السلام عليكم ورحمة الله وبركاته...
اسعد الله جميع اوقاتكم اخواني اعضاء واداريي منتدى الهيلا وزواره الكرام...
اقدم لكم بعض من قصائد ..
الشاعر الكبير / عبدالمعين بن ثعلي العضياني العتيبي ..
وهو غني عن التعريف نسال الله له الرحمه والمغفره ...
تجد هنا الشعر الاصيل في صياغة المعنى وجزالة المفرده...
ومهما تكلّمنا عن هذه الشخصيه البارزه في القبيله ...
فلن نوفيها حقها من المديح ...
اترككم مع الاصاله ...
لاضاق صدري قلت يا قاسمت خير=سج القدم يمشي على غيـر داعـي
عديت للعالـي بعالـي النواضيـر=وادله ليا شفته على الحزم اشاعـي
واسهروساهرت النجوم الزواهيـر=لامايـجـي للفجرنوروشعـاعـي
قالولي ابله قلـت ياهـل التفاكيـر=هاذي علوم اهل العـوم الضياعـي
وانا مغير مولع القلـب يـا بديـر=اشري وابيـع مشترايـه وباعـي
والله مغير اصخر القاف تصخيـر=تصخير مادوب العصا لين اطاعي
ومن دق به مثلي هجوس وحواشير=يضيق به لـو الطريـق اتساعـي
امقابلـن خضـر الوداياالمهاجيـر=على حفافـن بيـن حـره وقاعـي
والله لو ان الغرس والقصر والبيـر=تمشي على مافي هوايـه وناعـي
عن ديرتن فيهـا تـدب الجعاريـر=وفيها الدجاج وماشبه لـه يعاعـي
لشدوانزل فـي مـرب الخواويـر=وامشي مع الحزم السماح الوساعي
ليااختلـط نبـت الزهروالنواويـر=غزيت في العبله عمـود الشراعـي
غربن من النفره جنوب المخاضير=شرقن من الفيضه شمال الكراعـي
ياويل مرباعـن بهـاك النهابيـر=وياوي سلفانن بهـا القلـب ياعـي
تلقا بها سمـر البيـوت الدواويـر=سمر البيـوت مثولثـات الرباعـي
بأطرافها كنـه قصابـة جزازيـر=يفرح بها الطرقي لياأضرم وجاعي
واهي بيوتـن متيهييـن المعاشيـر=ألاد روق أهل الطعـون الوساعـي
اللي ابهم شقـح البكـار المغاتيـر=ترعا بهم فالخوف من غيرراعـي
تلقابهـا شقـر البنـي الغنـاديـر=زرع القلوب لكـل قلبـن ولاعـي
اللي لهـن بمولـع القلـب تاثيـر=قسمٍ مـن البنـك الكبيرالزراعـي
واللي لهن من طب الامراض تقرير=تقريـر طـبٍ للقلـوب الوجاعـي
اخذتلي معهـم مطيـر ومشاويـر=ركضة جهل يوم الهلع والدلاعـي
واليوم عنه اقفيت لوهـن مناحيـر=حسـم ٍلحـل المشكلـه والنزاعـي
واقفيت عنه اقفاي ركب المعاييـر=واخذت من تالي المحبـه وداعـي
الا بحب اللـي بنـاري مصاييـر=سمرن على جال المنـاره مقاعـي
يازيـن شبـت نارهـا للمساييـر=لجالهـم عنـدي عليهااجتمـاعـي
اخـذ بهـم زال الحيـاة التعابيـر=والا انها ماغيـر عبـر ومتاعـي
واسند عليهم فـي ليـال المعاسيـر=ويروح شبري في محطة ذراعـي
والاهـي الدنيابربـح ومخاسـيـر=يومٍ حدورويـومٍ الهـا ارتفاعـي
ولا كل طيرن ينتقلد علـى طيـر=ولا كل من هام الشجاعه شجاعـي
ماينتقلـد بالحـرار العصافـيـر=ولاينتقلـد بالقـرمـب الافـاعـي
يامل قلبن من هوى العـذب متلـول=تلـت رشـا ملحـا طويلـن قليبـه
تلة رشا ملحا علـى السيـم مفتـول=تقفي وتقبـل بـه تـروح وتجيبـه
عليك ياللي حـط بالقلـب نشبـول=شبيت لك بأقصى الضمايـر لهيبـه
روحي بروحه طول الايام مشغـول=وأرخي بقلبي شـي ماينحكـي بـه
غروٍ تفاصيله علـى كـل مجمـول=شـره الحلايـا بالعـذارا غريبـه
مربوع في قيماه بالقصر والطـول=هافي حشا كـل المناظـر عجيبـه
مافطّروه خبوز حظرٍ علـى فـول=يتلي سهاف الشول يشـرب حليبـه
مايشرب الاّ من لبن عطّف الشـول=عليـه مـن شبّـت شبابـه غذيبـه
وصدر وحصيله بيّن الوسط مفصول=وإن هب ذعـذاع النسيـم يغديبـه
وعنقٍ طويل وقرن أشقؤ ومجـدول=ذيل أشقر يكسـر حوافـز سبيبـه
وليل تبسّم عن ثمـانٍ كمـا اللـول=يودع صناديـق الظمايـر حطيبـه
والعين عين أشقر الريـش ناجـول=حرٍ علي بـرق الحبـاري مصيبـه
