محاوره بيني وبين الشاعر الكبير / محمد العتيبي هداج تيماء

[ناصر الجلاه]

..


هذه محاوره جرت بيني وبين الشاعر الكبير / محمد العتيبي (( هداج تيماء )) ..

ارجو أن تنال اعجاااابكم .
ناصر الجــــلاه

مرحبـا ياصاحبـي هـداج ترحيبـة مـوده=من هجوسٍ صرفها بالكاش .. والبيرق سعودي
بعـد ياهـداج تيمـاء غبـت فالأيـام مــده=العرب كادت تموت عطاش .. والبيرق سعودي

هداج تيمـــاء

البقا من هاجسً ما يلبـس الا ثـوب قـده=يالرفيق اللي فداك اللاش والبيرق سعـودي
غيبتي ما نقصت مكيالكم يـا اهـل الاشـده=من يهوش مع الذيابه عاش والبيرق سعودي

ناصر الجــــلاه

والله إن النـد يامحمـد مايفقـد غيـر نــده=خل ابوشلاخ وألا طاش .. والبيرق سعـودي
انت فارس وابن فارس والسطر من صلب جده=للمراجل كلبوهـا حـاش .. والبيـرق سعـودي

هداج تيمـــاء

البعير اللي ليا طال المدى مـا بـاح سـده=وين سوقه ياقوي الجاش والبيرق سعـودي
ما عليكم زود وانتم للسنيـن السـود عـدّه=لاربض حظ الردي وانحاش والبيرق سعودي

ناصر الجـــلاه

البعير اللي تقوله وين ذكـره مـن يعـده=راح لفوه العباد بشاش .. والبيرق سعودي
حد سيفك يامحمد وألا انا سيفـي بحـده=سالفتنا ماعليها قشاش .. والبيرق سعودي

هداج تيمـــاء

ان لقيته يا وسيع المعرفه عشـه وغـده=وان فقدته ردّ للرشاش والبيرق سعودي
انت ودك تعتلي فوق الجبـل والا تهـده=لك حزامن ماهو بغشاش والبيرق سعودي

ناصر الجـــلاه

إن لقيتـه يامحمـد يمـكـم والله لــرده=لو شكله صابكم برباش .. والبيرق سعودي
ياجبل صاحبك مثلك فاللقا محد(ن) يضـده=لوغاض البحر وألا طاش .. البيرق سعودي

هداج تيمـــاء

خابر الحر النـداوي مـا يخيّـب لـو نهـده=عادة ً له ما يعود بماش والبيـرق سعـودي
المحيط اليا سبحته مـا يكـودك بحـر جـده=لو يجيك من السحاب رشاش والبيرق سعودي

ناصر الجـــلاه

واعرف إن الذيب الأشهب ماتجي يمناه خـده=وإن تعشى مايذوق عراش .. والبيرق سعودي
المحيط أعرف جزره والبحـر ميـزت مـده=وكل دابٍ نذبحه لهاش .. والبيـرق سعـودي

هداج تيمـــاء

بارك الله فالزحـول وفالركـاب المستعـده=من طواريها العرب تنداش والبيرق سعودي
طرّف الليل وتلاشى والفجـر لـوّح بيـده=اسحب الشاحن من الافياش والبيرق سعودي

التوقيع

القصيد اللي معانيه وبيوته = بالاشاده والشهاده يمتلكها ماكسبها من تحت كمه وكوته=لارسمها بالهواجيس وحبكها جمل الله حال من جمل ثبوته = وانتخى دون الجميله ماتركها كل متذوق لنا يدلي بـ/صوته=السعوديه .."حمد" (شاعر ملكها) آلف آلف مبروووك لقب شاعر الملك يا د. حمد العصيمي لتواصــل على الايميــل الجديد n200m@hotmail.com

[عبد المحسن الحلحلي]

ناصر الجلاه وهداح تيما

إبداع يتلوه إبداع

كيف لا وأنا أقرأ لعملاقين

من عمالقة الفتل والنقض


محاورة


رائعة ومعاني محبوكة


تقبل مروري


أخوك


الحلحلي

[ناصر الجلاه]

..

الحلحلي

..


صح بدنكـ يالغااالي .. الابداع تصفحك المشرف والعطر

لاهنت

..

[مرزوق حمدان العتيبي]

..
.
الله الله
..
صح لسانك ياناصر .. وصح لسان هداج تيما ..
..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ناصر الجلاه]

..

مرزوق العتيبي

..

صح بدنكـ يامرزوق .. تصفحكـ له طااااابع ثان

لاهنت

..

[عبدالله الجـــذع]

الله..

محاورهـ في قمه الروعه..

صحت السنتكم يالغالي..

أسحب الأفياش ههـ

دمت مبدعا استاذي ناصر..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[ناصر الجلاه]

..

عبدالله الجذع

..


صح بدنكـ ياعبدالله .. تصفحكـ جميل

لاهنت

..

[فهد الزيادي]

صح لسان الشاعر ناصر الجلاه وصح لسان هداج تيماء