الازوري اغد جاي

[محمد احمد الاصلع]

عبد الله الازوري سجل حضورك نبي طاروق ان سمح وقتك

[عبدالله الازوري]

حياك يالاصلع والله يقوينا

[محمد احمد الاصلع]

يامرحبا بك ياعميل الخير بعد انك لفيت= واللي لفا يبشر بدهنة خشم عند الاصلعا
انا بسوق المرجله ياالازوري بعت وشريت= وانته تغص بماك واكلك دوب ياالله تجرعا

[عبدالله الازوري]

	دام الــبقـا بــك يا عـميل الخير بعد انك بديت والــلـي لفــا يــبشر بدهنة در عــنــد الالمعا انا على ورث الجدود الشعر والعرف ارتوييت ولا انت جاهل لو تبى تروي لك العرف انبـعا

[محمد احمد الاصلع]

انا لقيت اللي لقيته وانت قلي وش لقيت= يااللي تشيل البندقيه فوق متنك تقرعا
ياالازوري يازين جر الصوت لامنك غفيت= وايا صحيت نشوف عينك ياالعتيبي تدمعا

[عبدالله الازوري]

	انا عتيبي والعتيبي بالزمن سمعه وصيت ومن تسمى له بسم جاته علوم امقربعـا ياصاحبي وانا بعيد{ن} عنك لكنك نديــت اجيك وانت فاتحـ{ن} بابك معيه مـــدفعا

[محمد احمد الاصلع]

النعم بيكم ياعتابه وانت بالدرب احتديت= يم المصرقع لين سموك الرجال مصرقعا
انا اعرف السرحان في مسراي لامني سريت= ياصاحب المدفاع يااللي كل عام تدفعا

[عبدالله الازوري]

يبن احمد الصلاة بدت الصلاه وانا صايم استأذنك وبالليل انكمل

[محمد احمد الاصلع]

الله يقبل منا ومنك الصيام والقيام وخير ان شاء الله

[عبدالله الازوري]

	رجل{ن} وسيع المعرفه باخذ من العرف وعطيت ورجل{ن} بيـهبى باقي اعلومي تجيه امطرطـعا الـــذيــب يعوي بالجبال السود كان انك رقـــيـــت والــيــا جـهـلـتـه حــاطــت الــكـم بالجهات الاربعا