خفاق صفاق خطيرٍ علـى الجـول=أهواي مخلابـه جروحـه عطيبـه
جاني يتهذلف له بمقطـع وبلبـول=مقطع حرير وشيلتـه يغتطـي بـه
تهذلف اللي وخرها الريم جهجـول=مـع غبّـة الربـه مسيبـه مغيبـه
يرعى طرف خدٍ من الوسم مسيـول=مجهول من غب المطـر ماوطيبـه
خزّت وفزّت شافت الخـد منـزول=خافت وشافت واستـذارت رعيبـه
حازت مع الحزم البراحه عن الغول=تعطي مصاقيـل البـراح وجذيبـه
هذي تفاصيله علـى كـل ماقـول=يفرق على غيره عنـا مـن بليبـه
قالوا لي أنسه قلت ماهوب معقـول=قالوا نسيـك وقلـت لـه مايعيبـه
الحب من بيـن المحبيـن بوصـول=مارضى ولا يرضى علـي الغليبـه
لاسلت عن غيره ولانـي بمسيـول=دايه دوايه طـب روحـي طبيبـه
ان عالج الدا بالـدوا منـه مكفـول=وليـا تحمّـل ذنبـي الله حسيـبـه
علاه باب القلـب مغلـق ومقفـول=ومفتاح باب القلـب لامـى حبيبـه
ارسلت لي يمـه ثلاثيـن مرسـول=مامنهـم اللـي راح ماقـال اجيبـه
اول مراسيلي لهـم قـارع الحـول=واتلااهم امس وكلهم فـي المغيبـه
لاشك مايقض الغرض كل مبـدول=ابطو ومرسول البطى منـه ريبـه
ولا الرجال اللي صناديد وزحـول=عيّـو وخطوتهـم عليّـه صعيبـه
وأنا تعرض لي نشابيـل وشتـول=مـدري نصيبـي فيـه ولانصيبـه
هات القلم وأكتب ما اقول لك يا بدير=لخوان وضحا واوصل العلـم منـي
سلّم على هـاك الوجيـه المسافيـر=يـوم الليـال بغيبـهـن شقلبـنـي
سمـر الليالـي والليالـي معاشيـر=تلقـح بخيـر وشــر ويولـدنـي
يومٍ تلـد باسبـاب شـر وتعاسيـر=ويـومٍ بحلـو اثمارهـن يطلعنـي
ويـومٍ بتيسيـر ويـومٍ يتعسـيـر=ويـومٍ يلاقـي خيرهـن شرهنّـي
ويـومٍ مدابيـر ويـومٍ مناحـيـر=وان ناحـراً لابـد هـن يدبرنـي
أمّا ادبرت ولهن لغيـري مشاويـر=والا أقبلن سمـر الليـال وخذنـي
واقفن بي أقفاي الضمايا عن البيـر=ماعاد مـع مصدارهـن يرجعنـي
أنا وغيري مـع دروب المصاديـر=ليـن العلـوم التالـيـه يقبلـنـي
هذي سنه يابديـر ولهـا كواسيـر=مارايـدٍ منهـم ولا أحـدٍ وصلنـي
غدا بهـم شقـر البنـي الغناديـر=يبونهـن يـرضـن لايزعلـنـي
يوم الفرح وأيـام عيـد المفاطيـر=وأنـا عيونـي بالبكـا عايـدنـي
وأنـا لهنّـه بيـن عـذّال ومشيـر=واسترسلـن بالدمـع ماشـاورنّـي
لو إن ماجاني من الربـع تقصيـر=ميـر السوالـف والعلـوم تغبنـي
سوالفـي تسمـر عليهـا المساييـر=ومثايلـي يسمـر عليهـا المغنـي
قلّـه يقـول الله يوفقهـم الخـيـر=وانا عسى الله يرفع البـاس عنـي
ولها علـى رب السمـاوات تدبيـر=محـي العظـام الميتـه يبعثـنـي
يامـا ويامـا والليالـي مقـاديـر=يلّيـمـن الشـمـل ويفـرقـنـي
مافرّقن مـن ناطحيـن الطوابيـر=أمرٍ مـن البـاري بعـد يومرنـي
والموت له في كل ديـره مداويـر=واحد ومامور علـى أنـسٍ وجنّـي
يالله بعفـوك ياحسيـن التدابـيـر=ياغافي الذنب العظيم اعـف عنـي
وهذه قصيده مشهور له في / ابن فهيد
يقول فيها
يا اهل الونيت اللي جديد (ن) مديله=ورد مديله عـام خمـس وثمانيـن
مـاوردوه الا لـمـن يستويـلـه=مامهجـوه مدوريـن البعـاريـن
شيلوا عليه وخففـوا مـن مشيلـه=من وادي (ن) عله صدوق المقابيل
وادي (ن) لعل الغيث يسقي مسيلـه=وادي المزارع والنخل والبساتيـن
سجوا لاطـراف الفريـع ونجيلـه=يوم اذن المذن لفـرض المصليـن
ولا إليـا راقـد خليلـن لخليله=يسري به اللي يسرى من الليل ثلثين
والـخـط والله مايبيـلـه دليـلـه=خط الجنوب اللي عليـه الشيابيـن
تلقى المجالس والبيـوت الضليلـه=وهذي عوايدهم من اول وهالحيـن
اهل بيوت (ن) مدوريـن الجميلـه=في واجب الدنيا وفي واجب الديـن
سلم علـى فيحـان شيـخ القبيلـه=شيـخ القبيلـه والقبيلـه مطيعيـن
وقله يابو نـواف زبـن الدخيلـه=يا كاسب الجملا اولوف وملاييـن
