شليويح العطاوي وابن رشيد

[الحربي]

شليويح بن ماعز العطاوي من ذوي عطيه من روق من عتيبه من اشهر شعار عتيبه وافرسهم واشجعهم سنة ميلاده غير معروفه ولاكنه مات سنة 1912 ميلادي مقتولا فوق حصانه
عياله فاجر ومشعان وبنته العاتي وهي شاعره قويه ذكرة في كتاب شاعرات من الباديه لابن رداس علي مااذكر
واخوانه بخيت العطاوي ومشحن

وبخيت قال فيه مستور العصيمي هل البيت
سليمان بن داود يعكز علي معكاز
-------------------------------------------- وانا اقول ولي مع بخيت العطاوي

وذكر هنا بخيت لانه كان من معمرين عتيبه
ومن شعر الغزل ما قاله شليويح العطاوي متغزلا بأحدى بنات قبيلته وقد فداها بالبدو والحضر ومن بين من فداها بهم ابن رشيد الشمري ويقول :

ويفدى عشيري من عظامه تقله ***البدو واللي يلبسون الخزاري
وبن رشيد الشمري فدوة له ***** مودع صماصيم القبايل وقاري
والحر يسمح لي ثمانين زله****** واللاش ماني عن زراياه داري

فعندما سمع ابن رشيد رد عليه الابيات التاليه

يا واصل مني شليويح قله******انه بوجهي عن جميع المزاري
والله مالومه لو فداني بخله****حيث ان جاري له من الود جاري
قبله سهيف الروح حالي يسله ****سل السلوك بمبهمات الاباري

[فرهــودي]

يض الله وجهك يالحربي...
وحنا محتاجين لمثل هذي المواضيع..
كثر الله من امثالك ..

تقبل تحياتي،،
نسيم الليل

[راعي المغاتير]

مشكور على هالقصائد الجزله اللي نقلتها من شاعرها الجزلين
وحنا ننتظر منك المزيد للشاعر الفارس شليويح وغيره من الفريس

[ابن مشيب]

بيض الله وجهك يالحربي ياولد( شبابة ) وليت بعض الناس يقرى ماكتبتة ويكتب مثل هذة المواضيع بدل (........الخ) لان هذي المواضيع التي تقرب الناس من بعضها وتنفي الحزازيات والعصبيات التي اثاروها اعدى الاسلام وما اقول غير بيض الله وجهك وسلمت يمينك وطول الله عمرك والله يهدي الجميع.

[الحربي]

أشكركم جميعا وأعدكم بالمزيد

[محمد الذيابـــي]

..


لا هنت يالغالي

التوقيع

التوقيع محمد الذيابـــي

[عزارم]

لاهنت ياطيب