هـل الهيـلا

[أحمد الترقصي]

يسعـدنـي ويشـرفنـي بـأن أمـدح قبيلـة عتيبـة



هـل الهيـلا

تسنى لي بديعاتٍ تصفصف باللغا تنقال = حسينات المعاني والمعاني من بُنيّاتي
أرتبها من الجوهر وأسلسلها كما السلسال = ألبسها حلل لؤلؤ وأسميها من أبياتي
أقلدها هل الهيلا هل الشيمة هل الأفعال = هل الطنخة هل الفزعة ليامن بات ماباتي
ألا ذباحة الحايل ولطامة طغى من عال = صناديد الرجال اللي تهز الكون لاجاتي
ألا وإن قالوا إبن حميد زحزيحٍ ولاينطال = صميدع صارمٍ والطايلة يثنيلها وياتي
من فحول الرجال اللي ليامن قال قول أفعال = يهز المرجلة لاصارت الدعوة مساواتي
ألا يامدّبه شم ألانوف ومن لهم منزال = عظيمين الفعول اللي تسطر بالملفاتي
صيارم عن صيارم مرجلة رجّال عن رجّال = أسود ومن أسود ومن أسود ومن مخيفاتي
من أنسالٍ تسلسل نسلها من سلسلة أبطال = سيوف المجد وزحول الرجال اللي لها سواتي
ألا يامدهل اكبار الرجال ومن لها مدهال = أعزة نفس لاقالوا ولافيها مراواتي
عتيبة وإن هدت بركان وإن ثار اللقا زلزال = عتيبة مشبعين السيف من ميزان الأمواتي
على ظهور الخيول إن دخنّت بالحرب شيٍ هال = يهيلون المعادي فعلهم هيهات هيهاتي
وأنا قولي صحيح ولايجي لاقلت فيه اجدال = صحيح المجد لاقلنا وأوثق فيه بصماتي
وإذا جينا فهم ذباحة الحايل على أيّه حال = صخيين اليمين ولايجي فيهم ملاماتي
هل الكف الكريمة مكرمين الضيف بالفنجال = من دلالٍ تبارق لمعها ياكنها مراتي
وأنا والله مدري كيف أبي أنهيها على ماقال = تواريخٍ تسجل من قديمات الزماناتي
ولكن شي من شيٍ نقول القول والأمثال = نسميها هل الهيلا من إبداع إرتجالاتي
وأنا من لابتي شمّر دلالة ميلتي بعقال = طنايا شمّر الغلبا من أنسالٍ مهيباتي
مثايل قلتها جوهر من اللؤلؤ كما السلسال = هل الهيلا هل الهيلا ليامن قيل بالذاتي

ودمتـم سالميـن

[ابن البجاديه]

صح لسانك ولا هنت

[فهد النفيعي]

صح لسانك

وتقبل مروري

[بعيدالهقاوي]

صح لسانك قصيدة جزلة نتمنى لك التوفيق

[مرزوق حمدان العتيبي]

وأنا من لابتي شمّـر دلالـة ميلتـي بعقـال
طنايا شمّـر الغلبـا مـن أنسـالٍ مهيباتـي
..
والله ومليون نعم بشمر الطنايا
قصيده معانيها جزله وتستحق الاعجاب

اخي الفاضل السؤال
هل هي من قولك ام من منقولك ؟
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ابو عبد الله العتيبي]

صح لساانك

الله يعطيك العافيهـ

تقبلـ تحـياتـي

التوقيع

[أحمد الترقصي]

ابن البجاديه
فهد النفيعي
بعيدالهقاوي
ابو عبد الله العتيبي

ما أجمل ما خطته أناملكم هنا
وصح الله بدنكم جميعاً
زدتم صفحتي إشراقاً بتواجد حروفكم الجميلة
لا تحرموني روعة تواجدكم
لكم أرق التحايا وأعذبها
ودمتم للشعر ولأحبابكم يالغالين

المشاركة الأصلية كتبت بواسطة مرزوق العتيبي

وأنا من لابتي شمّـر دلالـة ميلتـي بعقـال
طنايا شمّـر الغلبـا مـن أنسـالٍ مهيباتـي
..
والله ومليون نعم بمشر الطنايا
قصيده معانيها جزله وتستحق الاعجاب

اخي الفاضل السؤال
هل هي من قولك ام من منقولك ؟
...

مرزوق العتيبي
ما عليك زوود يا بعد حي
بالنسبة لسؤالك على القصيدة
نعم القصيدة لي استاذي وبكل تواضع
أينعت الحروف بتواجدك استاذي
وحضورك شرفني وأسعدني مرورك الكبير كثيراًً
الله لايحرمني من هالتواجد الطيّب
دمت للشعر ولأحبابك يالغالي

[محب الهيلا]

مشكور وماقصرت

[نواف العصيمي]

صح لسانك وماعليك زود ونعم فيك .. ولك التقدير والإحترام

التوقيع