فصيده للشاعر مستور العصيمي في شيوخ العصمه العلوات

[زيد بن غانم]

قصيده للشاعر مستور العصيمي (ابوتركي) حفظه الله في الشيوخ العلوات
يالله يالله يامحـصـي جمـيـع الانــام

ياسايق الـرزق لبنـادم وهـو مـا درى
ياللي ترى النمل الاسود تحت جنح الضلام
يا منزلٍ في كتابـك صـوره ألـم تـرى
يالله تجبـر عزانـا فالشيـوخ العـظـام
مقدم عتيبـه ليـا صاحـوا ورد البـرى
آخوان جوزاء مقديِن السـرب والجهـام
اهل العِطف يوم لـلآرواح بيـع وشـرى
الفعل يبقى ولـو يفنـى اللحـم والعظـام
وفعولهم تتعـب الكتـاب واللـي قـرى
شيوخ قول وفعـل ماهـو مجـرد كـلام
تقلط على الموت يوم اللاش يرجـع ورى
رفيقهـم يفتخـر ودخيلهـم مـا يـضـام
وعدوهم مـن وحمهـم مايـذوق الكـرى
عمر وفـارس ومانـع جعلهـم للرحـام
حيين بالفعـل والآجسـاد تحـت الثـرى
والله يرحمك يـا شجعـان عـال المقـام
عـز الله إنـا فقدنـا فالحيـاه أومــرى
عسى العوض فالعيال مورديـن الحسـام
ملاذ مـن حـده اخصامـه وعـود زرى
ياما تصدوا لصعبـات الامـور الجسـام
في عيونهـم يسهـل الكايـد ولاينطـرى
ياعبيـد منـى عليهـم كـل يـوم سـلام
سـلام امعطـرٍ بالمـسـك والعنـبـرى
في ظل حكام نجد اللـي بشـرع ونظـام
أضفوا على شعبهـم هيبـه وظـل وذرى

[مشاري الحبردي]

صح لسان ابو تركي

ونعم في العلوات
شيوخ الاد عاصم المسمين

[ع ـظيم الشوق]

صح لــسآن مستور الـعصيمي

يعطيك العافيه,,,

[محمد الحميدي]

مقدم عتيبـه ليـا صاحـوا ورد البـرى
آخوان جوزاء مقديِن السـرب والجهـام

صح لسان ابو تركي
والله يرحم شيوخ عتيبه ويغفرلهم

لاهنت

التوقيع

[زيد بن غانم]

الخ مشاي الحبردي
والاخ عظبم الشوق
والاخ محمد الحميدي


تقبلو تحياتي لاهنتووووووووو

[علي الطريسي العصيمي]

صح الساااااااااااااااااااااااااااااااااااااااااانك يابو تركي ونعم في العلوات والاااااااااااااد عاصم

[فهد العازمي العتيبي]

صح لسان الشاعر العلم الاسطوره / مستور العصيمي .. ونعم وسبعة انعام بالعلوات امراء العصمه قطمان المحازم ...

التوقيع

للتواصل على تويتر https://twitter.com/falotaibi5115 ،،