الدوسري والشمري

[ضاامي وفااا]

في عام 1963في عهد المرحوم الملك فيصل في فترة حرب اليمن كان هناك جماعة من الوداعين وعددهم خمسة ومعهم واحد من الشكرة وواحد من الصخابرة وكانو عائدين من اليمن بسياراتهم النقل المحملة بالبضائع من القهوة والارزاق وكان يرافقهم اثنين من قبيلة شمر بسيارتهم فتعطلت عليهم فنخا الشمري بعزوة ياعيال زايد ففزوا له ووجدوا الحل في تفكيك سيارته قطعة قطعة وتحميلها وقامو بتحميلها في سياراتهم الاربع ولما وصلو الى نجران كان الخبر عند اميرها خالد بن احمد السديري يرحمه الله الامير السابق لنجران وسر بفعلتهم واكرم كل واحد منهم ومعهم الشمري فتكفل بتصليح السيارة على نفقته الخاصة وبعد ذلك انشد خالد الشمري هذه القصيدة بعد ان وصل الى اهله


ياحمود هات الفرت واكمـل زهابـه00كمـل زتاتـه يازبـون المشافيـق

اسرح عليـه ولاتحـن الوطـا بـه00اجنب عسى دربك ودربـه توافيـق

صلهم ترى الممشى يبي من هقابـه00خص الى زانـت دروب الطواريـق

انص السديري زبن من هو لجابـه00سعد الركاب وسعد اهلها من الضيق

سلم عليه اعـداد منشـي سحابـه00وما ورقت لشجار من الوبل توريـق

قله ترى فعلـه فخـر مـن حكابـه00فعل على عـزم الردييـن ماطيـق

ثم ثنهـا ياحمـود فهـل الحزابـه00دواسـر قامـت بفعـل المطالـيـق

سلـم عليهـم كـل منهـم بنـابـه00سلام احلى مـن غبـوق المفاهيـق

ياويش اقول بمـدح سربـة اذيابـه00يوم استناخ الفرت ثم نشف الريـق

تعصبـوا والكـل يضحـك بنـابـه00وقالوا لي ابشر بالفرج ساعة الضيق

الفـرت حطـوه الذيابـة انهـابـه00كـل يعلـق نبلتـه فـوق تعلـيـق

شالـوه ربـع للخـطـر ماتهـابـه00حتى الكرد شالـوه ماواحـد عيـق

كل يقـول الفـرت عنـدي وانابـه00خويـنـا مايلحـقـه دوم تعـويـق

يالبيـض ياللـي تنقـش الخضابـه00بالله عليكـن للنشامـا عشاشـيـق

ياكيـف ممدحهـم وازيـد الثنابـه00من حد,,حايل,, لين حـد العواليـق

مدح علـى فعـل ينومـس جوابـه00ماهـوب حكـي مايعـزز بتصديـق

يستاهلونـه بالثنـا والوفـا بــه00مدح الى جا الصدق ماهوب تلفيـق







ويجاري هذه القصة بقصيدة رائعة..الشاعر المرحوم شلعان بن ظافر الودعاني طيب الله ثراه واسكنه فسيح جناته




طاب كيفي ورجلي زان ممشاهـا00والمعاني وزنهـا عـدل ميزانـي

مـا نبـي ناقـد بالنقـد يقفاهـا00خايف من بعض الاشخاص يقفاني

مـن شواذيبهاعليّـت مرقـاهـا00نازله فـي منـازل كـل ديقانـي

ياحـرار رفعهاطيـب مجنـاهـا00من كرمها لها بالطيـب عنوانـي

تشبع اضعوفها من ظرب يمناهـا00تكسب المدح شيبانـن وشبانـي

مرحبـا عـد ماهلـت رفايـاهـا00اوالتراحيب للقاصي مـع الدانـي

من بني عمنـا واللـي توحاهـا00وكل قرم إلي من جيت له جانـي

ليلة مـن ليـال العمـر فدناهـا00وقفتي بين ربعي تبعـد أحزانـي

لابة للمراجـل تشقـح أخطاهـا00تكرم الضيف والجيران والعانـي

لابتي مايـدوس الضـد بحماهـا00من على عصر زايد وبن بدراني

لابتـي زايـد الملطـوم منشاهـا00ممنـة جارهامـن كـل عدوانـي

ترتفع روسنـا لامـن ذكرناهـا00ذا كلامي ونا مـن لاد ودعانـي

لاد ودعان راس الرجـم مرقاهـا00كاسبين المراجل سـر وعلانـي

لابتي من يريـد العـز ينصاهـا00يستريح بذرا ذربيـن الايمانـي

قصت الشمري يانـاس محلاهـا00يوم ثور عسـام الجـو دخانـي

فوق سيارتـه والقـوم تشعاهـا00اجنبـي وحيـد مامعـه ثـانـي

قل عزم المكينـه ونقطـع ماهـا00قال هـذا قعـد مافيـه عقلانـي

ياوداعيـن بحرقهـا وبنسـاهـا00والعوض عند ربي عالي الشانـي

عودولـه ولا واحــد تعـداهـا00حذفو بالهـدوم طيـور حوانـي

شلحوهـا بنـي عمـي وشلاهـا00لابـة فالقـا مـاهـم بـذلانـي

والقنابـل تخطفهـم شظايـاهـا00ماختلف واحد مـن لاد ودعانـي

حملوها ونـار الحـرب تصلاهـا00اشهد انهـم مناعيـر وشجعانـي

عقب يومين في نجـران ملفاهـا00وشترو نقصها من سوق نجراني

ماتعـدو مكانـه ليـن شـداهـا00وشتغل صافين ماهوب خربانـي

ذي سوالف بني عمي شرحناهـا00ماضياتـن لهـا فعـل وبرهانـي

[الروقي فواز]

ضامي وفااا

بيض الله وجهك

والطيب لا تستغربه من هل الطيب
اللي لهم في منهج الطيب خبره

الدواسر يفعلون والطنايا يستاهلون

ومشكوووور على الطرح الرائع

يالغالي

[كاسر الحوم]

والنعم في الآد زايد وفي شمر الطنايا

ضامي وفااا

لاهنت ومشكور على الموضوع

[ذيب النفود]

ضامي وفا شكراً لك على الموضوع

ونعم بك وبالآد زايد وبالطنايا

[عبدالله الجـــذع]

بيض الله وجييهم

هؤلاء الرجال اهل الحميه والشهامه

الف شكر لك يالغالي

محبك

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عبدالرحمن الهيلوم]

ضامي وفااا

بيض الله وجهك

والطيب لا تستغربه من هل الطيب
اللي لهم في منهج الطيب خبره

الدواسر يفعلون والطنايا يستاهلون

[حمود الشمري]

والله كفو يالدواسر بيض الله وجيهم عزالله انهم ماقصرو

ونعم فيهم وبالجميع

[ضاامي وفااا]

لاهنتوا جميعا على المرور

[فهد العطاوي555]

السلام عليكم ورحمة الله وبركاته
بارك الله بك , شكراً أخي الكريم

[ضاامي وفااا]

مشكووووووووووووووور يالغالي