سقاك الله

[سعد المسعودي]

السلام عليكم ورحمة الله وبركاته

اخواني وابناء عمومتي الكرام

احب ان اطرح بين ايديكم اول مشاركه لي بينكم

وهي عباره عن قصيده اتمنى ان تنال جزء بسيط من استحسانكم

والله الله بالانتقاد تراي ماحب المجامله

اترككم معها

سقاك الله ياوقت(ن) مضالي=وانا قلبي من الهوجاس خالي
اغني كل يوم وكل ليله=وألحنها على الطرق الهلالي
اغني للبعيد وللقريب=وأسليهم وأنا داله وسالي
حسبت الوقت دايم مبتسم لي=ولا فكرت في غدر الليالي
غدرني وقتي الشين ولعبي=مع اللي حبهم بالقلب كالي
وغدرني في الصديق وفي القرابه=وغدرني في الرفيق اللي موالي
هموم(ن) مع مرور الوقت تكبر=وأنا ألها من طحاطيح الرجالي
اعاندها وأجاهدها وأكابر=تقول الهم مايطري ببالي
تعلمت اكتم همومي بقلبي=وأعلمها بعد موتي عيالي
اشيل الهم واصبر واتحمل=كثر ماشالت ظهور الجمالي
وأذا ضاق الفضاء في وسط عيني=تنحرت الرجوم وكل عالي
بديت بروسها من حر ماأونس=وأقول بخاطري واهملالي
ولامني بديت براس رجمي=طلبت الله والي كل والي
وفاضت عبرتي من وسط عيني=ليا منه طرالي ماطرالي
وهمي ماشكيته غير لله=وغير الله ماأشكي ماجرالي
هو اللي يفرج الهم ويزيله=مغير حالة عباده بحالي

سعد المسعودي

[السميــــــري]

..

.

تعلمـت اكتـم همومـي بقلبـي وأعلمهـا بعـد موتـي عيالـي
اشيـل الهـم واصبـر واتحمـل كثر ماشالـت ظهـور الجمالـي

تبقى .. قصيدة ..
من العيار الثقيل .. صح لسانك وبدوون مجامله ..
من روائع القصيد ..

وأحب أنك تزور هذا الرابط .. بما أنك .......... .

http://www.otaibah.net/m/showthread.php?t=57615

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[سعد المسعودي]

المشاركة الأصلية كتبت بواسطة السميــــــري

..

.

تعلمـت اكتـم همومـي بقلبـي وأعلمهـا بعـد موتـي عيالـي
اشيـل الهـم واصبـر واتحمـل كثر ماشالـت ظهـور الجمالـي

تبقى .. قصيدة ..
من العيار الثقيل .. صح لسانك وبدوون مجامله ..
من روائع القصيد ..

وأحب أنك تزور هذا الرابط .. بما أنك .......... .

http://www.otaibah.net/m/showthread.php?t=57615

صح بدنك يالسميري

واشكر لك مرورك العذب

ولكن بما اني .......

ماسر هذا الفراغ

ترى انا ادخل النت من كثر الفراغ

تجي وتحط لي فراغ ههههههه

الله يجزاك خير

[فيصل المسعودي]

هلابك يابن العم

صح لسانك على هالنص الشعري الرائع

في انتظار جديدك يالغالي

تحياتي

[محمد العتيبي]

صح لسانك ياسعد ..

قصيده وافيه من شاعر وافي ..

التوقيع

للتواصل عبر twitter تويتر al_bargawy@

[السميــــــري]

..

ههههههه

هلا ياسعد ..
النقاط اللي أنا وضعتها .. أقصد بها ..
أني لا أستطيع التعبير عن أعجابي بما كتبت ..

وجزاك الله خير ..

[هايل الهيلا]

	غدـرنـي وقتي الشـيـن ولـــعبـي = مع اللـي حبـهـم بالـقـلب كالـي وغدرني في الصديق وفي القرابه = وغدرني في الرفيق اللي موالي هموم(ن) مع مـرور الوقـت تـكـبر = وأنا ألـها من طـحـاطيح الرجـالي الاخ /سعد المسعودي صح السانك ويعطيك الله العافيه اخوك/ هايل الهيلا

[عبدالمجيد النفيعي]

صح لسانك ياسعد قصيده جزله ويكفي انها على الطرق الهلالي

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

[سعد المسعودي]

صحت ابدانكم جميعآ احبائي اللذين اضافوا للقصيده مرور رااائع وتعليق جميل


لايسعني الا ان اشكركم على هذا المرور العذب


وأعذروني على التأخر بالرد لأنشغالي


تقبلوا خالص مودتي وتقديري

[محب الهيلا]

صح لسانك

قصيدة رائعة

مشكور وماقصرت