ضحايا المغريات للشاعر / صالح الناصر الاسعدي

[خلف القثامي]

الله أكبر يا محيط الذكريات

تاخذ أفكاري وترميها علي

كن ما عندك رصيد امجاملات

وانت تعرفني على سدي ملي

دايم أناظر على كل الجهات

ما يموت القلب والراس ايغلي

قاصرٍ رجلي عن أبواب الشمات

أطلب المولى وأنا أسوق أجملي

بالوفا والستر والقول الثبات

يا عساي اعمل ولا اخطي بعملي

أتشرف بالعلوم المحكمات

وترفع عن ردي المنزلي

الثقه بحدودها كنز الثقات

جعل غيم الزور كله ينجلي

الحقيقه نطقها يسوى السكات

لو قلوب أهل الضغاين تمتلي

الصوادر بالمهمه واردات

دام نار الحق حيه تصطلي

الروابع للرجال الاولات

يا عتيبه يا جهينه يا بلي

نظرة الفاهم بروس النايفات

ما يضيع سيف أبو طالب علي

قارين توحيد الأسماء والصفات

عارفٍ الشافعي والحنبلي

ما يخلي حزمة أصحابه شتات

يعتلي والحظ دايم معتلي

صيرمين عن لزومه ما يبات

والله الوالي ولا غيره ولي

ماش في الدنيا العنا سكر نبات

والنهايه لا بعير ولا طلي

الله الله من حلول المعجزات

يا كنوز العرف ربعي ياهلي

كلما عدو وضحايا المغريات

زاد تقديري لعلمي وجهلي

صالح العبدالرحمن الصالح الناصر- الزلفي




http://al-jazirah.com/20100903/tr3d.htm

[محمد العتيبي]

قصيده مليئه بالجزاله والقوه ..


صح الله لسان قايلها ..



وتسلم يدين ناقلها ..


تحيتي
..

التوقيع

للتواصل عبر twitter تويتر al_bargawy@

[علاي الحافي]

لاهنت اخوي على النقل

وصح السان قايلها

الشاعر /صالح العبدالرحمن الصالح الناصر

[خالد بن مورق]

صح السان الشاعر لاهنت

[خلف القثامي]

شكرا على مروركم الكريم

[ألعتيبي فالح]

صح لسانه ملاييين ,,قصيده جزله ورائعه من شاعر اروع

لاهنت يا خلف