الدجيما(نسبه - قصة غرامه - قصائده)

[بدر بن ثعلي]

دخيل بن عبدالله الدجيما الثعلي العضياني الروقي العتيبي

يعد هذا الشاعر من الذين قتلهم العشق وقد ذكره الشاعر ابن سبيل بقوله :


اخاف من مـوت بليـا حقيقـة=مثل الدجيما لا طرد به ولا سيق

ويقول الشاعر الكبير عبد المعين ابن عقل الثعلي:

رمح الدجيما اللي طعنبه طعني = لا احدن دفع سوقه ولا احدن طرد فيه

ويقول الآخر :


الهوى قد ذبح له شمري=والدجيما على موته شهود

ويقول ابن مقيبل :

والدجيما من هوى الزينات مات

عشق فتاة من قبيلته فيها من الجمال ما يسلب الألباب.....

ولسببٍ ما لم يوفق الدجيما بالزواج منها وبلغ به الغرام حده وأشتهر امره بين الناس وأخذ ينظم الأشعار ولا نعرف بالضبط تاريخ مولده او وفاته عشقاً.

والكثير من شعر الدجيما ذهب ادراج الرياح لعدم وجود من يدوّنها ولولا ما حفظه الرواه لضاع شعره

قال ابن مقيبل ان الدجيما تولع بفتاة ولم يكن يجد غير ناقته وبندقيته فطلبوا منه مهراً ثلاثين ناقه تعجيزاً.

فظل في غرامه بقية عمره إلى أن مات.

وقال الهطلاني أن الدجيما كان ينظر إلى أظعان أهل محبوبته من فوق تل وهم راحلون فقال قصيدته :


مديت انا بالجال مع سرحة المال =وشفت الغبيط يشال والمال ينقاد

فدخل بيته ومات ليومه.

والأسف يقتل ولا يستبعد موته على هذا الحال.

وقال الدجيما يصف حبيبته


الخد برق لاح قـدام الأصبـاح=ونهد كما التفاح والوسط كاللوح
ويداوي الأجراح ريحه إلى فاح=لا شك بالافراح ما منه مصلوح
يا من خبر ذباح ما بيده سلاح=لا هو بنطاح وانا منه مذبـوح

وقصيدته هذه من أشهر السامريات بالسعودية والكويت وقطر

يقول الدجيما :


ياجر قلبـي جـر لـدن الغصـون=وغصون سدر جـره السيـل جـرا
علـى الـذي مشيـه تخـط بهـونِ=والعصر من بيـن الفريقيـن مـرا
واكثر عذاب القلب يـوم سنحوني=بيح بصبـري لـو بغيـت اتـدرى
يا ليتهـم بالـدرب مـا واجهونـي=وياليتهـم مـا زادوا الحـر حــرا
ياليتهـم بالحـب مــا ولعـونـي=كان ابعـدوا عنـي بخيـرٍ وشـرا
وياليتهـم عـن حاجتـي سايلونـي=يـوم انـي اقعـد عندهـم واتحـرا
وياليتهـم مـن زادهـم اطعمونـي=انـا علـى زاد الحبيـب اتـجـرا
واهله من اول بالـورق يورقونـي=علـى غديـر تحتـه المـاء يقـرا
لا مبعـدٍ عنـهـم ولا قربـونـي=ولا عايـفٍ منهـم ولانـي مـورا
وياليتهـم عـن رايهـم علمـونـي=امـا يطيـب القلـب والا استمـرا
والا انهـم يـوم انهـم ولعـونـي=خلوني اقضـي عازتـي واتـدرى
لا والله اللـي بالهـوى هوجرونـي=هجرن به الحيـلات عيـت تسـرا
وقلبي عليه يشفق وتبكـي عيونـي=والحـال مـن ود الحبيـب تبـرى
ادعج غنـج يذبـح بسـود العيـوني=ذبح إلـى منـه هنـف واستمـرا
الخـد بـرقٍ فـي علـو المـزون=تقول بـراق مـن الصيـف سـرا
ان مت في دافـي حشـاه ادفنونـي=في مستكـن الـروح مهـوب بـرا
بيـن النهـود وقـد روس القـروني=عـن الهبايـب مستـكـن مــذرا
ان مـت فـي خـد بعيـد انقلونـي=علـى هـوى زمـل مشيـه تـدرا
وقفـت عنـده شايحـات عيـونـي=كنـي غـريـر باللهاوي مـضـرا
واكثر عذاب القلب يـوم سنحونـي=بيـح بصبـري لـو بغيـت اتـدرا
لا ضاق صدري قمت اباري الظغوني=كنـي غريـر بالدلوهـة مـضـرا
ياعزتالـي مـن تفـرق شطونـي=يعزا لـي ارمـي بالسلـب واتعـرا



