تكفون باعتابه وتكفون مرات=للحق مفزاع وصوله وكره

[البارع]

اخواني وابناء عمومتي اعضاء منتدى الهيلا الكرام .... اكتب لكم
هذه القصيده التي اتمنى ان تحوز على رضاكم... وااسف وارجو المعذره
على وصفي للشخصين المقصودين ..بهذا الوصف.ولكنهم كذلك؟؟وهذه
حقيقه ..... اقول مستعينا بالله:

الله من قلبٍ يشيل الثقيلات=صابر على المقسوم خيره وشره
عالي على الشده مثل طول ابانات=ماهزته هبات الارياح مره
حتيش وان جاله من الوقت صولات=ما حركة جوفه بمثقال ذره
راعيه ياهل العرف والفهم مقتات= والدين عالمبه وعامل واقره
واتل قلبي تل قومٍ وشنــــات=جاهم بتال الليل قصفٍ مكره
وانار ليله باللهب والدَخانــــــات=واغلق عموم الدرب جوه وبره
واوجد حالي وجد عاشق وونات=خلاه محبوبه ولا ادرك مفره
تنشدعن السبه واقول الك لحظات=جرحي عميق ولا تلاقي مغره
قال النبي المصطفى كم كلمات=واليوم موقن به وقلبي مقره
موجز كلامه بينٍ فيه عبرات= تمشون حذو الغرب جره بجره
والدين من ربعه يصيبه مطشات=اشكالهم والله شبه الجعره
ناصروعبدالله ورقصٍ وهزات= للمال جلابه بقوده و جره
تكفون ياعتابه و تكفون مرات= للحق مفزاعٍ وصوله وكره
انتم هل النخوه وفيكم حميات= سدٍ منيعٍ ما تجيه الثغره
تا ريخنا يشهد ولا فيه شكات= عدونا يطعم ابحلواه مره
للحق مظهارٍ وللباطل اسكات= اقول شوفتهم ما فيها مسره
العمر مطوافه بلاشك ركضات= والموت له هيبه وزفره وزره
يالله رحماتك وكلي خطيات = ترحم بحال الناس جهراًوسره
يا لله تكسينا من الدين حلات= ونصون جانبها مثل صون دره
تميت مقصودي وبينت شارات= والنفس ماتترك مع الدرب حره

[سلطان بـن ربيــعان]

ناصروعبـدالله ورقـصٍ وهـزات
للمـال جلابـه بقـوده و جــره


يستاهلون ماجاهم


وبيض الله وجهك على ها القصيده الجزله

وافيه بكل بيت ٍ فيها



صح لسانك

[البارع]

سلطان ابن ربيعان ... مرورك اوفى.... وهذا اقل شي نسويه

للدين... دفاعا ونصره.........من الحثاله والمستهزئين

آخر تعديل البارع يوم 27-Sep-2007 في 01:27 PM.

[معلا إبراهيم الأسعدي]

صح السانك


شكراً أخي الكريم

التوقيع

[البارع]

شامان الاسعدي,,,, اشكرك كل الشكر على المرور....

وتمنيت ان يكون هناك تفاعل من الاخوه الشعار,,, لعل الله يرحمهم

بسبب غيرتهم على الدين,,,, بدل.... "محبوبتي طويله,, محبوتي نحيفه"

وعى ذلك فقس من الكلام الفاضي...وان لااعمم الحكم على احد....

فشعارنا فيهم الخير الكثير،،،،

[حمود الحمود]

(البارع) بيض الله وجهك
بارع على اسمك قصيدتك وافيه
وانت وفيت وكفيت ويستاهلون اللي
قصدتهم بالقصيده بارك الله
فيك وكثر من امثالك
تقبل تحياتي

[صقرالحره]

صلى الله وسلم على سيدنا محمد

الله ينصر دينه ويعز كلمته

ياهلا بالبارع وبما جاب

صح لسانك بارك الله فيك

[البارع]

اخواني الكرام....."حمود الحمود"......اشكرك كل الشكر على مرورك

وبارك الله فيك.....




اخي صقر الحره........ هلا فيك وصح بدنك.......