مركب طموحي تاه في وسط غبّه

[متعب ثواب الجعيد]

مركب طموحي تاه في وسط غبّه = ازريت اديره حال من دونه اليأس
وسط الحشاء لاهوب شي يشبّه = والفكر يلعب به ثمانين هوجاس
يا قلب لو يجافك حيّ اتحبّه = اصبر على جور الغرابيل والباس
دنياك غصنٍ بارزٍ في مهبّه = يومي به التيار من غير مقياس
جرح الهوى خبّه ولو طال خبّه = ولابد ما تنساه لو عقب مرواس
تدري واش اقوى جرح واصعيب طبّه = جرحٍ تبلاء به عليك اقرب الناس
ما ابى التفت لصغير لو زاد سبّه = الوقت علمني على رفعة الراس
ياوقت الك لوعات يا وقت ربّه = سود الليالي علمّت مثله اجناس