معجب قرب

[محمد صالح العطاوي]

ياسلام الله سلام ولاش فالدعوى مجامل=خابرينك ياوسيع المعرفه قد المهمه
البعير اللي مع البدوان تال الوقت هامل=ضاع عمره ما لقا له شخص فالديره يضمه

[حسن إبراهيم الدجيماء]

صح لسانك ولسان معجب مقدماً ..!!! متاااابع وبقوة ..!!!

[معجب العتيبي]

مرحبا والدين يجبرنا على حسن التعامل=والخوي اللي يعرف الحق والله مانذمه
اشهد ان الدين يارجال جا للناس كامل=والبعير يعيش طول العمر وحده مايهمه

التوقيع

[معجب العتيبي]

الدجيماء

شرفتنا بمرورك ومتابعتك


صح بدنك

[ربح السبيعي]

ياسلام ياسلام ياسلام



صحت السنتكم يامبدعين

[معجب العتيبي]

يامرحبا ياربح والله يحييك




وجودك اسعدني

[محمد صالح العطاوي]

السعد والخير من فضل الولي لناس شامل=ميرقلي وش تسوى لو تطيح الك بمطمه
عارفين ان الشجاع اليا وقف ميقاف صامل=مايهمه داب ذاك الضلع لو يسقيه سمه

[معجب العتيبي]

السعد للي عرف دربه ويعرف من يزامل=ماركب في موتره وان عارضه خطٍ يخمه
الشجاعه ضبط نفسك لاتأثر بالعوامل=والنجاح بهالحياه احتاج يارجال همه

[صاهود]

اشهد ان الدين يارجال جا للناس كامـل
والبعير يعيش طول العمر وحده مايهمه

ابعدي يامعجب فك البعير فكه ههههههههه

صح السانك والسان العطاوي

والصف صفك

[معجب العتيبي]

ههههههههههههههههههه


صاهود ياذ البعير اللي نشبوله ههههههههههههههههههههههه



صح بدنك


واضحك الله سنك





شاكرين حضورك