مشكور في مـد العطايـا الجزيلـه=وألكم على صنع العطايـا قوانيـن
مهـوب رديـان الوجيـه البخيلـه=هرامة المجلس كـروه المعاطيـن
ولا انت من ساس الحصان الاصيله=هذال اخو هملا صعوط المجانيـن
زيزوم نمـر مثـل نبـو الرفيلـه=لشـد ناصيهـم يشـدون مقفـيـن
وألهم على بوش الضديـد تحويلـه=يـردون الصـادريـن المغبـيـن
مروين مذلـوق الرمـاح الطويلـه=لامثالهـم وامثالـهـم مستعـديـن
وأليا عصوهم للعصـاة الاصيلـه=للحق للـذي قـر قـرت موازيـن
يابدير ما ازين شبت العصـر للنـار=لمالـت الفيـه وحــار الظـلالـي
وهب البراد وسيـر الجـار للجـار=وجات السوالف بين غالـي وغالـي
سوالف (ن) بين النشامـا لهـا كـار=ليا مشـى فنجـال بيـض الدلالـي
ربعن لهم مع شبت العصـر مسيـار=ذولا بنـي عمـي وذولا خـوالـي
يرجعبهـم قلبـي لياسـج وحـتـار=وتدله بهـم عينـي لياضـاق بالـي
افخربهم واجهربهـم شـق وشعـار=وادحم بهم وازحم بهـم دون حالـي
كم هازهم رمحٍـن وخلـوه قنطـار=وكم رازهم مـن واحـدن واستقالـي
ياماتقاضومـن عميـلـن ليـابـار=قولـن لياقلتـه يـصـدق مقـالـي
جمال التخوت مفـدرت كـل هـدار=فتخـان الايـدي للحمايـل جمالـي
انـا علـي اكلفلهـا بـن وبـهـار=وانتـه عليـك تقـوم وتشبهـا لـي
في فيّ قصر(ن) يوم ضل العشي حار=لابدنامـن غيـب سمـر الليـالـي
لابد من يـومٍ بـه القصـر ينهـار=ولا نموت ويصبـح القصـر خالـي
ويبقى لمن يبقى على طول الاعمـار=وانا نزل غيـري وحـل ارتحالـي
مرت على غيـري تراديـد ومـرار=لاشـك مامـرت علـيـه لحـالـي
ياربي اغفـر زلتـي وانـت غفـار=بحسنـا جلالـه ياعزيـز الجلالـي
يامن شمل عفوه وعطفه هـل الغـار=ويامن رست بأمره رواس الجبالـي
يالخالق البـاري وياالنافـع الضـار=يــاوارث الدنياعلـيـك اتكـالـي
ماكل ليل(ن) من ليالي أبـو سـرار=ولادامـت الدنيـا ببسـط وعدالـي
يوم(ن) لها اقبالن ويوم(ن) لها أدبـار=كم فرقت مـا بيـن غالـي وغالـي
وليا اقبلت عسلـج زهرهـا بنـوار=رجعن يعلـه كـل يـوم(ن) خيالـي
ياما قطـف جنايهـا مـن الاثمـار=وياما شـرب منهاالقـراح الزلالـي
عشاقهاتضـرب لـه الزمروالطـار=وقامت تزهنقلـه بحسـن وجمالـي
ولياادبـرت عجـلـن فلكهالـيـادار=تدرجبـه ادراج الرشـا للمحـالـي
ياماسقت من واحدن كـاس الامـرار=ويامانشـاء فيهـا شبـابٍ وزالـي
كم عاش فيها من طويليـن الاشبـار=قوايـد الهيجـا زحـول الرجـالـي
اليوم مامنهـم علـى الحـزم ديـار=هـذي منازلهـم خلـيـن تـلالـي
ماكنهـم كانـو ولاصارمـاصـار=راحوهبـاً منثورتحـت الرمـالـي
حطولهـم فيهـا عقـارات وامـدار=وهي دامره وعظـام اهلهـا بوالـي
ماكن فيهـا الهـم منـازل وميثـار=وابـوك دنيـاً مالـك اول وتـالـي
تلعـب لياليهابعمـيـان الابـصـار=لـوبـرقـت فيهالهلهااحـتـيـالـي
يا بدير لا تمشى على همش الاخبـار=تروح منهـا بيـن سيـن وسوالـي
تروح منهافـي طويـلات وقصـار=يكفيـك منهـادون الاقصاالمـوالـي
وليا جفاك الدار غيـره ميـة الـدار=ومناكب الديـره عراضـن طوالـي
ولاتشتشير ابشار من لامعـه شـار=والعـد لاتــرده بلـيـا مـدالـي
وماقـل دل وكـل شيـاً بمـقـدار=ماهيب فوضـه كـل شيـاً يكالـي
الكيـل والميـزان لصغاروكـبـار=شيٍٍ خفيـف وشـيً منهـن ثقالـي
ولو مال مع سوق الفضا كله هـذار=سولـف وفكلهـا طويـل الحبالـي
ياخذبغـفـلات الاجاويـدمـشـوار=يركـض علـى غراتهـم مايبالـي
حيـال ميـالٍ مـع الهـذر منشـار=همـاز لـمـازٍ هـيـال وميـالـي
لوماينال مـن الشـرف وزن دينـار=كنه مـن امثـال ابوزيـد الهلالـي
وانا بخبره حايط(ن) كـل الاسـرار=لاهـوب لامكسـب ولا راس مالـي
النـاس توخـذ بالفوايـه والاذكـار=وكل (ن) وما حصل على كل حالـي
