|!|.. ( ( الــدانــه )) ..|!| للشاعر بندر بن تراحيب النخيش النفيعي العتيبي

[طارق النفيعي]

السلام عليكم ورحمة الله وبركاته
أسعد الله أيامكم بكل ماهو خير ...
ومســـــــــائكم جنه ..!!

الدانه ...
قصيده سرقها البعض وللأسف ممن كان يثق فيهم بندر سرقوها ونسبوها لهم ونشروها وهي ناقصه في أبياتها ...
وها انا اضعها بين أيديكم كامله لعل أن تحوز على رضاكم وذائقتكم



|!|.. ( ( الــدانــه )) ..|!|

كـتـبـت الشـعــر مـادور عـلى الشـهـره مــع الشــعــار..!!=كــتـبـت الشــعــر أدور بـســـمــة الـــغــالــي ورضــوانــه
هاذيـك ألـلـي إذا زعــلـت زعــلـهـا شــيـن ياســتــار ..!!=يــقــوم ألــهــا الــقــلـــم والــبــوك والـشاعـــر وقـيـفــانــه
هاذيـك ألـلـي إذا زعـلـت عـلي مـاخـلـق لـهـا الأعــذار ..!!=رضاهـا عــنــد عــاشــقــهــا قــصــيــدة نــزف وجــدانــه
هاذيـك ألـلي لـهـا عــنـدي غــلا وحـب وفــاء ومـقـدار ..!!= هـاذيـك ألــلــي لــهــا عــينـي وأنــا بالـنـوم ســهـــرانــه
هاذيـك ألـلـي إذا جـتـني تـضـوي لـي بــنـات أفــكــار ..!!=لـيـا نـاظــرتـهــا مـــابـــيـــن فــرحـــانـــه وخــجـــلانــه
تـوريـني بـنـظـرتــهـا مـن أســرار الــغـــرام أســرار ..!!=لـيــا قـامــت تـسـلـهـم لـي بــطــرف عــيـون نـعـسـانــه
بحـور الأرض كـم يـغـرق عليـهـا من الـطـمع بــحـار ..!!=وبــحــر الشــعــر مـا يصعب على الـمـوعــود بــالـدانــه
أدورهــا ورى حــدود الـخـيـال وهـاجــس الأشــعــار ..!!=وألاقـيـهــا عـلى شــاطــــي بــحــور الــحــب غـرقــانــه
تـنـاديـنـي وأجــيــهــا والـمــســافــه بـيـنـنـا الــتــيــار ..!!=ومــوج الـبــحــر ضــد الــمركـب ألـلـي صـرت ربــانــه
لـيـا قــربـت أنـا مــنـهـا تــحــذرنـي مـن الأخـــطـــار ..!!=واذا بــعــدت قــالـــت لــي تـــرانـــي مـــنــك زعــلانـــه
وأجــيـهــا ونـتـشـلـهـا وأزبـن الصحراء وشـب الـنـار ..!!=مــن ضــلوعــي وأدفــيــهــا وهــي بـالـحـــيـل بــردانـــه
وقـبل نـدفـى تـهـب الـعـاصـفــه والـريـح والأمــطــار ..!! =وتطـير بـنــار شــوقــي فــالــهــواء وتــشـــب ضـيــانــه
وأحـط أيــدي بـيــديـهـا وحــال الســيــل دون الــغــار ..!!=ولا أدري كــيــف أخــذهــا مــن يــديــني عـنـد بـيـبـانــه
وأضـيــعـهـا ولاقــيـهــا بـعــد مــدة بـصـيــف"حــار ..!!=تــنــاديــنــي وتــرفــع يــدهــا وتــقـــــــول ضــمــيــانــه
وأسـيـل للـضـمـاء فـيـهـا مـن أشـواقـي بـحـر وأنـهار ..!!=وخــلــيــهــا تــخــيــل كــن روحــــــي ظــــــل رمــانــه
وقــبـل مـبـل ريــق الشــوق بـــركـان الـمـفـارق ثـار ..!!=فــتــحــت الــعــيــن أدورها لقــيــت العــيــن عــميــانــه
أنـاديـهـا وأصـيـح أنـتي يـمـيـن الصـوت ولا يــســار ..!!=يــجــيــنــي ردهـــا لا لا مـــا أبــيــك تــشـــم دخــــانـــه
هــقـيـت ان الـقـضاء جـاهـا وقـلـت أمـنـت بـالأقــدار ..!!=ورحــت أكــتــب حــكـايـة حـبـهـا ومـاتـت عـلـى شــانـه
يـعــزيـنـي عـليـها الـيـأس ويـبـشـرني بـهـا الإصرار ..!!=وأنــشـــد يـاعـــرب مـن شـــاف لـلهـــيـــمـان هـيـمـانــه
وأسـولـف عـن فـتـاة" يـذكــرون الـهـا بـعـيـد أذكــار ..!!=تــنــشـــد عـن فـتــى وســم الـهــوى بطــراف حـجــانــه
أظن أحد" سمع عنها عـلى الـطـاري يـجـيـب أخـبـار ..!!=وأحــــن ألــهــا حــنـيـن الــمــغــتــرب لــديــار خــلانــه
يـبـون الـوصف مني بـس أنـا فـي وصـفـهـا مـحـتــار ..!!=أنــا وشــلــون أوصــف خــلــقــة الــرحـمـن ســبـحـانــه
ما أقول ألا هـاذيـك أللـي عـليـهـا الـعـيـن مـا تـخـتـار ..!!=!ذا بــانــت عــلـى مـــد الـــنـــظـــر لـــشــوف فــتــانــه
و!ذا مـاصـدقــو قــلـت أدمـي(ن) يــلــفـت الأنـظــار ..!!=يــقــود ألــزيــن أبــو لــونــيــن فــي يــمــنــاه بــعــنــانــه
أحـد" فـي عـيـنـه أدهـشه وأحـد" فـي عـينه اسـتنكار ..!!=وأحــد" يــضـحـك مـكـذبـنـي وأحـد" قـرط عـلى لــسـانــه
ولـلـقـا مـن يــخـبـرنـي وأقـــوم أواصــل الـمـشــوار ..!!=وأحــســد الــطــيــر جــنـحانــه لــيــا ســتــل بـجـنـحـانــه
وألاقـيـهـا عــلى عــهـدي تـغـنـيـلي عــلى الـتـذكــار ..!!=عـلـى الـتـذكـار أنـا مـا خــنــت عـــهــد الـحـب لـو خــانــه
تـســولـف للفـضـاء عـني تـقـول أبـطا عـسـاه أمجار ..!!=يـالـيـتـه قـبـل مـا يـرحـــل عـــطــانــي كـــرت عـــنـوانــه
وتـرفــع يــدهـا مـن فــوق خـد" كــن فــيـه أزهـــار ..!!=وتــمــســح دمـعــة" طــاحــت عـلـى الـخــديـن تــعــبـانــه
وقــفـــت أقـــول أنــا مــاقــلـتـلـك أن الــزمــن دوار ..!!=وجــتـنـي مــن فـــرحـــهـــا ثـــوبــهـــا تــرثـــع بــشــلانــه
مـن ألـفـرحــه تـعـانـقـنـا وغـفـيـنـا والـدمـوع كــثـار ..!!=وأقــول ألــهــا أنــا ولــهــــــان وهــي تــقــــول ولــهــانـــه
صــحـيـت أبـكـي على مـاكـان صـحيـت أبـكي على مـاصـار ..!!=حــلــمــت وشــفــتــهـــا مــثــلــي بــذاك الـلـيــل حـلـمــانــه
بـنـيـنـا فـالـهـــواء ديــره رحــلـنـا مـا ســكـنـا الــدار ..!!=يــادانــه والــحــيــاه أمــا لــــقــيـــتـــك مـــالــهــا خــــانـــه
يــادانــه والـقـلـوب ألـلـي تـحـمـلـهـا الـسـنين صغـار ..!!=يــادانــه والـــنــفــوس مــن الــجــفــا والــصــد تــعــبــانــه
يــادانــه والـجـروح ألـلـي نـحـمـلـهـا الـقـلـوب كـبـار ..!!=يــادانــه مــــال قــــلــب الــحــي غــيــر قــلــوب حــيــانــه
يــادانــه عــاد الا يـامـطـول ألـغــربـه عـلى الـبـحـار ..!!=يــادانــه والــعــهــد مــصــيــون وخــان الــلــه مــن خــانــه
يــادانــه والـبـحـر مـايـنـقـطـع مــن زحـمـة الـشـعـار ..!!=وأنـــا بــــــزاحـــم الــشــــعــــار الــيــن أجــــيـــك يــادانــه

