ليت الرفيق المعتدي يقصر اخطاه

[ابو عبيــد]

ليت الرفيق المعتدي يقصر خطاه
يمسك حصانه يافهد بالزمامي

لايجرفه تيار نفسه ودنياه
في مربعً فيه النوامي ضوامي

اما تصيبه حذفت(ن)من دناياه
ولا يضيع بندقه والحزامي

ولا يشيل الخرج من كبر بلواه
والمزوده فيها حلال وحرامي

هو يحسب الناس لاسمعوا اطراه
قالوا بحر من قوة الموج زامي

غره زمان المال والمال دهواه
يعد نفسه من كبار المقامي

واخطى قليل العرف في كل مسعاه
وقام اتخبط يافهد بالكلامي

قام يتفلسف يافهد في حكاياه
وبانت بنود السالفه بالتمامي

والله لحده لان تابس شفياه
بالحجه اللي بعدها ماينامي

حتى يعرف اللي مع الناس يخفاه
عن سيرة القاضي وبنت الأمامي

واذكر لك اسمه واسم من كان سماه
والبكره اللي روحت بالخطامي

حتى يعرف الشعر ويعرف معناه
ويحسب حساب متيهين الجهامي


الشاعر عيد بجاد بن شده

[ابو حاتم الموج]

صــح لسانك يامبدع .. على هذه الابيات الطيبة

[ابو عبيــد]

صح بدنك يالخطيب لاعدمنا هالطله الغاليه علينا