تمت وصل الله على سيـد الاخيـار=علـى نبـي مرسـلـن بالعـدالـي
اعداد ما مالـت هماليـل الامطـار=وماهبت الحايـه جنـوب وشمالـي
وماغرهدالقمري على روس الاشجار=وماهل في عرض السما من هلالـي
سـلام ياعـد صباحـه وردنــاك=اليـوم ماعينـت لـي ورد جـاكـا
ياعـد ويـن اللـي طراتـه لياجـاك=اللـي ليـا جيتـك يجينـي علاكـا
اللي ليا جيتـك يجينـي علـى مـاك=واليـوم لاجانـي ولاجــا يبـاكـا
في ما مضى تدهل وروده ضمايـاك=واليوم من ورده خلـي جـال ماكـا
اليـوم خلانـي وقـفـا وخــلاك=خـلاك واخـلا ورد مـاك وجفاكـا
عد جفيـت سهيـف الـروح يجفـاك=واهمه عـلاك الهـم منـول مداكـا
ياعـل همـال السحـاب يتـعـداك=شيءٍ يجـي دونـك وشـيءٍ وراكـا
لالاك ماشـد اريـش العـيـن لالاك=لكن حاديـه الضمـا مـن ضماكـا
وعساك تسقـى يـوم حنـا نزلنـاك=من جاهـزٍ خيـل عـلاك وسقاكـا
وعساك تمحل واصبح المزن لاسقاك=لالاك مـا صـار التفـرق لالاكـا
يازين ياللـي عنـي البعـد ينحـاك=البعـد ينحانـي وعـنـي نحـاكـا
خليتنـي واقفيـت واقفـت رعايـاك=واقفت خطاي وعنـي اقفـت خطاكـا
يـاذاك يالطـف الخواصيـر يـاذاك=والله ما اعلـم بـك ولا اقـول ذاكـا
من خوف هـرجٍ يقتفينـي ويقفـاك=ابـا اتحصـن عـن قفـاي وقفاكـا
اقفيـت ماعلمتنـي ويــش نـيـاك=لا اقـول شـح ولا تجـود بعطاكـا
دايم علـى روهـاج قلبـي تحـراك=لين انسقم حالـي وانـا فـي رجاكـا
لا ايست منـك ولا عرفنـا نوايـاك=ولا قلت مطلوبٍ رخص فـي فداكـا
مدحت لي مدك وجـودك وعطـواك=وانته عطـاك قريـبٍ مـن رداكـا
ليتـك تعلمنـي بغيبـك ومعـنـاك=لين اني اعرف ويـش غيـب مناكـا
مدري تماري لي باالامـزاح منـاك=والا علـي مغـل مثـلـي عـلاكـا
عطني عطاك الله ومد الك واعطـاك=لاتقصـر المعـروف منـي الياكـا
ان جاز لي لاماك جالـي بـلا مـاك=وان جزت عني جـاز حالـي بلاكـا
والله مع اهل الجود مد الك واعطـاك=واقبل ومـن غيـري تبـاه ويباكـا
ياجادلٍ ون جيـت اوصفـك واقـداك=لاعبـج لا عريـان عـذبٍ لمـاكـا
لا خوخ لا رمان ما اعرف حلايـاك=عـن كـل هـذا عايـزاةٍ حـلاكـا
ولاعنق ريمي الجوازي ليـا صـاكا=ن شاف له ذيـره وزيلـه نصاكـا
ولا ضيمران وساقي العيـن ياطـاك=وعـلاه للفـي الظلـيـل انفـراكـا
ياعنبرٍ مـن عالـي الوجـن مجنـاك=مـا كـل رقـايٍ ليـا جـا رقاكـا
ولا محمل الشامـي ولا كنـه ايـاك=ولا انتـه بمثـل لـه ولاهوكمـاكـا
ولا من هل الغربي ولا التهم مربـاك=ولا من هل الخبت الحتـون الحكاكـا
الشرق مربى لـك ودارك ومشهـاك=دارك وديـرة حيـك اللـي ربـاكـا
وجدي على قربك وهرجك ولامـاك=لامــاك ياغروٍعـلـى مستـواكـا
لاماك لو امشي واقارن بـا لامـلاك=مافي يـدي الا عصـاي وعصاكـا
لاكن مـن دونـك حدونـي دنايـاك=دونـك حدونـي وابعدونـي ولاكـا
ان جيت ارودك يا اريش العين وابغاك=دونـك حدانـي واحـدٍ ثـم حداكـا
يالله ياللـي كـل عـيـن تـرجـاك=ياللي جميـع الخلـق تطلـب رجاكـا
انـك تديـره يامـديـرٍ بـالافـلاك=يالله يالـلـي لا الـــه سـواكــا
يارب دعـوة مسخـرٍ منـك وليـاك=يبغاك تطلـق لـه هـذ مـن هذاكـا
اطلق شبك من منشبه عسر الاشبـاك=يـا الله يامطلـق قــوي الشبـاكـا
من منشبه عسر الشبك كيف ينحـاك=ينحـاك لـو مايحسبـنـه يحـاكـا
ويا رب يوم اطلبك واسألك وانخـاك=انـك لتقبـل دعـوة اللـي دعـاكـا
كان اني امشي في مطوعتك وارضاك=ماذي ولا استاذي واعايـن رضاكـا
واهوه مواذيني وحتى انـت يعصـاك=ملعونٍ ايـواذي العـرب ويعصاكـا
وانك تحتـه مـن لزايمـك وعـراك=يـارب حتـه مـن لزايـم عـراكـا
وانك تجيـه بحيتـن مـن حيايـاك=والا تجيـه بمـرودٍ مـن سمـاكـا
حديتني عنهم عسـى الويـل يحـداك=عن شـف بالـي لا رحـم والداكـا