يقول الدجيما :


يامل قلب من هوى البيض يشطن=بمرسن حديد معلق لـه كواليـب
يالايم قلب الهـواوي الـى حـن=لا عاد كل بالهوى له مطاليـب
ان مت يا مشعان من هن بن هن=يشدن لريش مسرولات العراقيب
لاوا على طول النفس من رشفهن=قدام ما تركز علـى النواصيـب

وله هذه القصيدة


عديت انا بالجال _ مع سرحـة المـال=شفت الغبيـط يشـال _ والمـال ينقـاد
جظ الضمير وجاظ _ والدم مني فـاض=وحولت انا معتاض _ وبديت الانشـاد
عيني لجاجـة _ والبكـا لـه سماجـة=ولها مية حاجـة _ وعـدوه الاحسـاد
يا مـن يداويهـا _ مـن الهـزم فيهـا=قـدام يعميهـا _ ويخـر لهـا ارمـاد
جرحـي كبيـرِ _ بالضاميـر خطيـرِ=لو هو بغيري _ ما شرب ما وأكـل زاد
صابن صخيف الروح _ والقلب مجروح=واللي كتب باللوح _ جانـي بالاوكـاد
ونهود مثل البيض _ في مرجع الفيـض=في وقت حتن القيظ _ من قـد الامهـاد
ميـر اتصبـر _ عندهـم واتجـبـر=مقدار واتعبّر _ والوجـع فـيّ يـزداد
جو بالطبيبي _ مـن تـردي نصيبـي=يحسب اللـي بـي _ تداويـه الأجـواد
المغربي جوبـه _ وعلـيّ وقفـوا بـه=وعطـوه مطلوبـه _ وداوى ولا فـاد
القبـر سـووه _ وبباعـيـن مــدوه=والبرجلي حطوه _ مـا بيـن الألحـاد
فوق الحفايـر _ جـددوا لـي جدايـر=والحول داير _ حطـوا البيـر ميـراد
جاني من الرحمان _ وفـدٍ لهـم شـان=يوم الأجل حان _ والجسـم منـي بـاد
ثم خدروا روحي _ وظليـت بروحـي=والماء يفوحي _ قربـوا لـي الاعـواد
لفوا عليّـه لـف _ خـام بـلا كـف=صفوا عليّه صف _ يدعون يـا اجـواد
ثـم حملونـي _ بالنعـش ودفنـونـي=واقفـوا وخلونـي _ وحيـدٍ بالالحـاد
يعطينـي الجنـه _ كمـا انـه مظنـه=منّ بلا منّـه _ وهـو سيـد الاسيـاد
اطلب عظيم الشان _ عفوه والاحسـان=الواحـد المنـان _ فـعـال مــاراد

تحياتـــــــــــــــــــــــــــــــــــــــــــــ ــــــــــي/

**** اخوكم زبون المخاسير ****

آخر تعديل بدر بن ثعلي يوم 25-May-2007 في 06:54 PM.

[العــــــــابر]

شخصيه معرووووووووفه ونعم بابن ثعلي

وبصراحه مهضووم حقه اعلاميا وتاريخيا

وياليت تزيدنا عنه اخوي

كفو ماقصرت

دمت بود

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله

[مخاوي العتبان]

اود ان اضيف لمعلوماتك


ان الدجيما من الثعاليه من العضيان

ونسبه الكامل هو

دخيل بن عبدالله الدجيما الثعلي العضياني الروقي العتيبي


مايصير تقول الثعلي الروقي على طول

الثعلي العضياني العتيبي


وشكرا

[ابوبجاد الرويس]

مشكور زبون المخاسير يالغالي

على نقل القصايد والقصص الفيده

ولاهنت يالذيب

[نفيع العتيبي]

زبون الماخسيير
ونعم فيك وفي الدجيما

قصه جميـــــله جدا

[بدر بن ثعلي]

شاكر ومقدر للجميع