قصة وقصيدة الديحاني و المحقني

[الأمير الفارس]

يروي الشاعر صنيتان الديحاني المطيري أن ابوه صنهات الديحاني المطيري انتقل مع جماعته المجاورين لهم الى الجنوب
بحث عن الاراضي الخصبه المذكوره لهم حيث كان الربيع حوالي وادي سبيع وبعد وصولهم اليها
نزلوا فيها الى حول الصيف ثم قيظوا فيه حتى دخل الوسم على دائر الحول ونزل المطر على ركبة ووادي العقيق ووادي المحاني فرجع هو ومن معه من مطير وعتيبه وربّعوا في هذه الاراض الخصبه
وجمعت الجيره والمنازل كل من صنهات الديحاني المطيري ومن عتيبه كل من عمار المحقني وعريمط الغنامي وعلي بن طالب الثعلي وبعد ان امضوا مدة متجاورين بالمنازل واقبل عليهم الصيف كل منهم رحل
الى جماعته كعادة رجال البادية .
وبعد ذلك كل تذكْر الثاني والمدة التي قضوها بالعشرة والانس وتبادل القصص والاشعار
فقال صنهات الديحاني المطيري ابياتاً يخاطب بها جاره عمار المحقني ويقول:

البدو ياعمار شدو محيلين = كلْ يبى مرباه من عقب سالي
شد العطاوي واقتفوه الدياحين = والدلبحي يبرالهم والعوالي
يازينهم مع طلعت الشمس ماشين = ياما نفج قدامهم من غزالي
يقدا لهم شول ويبرالهم ضين = ومطولات كنهن العلالي
يبن براق من المهد ويمين = يبرق وجاي في عروضه مدالي
نوه سديد وما يلن له ربابين = وقعه حقوق ومن صدوق الخيالي
من عقب نوّه زاد سيله ودادين = واشرق نبات العشب مثل الزوالي
واقفوا بمن نهده كما صبة الصين = راعي جديل فوق الامتان مالي

وهي طويله وانا ماعرف الا هذي الابيات
اما جاره عمار المحقني عندما وصلته الابيات اجابه بهذه الأبيات وقال:

عزّ الله انا قدم صنهات ناسين = وذكْر عليه ود من كان غالي
ذكر عليّه ود ناس امقفين = من دونهم حالْ بياض السهالي
البعد مايقفي بحب المودين = ان كان شفك يمنا ياحلالي
ان كان مقبل يمنا ياريش العين = تراك شفْي يا حسين الدلالي
وان كان مقفي ماتبعت المقفين = هفي مهف الطير لو ضاق بالي

وهي ايضا طويله والرجاء من من يعرفها كامله ان يذكرها لنا

[مشاري الحبردي]

شد العطاوي واقتفـوه الدياحيـن = والدلبحـي يبرالهـم والعوالـي
يازينهم مع طلعت الشمس ماشين = ياما نفج قدامهـم مـن غزالـي



الله الله


طيب النفس وطيب الخوة


لاهنت

[الأمير الفارس]

مشاري

مرورك أسعدني

شكراْ لك

تحياتي

[منصورالزبيلي]

مشكوار على النقل وصح لسان كل من الشاعرين

[الأمير الفارس]

منصور

مرورك أسعدني

شكراْ لك

تحياتي

[احمد منير الواصل]

السلام عليكم ورحمة الله وبركاته
قصه وقصيده والله جميله ورائعه
وفيها من الابيات الجميله
والله نعم الاخوة بين الرجال
يعطيك العافيه اخوي على الموضوع
الرائع

[الأمير الفارس]

أحمد

مرورك أسعدني

شكراْ لك

تحياتي