ويومني انخـا الله يضـرك بدنيـاك=ابغـا عسـاه يفكنـي مـن غثـاكـا
لاشك قلبـي مجحـرٍ منـك واشـاك=لاشـاك فـي حـالٍ وحـالٍ اشاكـا
لا شاك في حالٍ وفي حـال شكـاك=شـكٍ بــد حويرثـيـن حشـاكـا
وياقلب يوم انصحك واعذلك وانهـاك=عييـت تقبـل دعـوة اللـي دعاكـا
اقـول تبعـك للغنـاديـر عـنـاك=عنـاك ياقلـب العنـا مـن عناكـا
يلعب بك اطراق الهوى ليـن غـواك=واليـوم ميـز رشدكـا مـن غواكـا
لاعاد تعناني وانا عـاد مـا اعنـاك=مـن يـوم منحـلاً عليهـم رواكـا
ما احلاك يا قافن على ياك ما احلاك=انصح بـك اللـي ياللحـون انتقاكـا
يلعب بك الشاعر علـى قـد معنـاك=وعلى هدف معنـاك يطـرح بناكـا
ستيـن بيـتٍ كلهنـه علـى يــاك=يازيـن ترتيبـي علـى قـاف ياكـا
عديت مجدار ٍ علـى كـل مجـدار=عيطاً بديت براس عالـي وعرهـا
ماواق في عالي حجاها الا الاطيـار.=الا السبـاع القـى مداهيـل اثرهـا
اكرام عين ٍ تشتهـي مـد الانظـار=فسحة نظـر للعيـن مـدة نظرهـا
وان كان في مد النظر خير واشرار=ننظر لحال وحـال عنـه نهجرهـا
ننظر لدرب الخير نقصر عن الضار=ولا خير في عين ٍ نظرها ضررهـا
واقول من زيـن التماثيـل واختـار=واجني من اطراف المثايـل ثمرهـا
ماقـل دل وكـل عـودٍ لـه ثمـار=تثمر وحلو اشجارهـا مـن ثمرهـا
والفرق في طلع لنوامي والاشجـار=من زين تربتهـا وحسنـا مدرهـا
حولت منها امشي مع الدرب مـرار=مريـت منـزال البيـوت وذكرهـا
قلب ٍ عليهم كن فـي داخلـه نـار=وعين ٍ عليهـم مستمـر ٍ سهرهـا
سج القدم في منزل البيـت واحتـار=من صبح لين الشمس طبت بحرهـا
منزل بيوت ٍ عطرهـا بـن وبهـار=واشناق حيل ٍ من خبرهـم خبرهـا
سـلام يامنـزل طويليـن الاعمـار=لو مـا مكـان بيوتهـا الاحجرهـا
منازل اللي تكرم الضيـف والجـار=مامـن يحـل بجالهـا الا شكرهـا
خذو لهم قيضه ومشتـى ومصفـار=ومرباع لين العشبه اقفـى زهرهـا
وشافو لهم برق على نجـد سمـار=تحـت مطالـع النجـوم وقمـرهـا
شرق ٍ من القبله مطاليـع الانـوار=غرب ٍ من العارض ضواحي هجرها
يبون مرباع ٍ مـن النيـر ويسـار=واقفى ربيع العيـن واقبـل دهرهـا
معهم عشير ٍ هوجر القلب هوجـار=هوجار هوجـار ٍ بروحـي هجرهـا
روحه على روحي تسابيب واخطـار=اسبابـه المخطـر عقـد موتمرهـا
يشر عليه من الخطر حسب الاضرار=شقر القرون ومابدى مـن نحرهـا
تـاج ٍ عليهـن العماهيـج وشعـار=ياشيخة الخفـرات واهنـه جبرهـا
اقفى وقفو به هـل المجـد والكـار=شرب الدغش مر الكبـود وكدرهـا
وانا بـدار وليـن العـود فـي دار=لكنهـا حجـه وكتـبـت عمـرهـا
قلت : النسب قالوا : بدا يدك والحار=اولى بها من ربعها اللـي حجرهـا
يا الاد روق اللي لكم صيت واذكـار=لاطار عـج غبارهـا مـن وبرهـا
وان جا لميدان الرمك عـج وقتـار=كم حولـو بمـدرع ٍ مـن ضهرهـا
تسببوا لي فيه مـن كـل ماصـار=اظـن عينـي يفتـح الله بصرهـا
امـا بدفـع المـال والا بالابصـار=والا بصلب اريا الرجـال وظفرهـا
مايقطع الفرجات من طاع الاشـوار=ولا طوّع الاصعاب مـن لاوطرهـا
والاهي الدنيا على الخيـر والضـار=مـن لادمـر بنيانهـا ماعمـرهـا
وابكرتاه اللي غدت بيـن الاذواد=يوم اصطفاق الطرش من كل نيه
برقا وروق وحـرب ولاد عبـاد=وسبيـع والبقمـا هـل الاركيـه
علـى قليـب يدهلـه كـل وراد=وكل يجيلـه مـن بعيـد النحيـة
ميه يزيد وفوقـه الـورد يـزداد=ولا ماله الغراف من كثـر ميـه
واخذت فوق الما ليا ورد منقـاد=لاعند شـي ولا مـورد ضميـه
وليا على الما واحد قـال يـالاد=وش حاجته قلت اله ويش الك فيه
قال ايه ها مالك على العد مقعـاد=قلت اله ابا آخذ مار لثـة شويـه
وليا على الما قاعد غيره اجـواد=قالوا هما لك قلـت قاعـد هنيـه
