حبيب العازمي وعبدالله بن غازي

[المثالي]

	حبيب العازمي يالشاعر اللي بالحجر سويت حوش وغرفتين اما تكمل بنيها والا نروح نهدها وش قلت الك يا شاعر المطران قدام سنتين واثرك تذكيها وتترك دمها في خدها عبدالله الميزاني وش كنت في غزوة بدر وش كنت غزوة حنين ما انته على ما تشتهيه تمدها وتردها انته ليا منك قريت الفاتحه ما قلت امين ما ابغاك تاقف في وجيه القوم ما انت بقدها حبيب العازمي السحر جاي ٍ به من المغرب وسحر عمان وين يا خي تراها مشكله عش الضيوف وغدها يالمفتي اللي في جبينك نص نور وسجدتين الكتب سبعه واربعه واثنين وانته ضدها عبدالله الميزاني اهل الرويليه عرب مقفين والا مقبلين الله ولا سود القلوب اللي تبيح سدها انا ادري انك من حمار الطين وانته فالبطين والجيش جتنا زرفله والشد ما هو شدها حبيب العازمي ترا وصلك بواردي امنع يا راع المارتين لا عاد ترمينا من الشمطا وتجلس سدها رجعت يا سوار الذهب والشعب عود فرقتين ما عاد ندري نكره السودان والا نودها عبدالله الميزاني علم ٍ معنيني يجي فالفار والا فالطحين من يدهن اللحيه بسمن من المشوط يكدها تقدر تعلمني عن المعنا على عد اربعين يالفارس اللي كل ما جيت الجيوش تصدها حبيب العازمي اللي يربي لحيته على طريق المسلمين وانته علامك فوقها الامواس دوم تحدها هذاه شرط ٍ كان ما بين السبع وابى الحصين وابى الحصين من اللعانه ما استطاع يعدها عبدالله الميزاني يهيب يا هالمتقي والعاقبه للمتقين لكن لابد الليالي المقبله لا بدها يالعازمي كل الاوادم فالكلام محاسبين والناس من يقدر يفرق مزحهها من جدها حبيب العازمي ما هيب دايم عافيه اصحوا معي يا نايمين اثرك يا بن غازي تحكم الجن من كثر الدها ام الكباير تايبه والله وكيل التايبين واللي ما يعرفها يلعنها ويلعن جدها عبدالله الميزاني الله يا كبر الفايده واهل الحويه محتوين يالعازمي كم عين تكحلها وعين تلدها صليت ركعه وانت يا شاطر تصلي ركعتين وان كان ما تدري ترا عكس المصادر ندها حبيب العازمي الله يا كبر المشكله واهل الحويه سالمين وانته تبى تهرج معي لين الثياب تقدها خابرك تقرا يالمطوع في رياض الصالحين والركعه اللي نص ساعه ساعتين تمدها عبدالله الميزاني اشوفها ترفد واثرها من بلاد الرافدين واخر مطاف الجوع ياكلها وتاكل بدها الله يا وقت الصحابه يا زمان التابعين والناس فيكم يالعوازم ودها ما ودها حبيب العازمي الخنجر اللي تقتل الرجال شبر وقفلتين اخو صديق يسلها واخو رفيق يحدها الفرق فرق المعرفه وانته تقول الفرقدين حنا قسمنا لاقصرانا قسمها ويسدها

[الجوراسي]

ابدااااااع وابو فيصل متسلطن كعادته

[الشاماني.]

,,,

المثالي كم تاريخ المحاوره؟

ولاهنت على النقل..

[فهد علي العازمي]

هلا بها الطلّه حيا الله رجوعك علينا بالثمينة

[الواصلي العبدلي]

المثالي بيض الله وجهك وماقصرت ونبي بعد اكثر دايم محاورتك شيقه ونبي التفسير المحاوره منك

[ܓܨ عبدالله البرقاويܓܨ]

ابو فيصل شاعر كبير
سوار الذهب شاعر كبير
كلهم شعراء لايختلف عليهم ثنين
لكن حبيب يكون الافضل دايما
شكرا لك إخوي المثالي والله لايهينك

[عبدالله الفهد الاسعدي]

ابداااع صحت الالسن

وتسلم يد الناقل وبيض الله وجهك ماقصرت

[مرقاب الشمال]

ابدااااااااع وامتاااع غير مستغرب من ابو فيصل اطال الله في عمره

بيض الله وجهك يا المثاااالي

[ابومشعل العازمي]

محاورة جميلة

والله الله يا ابو فيصل

[لماح]

ابداااااع من هذا الثنائي



والمحاورة هذي كانت في الصيفية الماضية في الطايف وكان معهم عيضة الثبيتي وشعار اخرين




و كالعادة أبو غازي مبدع





حتى ان حبيب ضحك كثيرا من أبيات عبد الله


وخاصة بيت عبد الله


أشوفها ترفد واثرها من بلاد الرافدين


واخر مطاف الجوع ياكلها وياكل بدها




لا غرابة .. حبيب من الشعار اللي يفهمون عبد الله


وند جيد لسوار الذهب