/


دمتم بحب ...!!

أخوكم / طارق النفيعي

سوف تضاف للمكتبة ..
/

التوقيع

أخوكم : طارق النفيعي

[محمد العتيبي]

وألاقيها علـى عهـدي تغنيلـي علـى التذكـار =على التذكار أنا مـا خنـت عهـد الحـب لـو خانـه
تسولف للفضاء عني تقول أبطـا عسـاه أمجـار =ياليتـه قبـل مـا يرحـل عطانـي كـرت عنـوانـه
وترفع يدها من فـوق خـد" كـن فيـه أزهـار =وتمسـح دمعـة" طاحـت علـى الخـديـن تعبـانـه
وقفـت أقـول أنـا ماقلتلـك أن الـزمـن دوار =وجتنـي مـن فرحهـا ثوبـهـا تـرثـع بشـلانـه
من ألفرحـه تعانقنـا وغفينـا والدمـوع كثـار =وأقـول ألهـا أنـا ولهـان وهـي تقـول ولهـانـه
صحيت أبكي على ماكان صحيت أبكي على ماصار =حلمـت وشفتهـا مثلـي بــذاك اللـيـل حلمـانـه

سلمت يداك ياطارق
وبيض الله وجهك يالغالي ..

وصح لسان الشاعر :بندر النخيش النفيعي ..
...

التوقيع

للتواصل عبر twitter تويتر al_bargawy@

[طارق النفيعي]

شاكرين ردك ويعطيك العافيه على التواصل

[عبدالرحمن الهيلوم]

مشكوووووووووووور يالغالي وصح السانه والسانك

[طارق النفيعي]

مشكور على تواصلك وردك ..

[النخيــــــش]

صح لسان ابو تراحيب

قصيده جزله

وبيض الله وجهك ياطارق على النقل


وماقصرات

[طارق النفيعي]

شاكرين تواصلك يالغلا