قالوا همالك حاجـة قلـت نشـاد=مذهب عسى الله مار يعقل عليـه
قالوا همالك ذاهبه قلت وش عـاد=وش عاد من مال بقي في يديـه
قالوا هما لك ويش هومالك الغـاد=اموالك اللي غادي ويـش هيـه
قلت اه مامعكم خبر مير الامـراد=بكره غدت لي بين هاذي وذيـه
عفرا عليها بين الوسـم منقـاد=ماهوب نار ولاش وسـم حليـه
هليل بيـن الحجاجيـن وعضـاد=ورقيمة فـا لخـد ماهيـب كيـه
قالوا هماهي غاديه قلـت بجمـاد=وتلى لها ذكـر نهـار الضحيـة
قالوا غدت قلت امر الله بمـاراد=قلوا همـا مـا عندنـا مخبريـة
قلت ذهنوها وانشدوا كل من راد=تجسسـوا بالبيـنـه والخفـيـة
قالوا هما هاذي بنشده فقـم نـاد=صوت وسايل كل راعـي رعيـة
قلت اه مافاد النـدى فيـه مافـاد=هذاه انادي كـل صبـح وعشـه
ومن له ذهيـب ماتهنـا بمقعـاد=ومن لا غدالـه ذاهبـه واهنيـه
لاباس ياروح ٍ بهـا الهـم لابـاس=روح ٍ يشاعفها هجـوس وغرابيـل
روح ٍ بها من كل هـم ٍ وهوجـاس=للهم والهوجـاس فيـهـا مداهـيـل
هم وغرابيل وهواجيـس وعماسـد=ايم علـى روحـي مقافـي مقابيـل
والعين كن ّ الها عن النوم حـر ّاس=تقول هـاو ٍ فـي بردهـا سماليـل
واليا امتلت عين الخناعيس بنعـاس=نومي على كوعي سهـاج وتعاليـل
اللي سوالفهـم سواليـف الا تعـاس=هر ّامة المجلس هل القـال والقيـل
سوالف ٍ فيهـا عجايـب ونومـاس=طبعـا ً لفتخـان اليديـن البهاليـل
قالوا ونس قلت الله اعلـم بالاونـاس=قولـو ولـو قلتـوا بعقلـه دهاويـل
همّي بقفل ٍ مـال مفتاحـه اجنـاس=ولاكـل مفتـاح ٍ يحـل الصواميـل
قم صب لي يابدير مايقعـد الـراس=مـن ذلقـة الدلّـه ثلاثـة فناجيـل
قد قالها من كل قولـه علـى سـاس=قدمي وفازبهـا شجـاع الرياجيـل
انا اشهد ان الحي في طبعه اجنـاس=من كل شي تراث جيل ٍ بعـد جيـل
معنـا سوالفهـم جـديـده ودر ّاس=وهـذا علـى مايذكـرون الدواليـل
الجود ورث جدود ناس ٍ بعـد نـاس=وهايـب ٍ تعطـى بحـظ وتنافـيـل
ولاطار من عش ابرق الريش قرناس=ولايثمر الحنظـل بعنبـر ولاهيـل
قصيده في مدح الشيخ / محمد ابن صويلح ابن ثعلي رحمة الله وأسكنة فسيح جناته
وتتطرق قائلا
محمـد اللـي مدهـلٍ للرجالـي=زبن الدخيل اللي جداه التناهيت
يقلط ليا جات الحمـول الثقالـي=يرفى الخمال ولا يجيب التشاتيت
بيته منـاخ للركـاب العجالـي=تخطراً للبيت من غيـر تنعيـت
اللي عليهم شدة ٍ في الحوالـي=ظميا وضرما والمزاهب محاتيت
يحييي بهم ترحيب غالي لغالـي=لاقال ويش انتم ولاقال من جيت
وتغانموا فنجال حـدب الدلالـي=والنجر يضرب للنشاما تصاويت
صاحبي سمر الكفر دونـه يبيـدي=مـن رهاريـه الرمـال يبيّـدنـه
والخطوط اللي تروّح في البريـدي=تنقطـع مـن دون خلـي مايجنّـه
والخطوط السود والفرت الجديدي=إن سلمنا مـن خطرهـن ياصلنّـه
والخطر والخط الاسود والحديـدي=علّـم السـواق لايـاثـق بهـنّـه
والله اللي يقتضـي فيمـا يريـدي=لاتظنـن والقـدر مافيـه ظـنّـه
و يش بعد الموت من حبل الوريدي=ميـر بحسـاب المنايـا يجذبـنـه
ماخلقـت الا شقـي ولاسعـيـدي=حطك الله بين نـار و بيـن جنّـه
ماعليك مـن القريّـب و البعيـدي=القـريّـب والبعـيـد يقـربـنّـه
ان عطيته راحته هل من مزيـدي=وان كرستـه بالتـروس يثقلـنّـه
زين مرواحه لصوب ديار سيـدي=والدركسـون اليديـن يلاعبـنـه
ناصٍ اللي كنّهـا عنـز الفريـدي=ياثمـر عـودأزرق ٍ جـا مـنـه
يابديـر انـا لـي حسّـة كانيـهـا=لاشـك ماتـثّـر عـلـي بعـلـه
اصبـر عليهـا واحتمـي قافيـهـا=عـن جابـة فيهـا علـي شكـلّـه
وان كان جتني زلّـة مـن ربعـي=زلا ّتهـم ماهيـب عنـدي زلّــه
اخفض لهـم منـي جنـاج الذلـي=لكرامهـم ماهـوب خـوف وذلّـه
وان كان جتني من شجـاع طيّـب=اشتال زلاّت الشجاع رضـى لـه
