الحي ماهو شخص في دنيته حي !

[بـوح]

يآليت بعض الناس لا شاف له شي & يفخر ولا يحسد ويحقد ويكره

الحي ما هو شخص في دنيته حي & الحي من ينشر في الكون عطره

والناس لا شافت رجل يشبه الضي & تنزل بقدره وتزعل وتشره

والزرع لو ما كان له دايما ري & أمداه مات وصارت الأرض قفره

واللي طوى درب الهوى بالوفا طي & وكتب قصيدة حب من كل عبره

أنا أشهد إنه ما حسب جمرة الكي & ويدري إن الحب قطره بـ قطره

والصاحب اللي من صلى الشمس لك في & ما باع مثلك لو فنى كل عمره

يآمرك بالمعروف ينهـاك م َ الغي & ويعز شانك وأنت قدرك بقدره

خاوه ولا تمشي مع الجاهل العي & اللي يورد لك من العلم نشره

أنا أشهد إن أمرافقه جاب لك سي & ما ترفعه رجله على طول عثره

ناظرت لي سيلاً بعد هـاطل المي & راحت معه وديـان ما غير سدره !!

بـقلمي : بوح

لكم ودي ~

[فيصل مطر]

بوح

اشكرك بعنف

يآليت بعض الناس لا شاف له شي=يفخر ولا يحسد ويحقد ويكره
الحي ما هو شخص في دنيته حي=الحي من ينشر في الكون عطره

صح بوحك وصح ولسانك

يابطل

ابدااااااع×ابدااااااع

كلام سليم
وفي
الصميم

تقبل

مـــــــروري

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[بـوح]

فيصل مطـر

لا هنت على المرور ..

ودمت بود ~