الـــبـوصـــله !!

[عيضه العيسي]

مسـاءالخير والعافيه لكم جميعـاََ
التقي بكم من جديد واهديكم هاذه
المولوده الجديده!
/
/
/

يالله يالي من طلب عفوك ولطفك مايخيب= وانته تعرف الظاهره والخافيه وادرابها
يالواحد المعبود للداعي تغيث وتستجيب= وان ضاقت الدنيا على خلقك تفك انشابها
ابدا بذكرك واطلبك سهل لي الدرب الصعيب= هاضت هجوسي بالشعر من مابها من مابها
وارسل سلامـي والتحيه للبعيـد وللقريـب= جمعتها في خافقي واليوم اهد اسرابها
وزعتها بالتسويه بين الموالي والحبيب =الأوله لأقرابها والثانيه لأ حبابها
شاعر والي فالمعرفه قسمه والي حض ونصيب= وعيني على الغالي من اشواقي ترف اهدابهـا
ما للوفا غير الوفا حتى ولو جرحي عطيب = ولو وصلت اطعون الزمن في مهجتي لأنصابها
احس كبدي تقتلب واحس في راسي دبيب= وجتني وربي جابها جتني وربي جابها
واون ونا ت الفقير الي غدا ماله ذهيب= بيدين زمره ينعرف عنوانها بكتابها
زمره خبيثه راكعه لاهي تثاب ولاتثيب= تحب من يغتابها تحب من يغتابها
تمشي لعكس البوصله وتدعي وتركض للصليب= حيه وبامرك يالولي لابد يكسر نابها
لابد يكسر نابها وتقصر عن الفعل المريب= كل البلا باسبابها كل البلا باسباها
وين انت يا وضح النقا وين انت يالعقل البيب= وين انت عن مرزابها واين انت عن مضرابها
صحيح مابعد الصبا والعنفوان الأ المشيب= واهل العقول ادرابها واهل العقول ادرابها
ماني بجيها من قفا ولابد ماسهمي يصيب= وانكـان ماتحسب حسابي ماحسبت احسابها
ولاخير في درب ِ يودي من عبر به مايجيـب=ولاخير فـي حلـه عن الزاير يقفـل بابهـا
وما للوفا غير الوفا حتى ولو جرحي عطيب = لو وصلت اطعون الزمن في مهجتي لأنصابها

عيضه العيسي

[السميــــــري]

وما للوفا غير الوفا حتى ولو جرحي عطيـب
لو وصلت اطعون الزمن في مهجتي لأنصابها


..

الله الله .. ياعيضة ..
مذهلة .. وابياات مليانه .. معاني ..
صح لسانك ..

يارائع ..

[ابوبجاد الرويس]

مشكور يالذيب على القصيده الجزله

ولاهنت

وصح لسانك

[أبو نجر النفيعي]

..
الله الله الله يا عيضه ..
..
صح لسانك واعتلا شانك .. ابيات في قمه الجزاله ..
.
وننتظر جديدك بشغف

.

التوقيع

.....

[عيضه العيسي]

الاخ القدير:السميـري

زان حالك وطاب فالك وصح بدنك ولاهنت

لك الشكر والعرفاان على الحضور

والمتابعه ودمت بخير

وعاااافيه !!

[عيضه الثبيتي]

صحيح مابعد الصبا والعنفـوان الأ المشيـب
واهل العقول ادرابها واهـل العقـول ادرابهـا


صحيح صحيح


والاصح


أنك مبدع


شلونك ياسمي


نسيت ب د ر

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

آخر تعديل عيضه الثبيتي يوم 11-May-2007 في 05:13 AM.

[مرزوق حمدان العتيبي]

...
. صح لسانك ياعيضه العيسى
قصيدتك جزله وهذي عوايدك ..
.. سعدنا بعودتك من جديد
واخر الغيبات ان شاء الله ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[عيضه العيسي]

الاخ القدير:ابوبجاد الرويس

زان حالك وطاب فالك وصح بدنك ولاهنت

لك الشكر والعرفاان على الحضور

والمتابعه ودمت بخير

وعاااافيه !!

[عيضه العيسي]

الاخ القدير:أبو نجر النفيعي

زان حالك وطاب فالك وصح بدنك ولاهنت

لك الشكر والعرفاان على الحضور

والمتابعه ودمت بخير

وعاااافيه !!

[رشيد النقريني]

مشكور يالذيب على القصيده الجزله

ولاهنت

وصح لسانك

وبيض الله وجهك