وانا اعرف الطيب واعرف طبوعه=الطيب طبعـه والـردى ضـد لـه
وان كـان ولّينـه رفيـق صافـي=انـا ولـد عمّـه وانـا عـز لـه
وان كان عنده حيلـة فـي حالـي=اخذ حسابـه وانتبـه وافطـن لـه
واقـول يارجـال حـايـد عـنّـي=مالـك ومالـي ياخبيـث المـلـه
واروح في حالي وهو فـي حالـه=وهـذي تراهـا للعفـون جبـلّـه
يعطيك مـن راس اللسـان حـلاوه=حلويـن الالسـن والقلـوب مغلّـه
ولانـي بتبـاع لشـور المقـفـي=ان كان مقفي ليه يـوم اقبـل لـه
يقفي وانا اقفـي والديـار وسيعـه=ومن فارق الوجه الغضيب احسن له
خلّـه وانـا عبدالمعـيـن يـولـي=لاناقـص مـنّـي ولا زود لــه
وان كان جتني من ضعيف خايـب=سترت خلا تـه وانـا ستـرٍ لـه
سترت خـلا تـه لحشمـة غيـره=ما أبى علـى ربعـي يبايـن خلّـه
ربعي كما الحيد الطويـل النايـف=ارقى براسه وانسـدح فـي ظلـه
قلتـه وانـا مـن لابـة مشهـوره=عـز القبيلـه والعـدو سـم ّ لـه
اليـا بنـوا راي ٍ علـى مقلطهـم=يبـنـون بـنـي مـاحَـد يفـلّـه
والربعـه اللـي رايهـا يفرقـهـا=لابـد أعـز ّتهـا تـروح اذلّــه
وان كان نقاض الحبـال صميـدع=ليـا نقـض هـذا فــذا يفتـلّـه
ولانيب راعي هرجة فـي مجلـس=ولاأشيل خلق الله علـى خلـق الله
الحـق يالعـراف عـرّاف الخـلا=ماهوب فـي كثـر الكـلام وقلّـه
مـاهـوب للهدات فالمـجـالـس=للـي يعالـج مشكـلـه ويحـلّـه
وانا على خصمـي وسيـع بالـي=آخـذ خصيمـي بالسعـه وامهلّـه
احلم على خصمي بحسن اخلاقـي=وإن كان لي حـق مصيـب أد ّلّـه
امّا طلبت مـن الخصيـم شهـوده=ولا ّ قبلت الـد ّيـن واخلـص بالله
واللا قلطـت بحجتـي وشهـودي=واخذت حقي مـن خصيمـي كلّـه
وأقـول حقـي وآخـذه باثبـاتـي=والحـق سيـف الرجـال تسـلّـه
وان كان مالي حق أخاصم نفسـي=واقـول مالـي حـق والحمـد الله
وإن كان جاني من يـدوّر شـوري=اعطيه من شور الهدى نصـح لـه
واقـول لاتاكـل حـلال المسـلـم=لكـن خـل الهـوش دون الحّلـه
وان كان جاني من يـدوّر جاهـي=ماأبخل بجاهـي عنـه وامـري لله
وان كان جاني من يبا مـن مالـي=اعطي واعيّي عنـه مـا أستكملّـه
لابـد مـن بيـت يبـا يبنـى لـي=يبنيـه غيـري واسكنـه واحـلّـه
وان كان لي في هالكلام معـارض=أسيلكـم يـاأهـل المـعـارف بالله
انـا معـي حـق ٍّ علـى سوالـي=ولا علـي مـن الرجـال ختـلّـه
وختامهـا منّـي صـلاة محـمـد=نبيّنـا الـهـادي ابــن عـبـدالله
يقـول ابـن ثعلـي وهـذي هديتـه=علـى جميـع المستـمـع ســلام
كـرر تحيتهـا واقــدم سلامـهـا=واقـول مـن حسـن الكـلام كـلام
قلتـه وانـا والله مـا اذم ولا امـدح=مـانـيـب مـــداح ولا ذمـــام
ما اقول في المقفي ولا آكل عرضـه=علـي مــن رب العـبـاد آثــام
الا هـل العوجـا تكلـمـت فيـهـم=اللـي لهـم روس الـعـلا مــرام
لو كان مكفيهم من المدح مـا مضـى=ابطـال وكــرام عـيـال كــرام
لاولــه لا فــرق الله شمـلـهـم=ويجعـل لهـم يـوم المقـام مـقـام
والله مـا نجـزي حسانـي فعولهـم=خلـوا لنـا الدنيـا زهـر وانـعـام
الا بقـولـة يالله انــك تـعـزهـم=عــد الليـالـي وعــدة الايــام
عشنـا بفضـل الله ثــم بفضلـهـم=وعاشـت بهـا الارمـال والايـتـام
وتطور بهم دار سقا الغيـث جالهـا=صيـف وربيـع وكـل يـوم غمـام
تطورت بالعـز والمجـد واكتسـت=في كـل عـام اخيـر منهـا العـام
كساها شرفهـم واستقامـت بمجدهـم=والـيـوم هـاهـي ذروت السـنـام
وافهمك ياللي جاهـل فـي نظامهـم=والا ان عقـال الـرجـال افـهـام
الله خلقنـا كلنـا واسمنـا الـعـرب=الاسـم واحـد والعـقـول اقـسـام
ونظامهـم لا غـيـر الله حكمـهـم=السيـف حكمـه والكتـاب نـظـام
ولو يحكـم الشـرع علـى عيالهـم=منهـم وفيهـم مـظـوا الاحـكـام
