اليكم بعد السلام عليكم من باب التواصل هذه ابيات قلتها بعد مشاهدة حفلة الجبلان من البقوم على قناة الساحه قبل اكثر من شهرين
وكان هناك شعراء من عتيبه وهم الشاعر عايض بن سرحي رحمه الله والشاعر ناصر الهواوي
السيحاني والشاعر محمد بن دغيم السميري والشاعر ضيف الله السمير وبعد مااطلع عليها الاخ والشاعر
ناصر الهواوي جاراها عسى ان تجد شي من الاستحسان
تستاهل التمجيد والله يابوعبيد=ولكل من مثل عتيبه تحايا
انته وابودغيم ضريف الاواليد=وضيف الله الثالث حميد السجايا
والرابع اللي من اخيار الاجاويد=عسى الولي يجبر عزاك وعزايا
ويجبر عزاء اصحاب الوفي دون تفنيد=وعساه في جنات عدنً علايا
حضوركم مصدر فخر يااصناديد=في حلة الشجعان اسهوم المنايا
في حفلة الجبلان لصيرمي زيد=يستاهل التكريم راع الحمايا
مجاراة ابوعبيد ناصر السيحاني
وافي ولا قصرت واتعيش يافهيد=وفيت ياشبل السباع الضرايا
كفيت والروسان غرٍ صناديد=اهل المدايح والفخر والحمايا
ان جا نذير وطوحت سترها الغيد=وردوا حياض الموت ورد الضمايا
يرسون لجموع العدا رسية الحيد=بالمشرفية والسيوف الحنايا
وان سندوا على المتون البواريد=يجي لهم فعلٍ عظيم وسوايا
وملفى الضيوف مزبنين المضاهيد=ياطيب جيرتهم اجزال العطايا
تروي قدايم فعلهم صحصح البيد=يوم الآخايذ والفتن والرزايا
وبغيت ازيد وقلت مالازم ازيد=قوم ابن جامع ما تفيد الحكايا
شيخٍ سما عن كل عيب ومناقيد=مثل الجدي معروف بين البرايا
اريدها واليوم جت لي كما اريد=ودونتها لك يالسنافي هدايا
آخر تعديل فهيد مقعد الرويس يوم 29-Dec-2010 في 10:29 AM.
29-Dec-2010, 10:26 AM
مجاراه
العرض العادي
