يا طير يومنك تسج المشاوير..(اول مشاركه لي )

[باين العتيبي]

بسم الله الرحمن الرحيم

صباح /مساء .. الخير على الجميع

هذه اول مشاركه لي هنا في هذا المنتدى الرائع

بل الاكثر من رائع بإدارته وأعضائه الكرااام

ولكم هالقصيده

وأتمنى تحوز على رضاكم

هذي رديه بيني وبين واحد من أخوياي

أرسل علي البيوت هذي ورديت عليها

قصيدة خويي:

ياطير ليتك تفهـم الهـرج ياطيـر=حتـى تبلـغ صاحبـي مانسيـتـه
تسرح مع الجهمه عسى دربك الخير=يومين طول الـدرب لامـن بغيتـه
وتصير في داره على حزة عصيـر=قبـل المعشـى تاصلـه والمبيتـه
ثـم بلغـه منـي سـلام وتباشيـر.=واخذ العلـوم الغانمـه لانصيتـه
الصاحب اللي لـه معـزه وتقديـر.=ابن الرجال اللـي تعـلا بصيتـه
حرن ليا صكـت ليالـن معاسيـر.=يكفـخ ولاهمـه هـروج الشميتـه
انا اشهد انك وارث الجود والخيـر=..من عام الاول كل خيرن هويتـه
وختامها عديت لـك قـول تبريـر=قولن مـن الخافـق بعينـك قريتـه

وسلامتكم


<<<<<<<<<<<>>>>>>>>>>>>


ردي عليه:

ياطير يومنك تسـج المشاويـر=.الصبح تسرحبه وليلك سريتـه
جيتو من الوادي علينا محاديـر=رغم العنا والخوف ماقد عصيته
ياطير خذلك عندنا يوم ثم طيـر=ود العلـوم الطيبـه لا لقيـتـه
وقله علومـي كلبوهـا مغاتيـر=وبلغ سلاميله ليـا جيـت بيتـه
سند على دارن حموها المناعير=تاخذ ثلاث ايـام كانـك نصيتـه
مر العرايس واكسر يسار للنيـر=عفيف لو يبرالـك النيـر جيتـه
تلقا علاه الناس ورد ومصاديـر=.هذا تـرا لـو يبتعـد ماجفيتـه
وقله ترا يمكن نجيهـم مساييـر=فوق الونيت الي قلب لون زيتـه
من وارد اليابان صنع المواطيـر=ورد قدم عشرين عـام وشريتـه
اقطع علاه البعد مافيـه تقصيـر=وليا استوا القار أستوي ثم كويته
جا للبواجي صفق هي والجنازير=وصفايت البنزين لامـن سقيتـه
في خلق ربي كنهـن المناخيـر=إتصفي البنزيـن عـن كربليتـه

وسلامتكم

تحياتي

باين المغيري

[علي الشهراني]

صوت و صدى على مستوى كبير



لاهنت و صح لسانك يا باين و لسان خويك



و الله يحيك و مرحبا بك

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[حسن إبراهيم الدجيماء]

حياك الله بين اخوانك .. وان شاء الله تفيد ونستفيد منك ..!!

صح لسانك انت وخويك ... عز الله مافيكم حيلة .. الله يعين وارد (( التسعين )) عليكم ..ههه ..

بيض الله وجيهكم .. امتعتنا صراحة .. ولاتحرمنا جديدك ..!!

[باين العتيبي]

المشاركة الأصلية كتبت بواسطة الراي السديد

صوت و صدى على مستوى كبير



لاهنت و صح لسانك يا باين و لسان خويك



و الله يحيك و مرحبا بك

الراي السديد ____

صح الله بدنك

والله لا يهينك

وابقاك الله ومرحبا بك مليووون والله

وشاكر لك المرور والترحيب..

[ولدعساف]

صح لسانك و لسان خويك عدد بلا مدد...

تقبل مروري...

محبك...

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[نمرً المقآطي ] ’]

غيـر ظآهر .. !



،،

[خالد الرويسي]

صحت الالسن والقلوب

لاهنت على المشاركه

[باين العتيبي]

المشاركة الأصلية كتبت بواسطة الدجيماء

حياك الله بين اخوانك .. وان شاء الله تفيد ونستفيد منك ..!!

صح لسانك انت وخويك ... عز الله مافيكم حيلة .. الله يعين وارد (( التسعين )) عليكم ..ههه ..

بيض الله وجيهكم .. امتعتنا صراحة .. ولاتحرمنا جديدك ..!!

الدجيماء ____

ابقاك الله

وصح الله بدنك يا غالي

ولا هنت

وجهك ابيض وانا اخوك

وشاكر لك المرور الرائع والترحيب

ودي

[باين العتيبي]

المشاركة الأصلية كتبت بواسطة ولدعساف

صح لسانك و لسان خويك عدد بلا مدد...

تقبل مروري...

محبك...

هلا بك والله يا ولد عساف

ونعم والله

وصح الله بدنك

وشاكر لك المرور

ودي وتقديري

[باين العتيبي]

المشاركة الأصلية كتبت بواسطة نمرً المقآطي ] ’

غيـر ظآهر .. !

المشاركة الأصلية كتبت بواسطة نمرً المقآطي ] ’

،،

نمر المقاطي هلا بك اخووي

(غير ظاهر..!!)

ما فهمت عليك ..