تحذر واخذ حذرك من الميل والجهل=من خـوف لا تزهـق بـك الاقـدام
اهـم عليـك مشرعـات سيوفـهـم=سيـف وراك وسيـف مـن قــدام
سيـف لـراع الحـق يعطيـه حقـه=وسيـف لـراع الجـرم والاجـرام
والله لـولا الله ثـم مسلـول سيفهـم=اللـي لعـوجـان الخـطـا لـطـام
لقول يمـدا الذيـب والنمـر والفهـد=تعـشـت العصـفـور والحـمـام
والحر يفرس في الحباري وفي الرخم=ويحـط مـن بـاق الطيـور ايـدام
لاشك رادعهـم مـن الخـوف رادع=حطـوا لمطلـوق اللـجـام لـجـام
هل الرايه الخضرا ليـا رزوا العلـم=لا رزت الاعـــلام لــلاعــلام
عـلـى علمـهـم لا الــه الا الله=اسمـه هـو الغالـي علـى الآسـام
هل الدين والتوحيد والعز والشـرف=اقامـوا عمـود الـديـن لـلاسـلام
واهل السيوف ليا جرا مثل ما جـرا=ليـا غطـى ضـو النهـار ضـلام
تقلـدوا بيـض السيـوف ومـالـوا=جـوف المعـارك يلبسـون حـرام
وارواحهم ترخص ولو كـان غاليـه=اليـا اغتشـا روس الجبـال عسـام
من يومهم من يوم كانوا ومـا مضـا=ورث لـجـدان وابــا واعـمــام
وسيوفهـم تـروي بضـرب ايمانـه=ميـروون وبقيـا السيـوف حـيـام
انا اشهد ان السيـف يصنـع لمثلهـم=وعلى غيرهم نقـل السيـوف حـرام
حيـث ان مكتـوب لحـد سيوفهـم=قطـف النفـوس وجـذة الاتـسـام
هل العـزوه اللـي كلنـا نعتزيبهـا=لا حـل مابيـن الشعـوب زحــام
عزوتهم التوحيد والسيـف والظفـر=اللـي يخلـي المشركـيـن هــدام
محاربـة ديـن الرسـول محـمـد=عـبـادة الاوثــان والاصـنــام
وضد الضديد ليـا رقـص شيطانـه=ليـا زمـر فـيـل الضـديـد وزام
ضديدهـم مـا يدخـل النـوم عينـه=تسهـر عيـونـه والعـبـاد نـيـام
علـى راي قايدنـا ملكنـا زعيمـنـا=امامنـا فـي كـل حــال امــام
فيصل عمـود الديـن ضـد عـدوه=سـم الضـديـد معـالـج الآســام
ليث العروبـه عزهـا نصـر دينهـا=لـيـا نــواه الله بنـصـر وقــام
ما خزخزت بنـت الحصـان بمثلـه=في الشرق والغرب وجنـوب وشـام
ولاجابن الخفرات مثلـه ولا جلـس=للحكـم ممـا جـاء مـن الحـكـام
الله على مـا كـل عـذرا تلحلحـت=عـن مثـل فيصـل جايتـن بغـلام
منـا وفينـا مـا تعـدى حـدودنـا=من اقصى بحـر جـده ليـا الدمـام
نباه دون الديـن والشعـب والوطـن=ويـروس عنـا كـل عـلـم هــام
يشهد له الله ثم تشهـد لـه العـرب=والسـيـف والتـاريـخ والاقــلام
ولـد عديـم جاذبـه مـن راســه=سـطـام لـطـام الـعـدا سـطـام
كم من ضديد سولـت لـه روابعـه=خـلاه فـي مـوج البحـر عــوام
وكم طبة يشبع بهـا ضبعـة الخـلا=يشبـع بهـا طيـر الهـوا الـحـوام
وكم معسـر فـرج لهمـه وكربتـه=مرهـون فـي ديـن عليـه مـظـام
وكم ليلتن غنى على الهجن واوجهـه=نوظلن علـى دربـه مـع الدرهـام
كل ابلج يوهـف لوجنـاه بالعصـى=يحثـهـا واهـيـه تـبـا قـــدام
على درب اخو نوره ليا هج واصتوك=مـثـل النـعـام او كنـهـن اروام
ربع مشاكيـل علـى اوسـاق حزبـا=همـه مشاكـيـل وهــن هـمـام
عاشول بيوم المجـد والعـز وانتهـو=احـي غـدا كلـه رميـم عـظـام
العمـر لـه يـوم موقـت وينـتـه=يـزرع موقـت وقتـفـاه صــرام
حياتهـم يــوم نتـذكـر حيـاتـه=ماحـلام ليـل وضاعـت الاحـلام
غمدهـم البـاري بعفـوه ورحمتـه=بفضـل مـن البـاري عليهـم عـام
وليـا غـدوا عنـا لقيـنـا عيـالـه=مـلا مـات حكـام يجـي حـكـام
وختامها منـي صـلاة علـى النبـي=واسلـم عليكـم والـسـلام خـتـام
واسمحو لنا ان كان فيه قصور وهذا قليل من كثير بحق علمنا الشاعر المغفور له بأذن الله تعالى / عبدالمعين بن عقل بن ثعلي ..
......................... 
« آخـــر الـــمـــشـــاركــــات »
07-May-2009, 01:15 AM
صياغة المعنى وجزالة المفرده :ديوان: الشاعر : عبدالمعين بن ثعلي ...وبعض قصائده
العرض العادي
