قفص ؟؟؟؟
العرض العادي
